نامجون : جرا ايه يا جدعان هو مفيش وظيفه عايزه تقبلنا ليه سوا وكل ما نروح نقدم يشوفوا عددنا يطردونا هو احنا للدرجادي نكره
جيهوب : ماهم ليهم حق بردو ياعم 7 كتير اوي علي وظيفه واحده احنا لو رايحين الملاهي مش هنلزق في بعض كده ايه حكمتنا في اننا نبقي مع بعض
شوجا : ما كل واحد يروح شغلانه لواحده وخلاص
جيمين : لا انا اخاف ابقي لواحدي في العالم المرعب ده
تاي : يا نغه انتي كلبه تخافي تبقي لوحدك.. ما تنشف ياد
جونكوك : انا معنديش مانع بس علي شرط
نامجون : اشرط
جونكوك : تبقي شغلانه فيها اكل
الكل :......
شوجا : ما علينا
جيهوب : توكلنا علي الله
يفترق الكل عشان يقدم كل عضو في وظيفة
1- "تايهيونج"
اهلا بحضرتك اي استفسار
العميله : ايوا حضرتك كنت عايزه اعرف از..
تاي : اقفلي الراوتر وافتحيه تاني يا فندم نورتينا ومعانا اتصال تاني ونقول الوو
يدخل المدير علي تاي : يابني انت شغال في برنامج السفره اليوم ما تسمع كلامهم للآخر
تاي : اتفضل حضرتك اي استفسار؟ عالعموم لو فيه استفسار اقفل الراوتر وافتحه تاني يا فندم مع الف سلامه
المدير : عليا الحلال من ديني لو ما رديت عليهم عدل لاطردك بكره الصبح
تاي بيتجاهل المدير : طيب يا فندم جربت تقفل الراوتر وتفتحه تاني
العميل : حضرتك بقولك اللمبات مش بتنور اصلا الراوتر باظ تقريبا
تاي : يا فندم الحل دايما في فتح الراوتر وقفله صدقني تجربه ناجحه جدا واسأل بره
المدير : انا ماشي بدل ما اتشل
المدير بيلف ضهره
تاي : يابن الجزمه
المدير بيلفله بسرعه
تاي : الراوتر ده ابن جزمه يافندم
يخرج المدير
تاي : انا زهقت ايه الوظيفه المقرفه ديه لا ياعم مش لاعب
تاي بيروح للمدير
تاي : انا عايز اقولك علي حاجه بس ارجوك تمسك نفسك
المدير باستغراب : ايه موت عميل من بتوعنا صح او شليته
تاي : لا أصعب بكتير
المدير : خسرت الشركه كل فلوسها
تاي : أصعب بقولك أصعب
المدير : لا ما انا مش عايز اتشل قبل ما اسمع الخبر ده اخلص
تاي : انا مستقيل
المدير بصدمه : بتقول ايه؟؟؟
تاي : ارجوك امسك دموعك انا عارف ان..
يحضن المدير تاي
المدير : انا مش مصدق نفسي ده اسعد خبر سمعته في حياتي
تاي : طب كنت اكدب عليا طيب
المدير : مع الف سلامه
تاي : طب وحقي
المدير : حق ايه احبيبي؟ انت بقالك ساعتين متوظف
تاي : ورديت علي كام واحد فيهم دول متعرفش انت الساعتين دول بيعملوا ايه ولا ايه
المدير : اطلع برااااا
تاي : شكرا
