بعد تخرج نورا من الجامعة و بقت دكتورة ، اتفق خالد و نورا على مفاتحة اهلها بالجواز من خالد . و بالفعل فى ليلة قعدت نورا مع امها وقررت انها تكلمها على خالد.
نورا: ماما..... كنت عاوزة افتح معاكى موضوع مهم اووى .... ممكن 😊.
امها : اه يا حببتى اتكلمى..... خير ؟
نورا : الدكتور خالد عاوز يجي البيت يقابل بابا علشان عاوز يتقدم لى😊😍.
امها : 😳🙄 يتقدم لك ......🤔. ازاى يعنى ؟!
نورا تبتسم إبتسامة كسوف : عاوز يخطبنى يا.ماما ... بيحبنى. وانا بحبه 😍❤️😌.
تسكت امها و تسرح ......🙄 .
نورا : فى ايه يا ماما .....🙄🤔 سرحتى ليه!
امها : ايه ... مفيش بس مش عارفه ابوك
و اخوكى هيرضوا ولا لاء ....🤔.
نورا : يرفضوا ليه.... ؟
امها : لان فى ناس كتير جم يطلبوكى وابوكى رفض ، وكلهم ناس مبسوطة اووى. وعندها فلوس كتير وأملاك ومن عائلات كبيرة .
مظنش انهم هيوافقوا انك تتجوزى خالد🤔
نورا تبص لامها و مستغربه 😳🙄 . انتى بتقولىى ايه يا ماما انا انسانة مش حيوانة هيبعوها و يشتروها ، انا مش هتجوز غير الى انا اختاره و أحبه 🤨😔.
امها : طيب اهدى يا حببتى وانا هكلم بابا......و يارب قدم الى فيه الخير ،
كان كلام ام نورا. ليها مقلق جدا 🙄😔.
لكن سكتت. علشان تشوف اخرة الموضوع ايه
وبالفعل باليل كان الحاج عبد الحكيم قاعد و ام نورا فى اوضتهم وقبل ما يناموا بصت ام نورا. لجوزها وقالت : بقولك يا حاج... عاوزة اكلمك فى موضوع يخص نورا بنتك.
عبد الحكيم : خير مالها الدكتورة 😍..؟
ام نورا : نورا جاي ليها عريس..... و .... وكلمتنى اقولك عليه 😌😊.
عبدالحكيم : هههههه ايوة طبعا اتخرجت و العرسان ما صدقت علشان تيجى تتقدم ليها.
مين يا ام اسماعيل الى قالت عليه ابن مين ؟
مراته: انت تعرفه على فكره و هو دكتور زيها .... الدكتور خالد الى عملك العملية 🙄.
يبص عبدالحكيم ليها اووى 😳: انتى اتجننتى يا ولية🙄🤨 بقا نورا الى جالها آكابر البلد و عائلاتها و انا رفضتهم لحد ما تخلص الجامعة فى الاخر اديها لخالد حتى. لو دكتور. بس حيلته ايه خالد 🤔 .
دا بالكتير. شقته. و وظفته بس 🤨 .
ام نورا : بس يا حاج دة دكتور مهما كان .
و كويس و اخلاق و هى .... معجبه بيه 😌.
عبدالحكيم : وايه يعنى دكتور... ! ما هى كمان دكتورة ... ومش بس كدة عندها فلوس توزنه. و توزن اهله كلهم ! و بالفلوس تشترى الف زيه . و بعدين هى متعرفش مصلحتها فين ،دى لسه صغيرة .اقفلى على الموضوع دة
تسكت ام نورا وتنام. وهى زعلانه على بنتها لانها عارفة إن نورا مش هتوافق على حد غير الى بتحبه. و إنها عنيدة اووى 😔.
تانى يوم تصحى نورا و تقعد على السفرة تفطر مع امها و ابوها واسماعيل وصفيه مراته . وطول الوقت تبص لامها عاوزة تعرف عملت ايه مع ابوها 🙄.
ابوها يلاحظ نظرات و نورا علشان كدة حب يفتح موضوع الجواز قدام الجميع .
عبدالحكيم : يا جماعة فى عريس اتقدم لنورا
و بصراحه انا شايف انه عريس لقطة 😊
تفرح. نورا. اووى لانها عارفة إن امها كلمته بالليل😍😊 وتبص لامها الى كانت مستغربه من عبدالحكيم 🙄🤔. ومن كلامه. لانه رفض لما كلمته . معقوله يكون وافق 🤔🤔
اسماعيل يبص لابوه : مين يا حاج العريس ؟
عبدالحكيم : ايمن ابن الحاج على الدوغري اتقدم ليها قبل ما تخلص وتتخرج. ولما عرف انها خلصت جه تانى وماشاء الله تعليم عالى و فلوس و اراضي و عقارات من عيلة كبيرة .
نورا تبص كدة ومش مصدقة 😳😔 .
نورا : بابا لو سمحت بعد اذنك. انا مش موافقة على ايمن دة .
انا مش هتجوز حد علشان فلوسه او ارضه
و عيلته، انا هتجوز الى احس معاه بكيانى يا بابا . مش بيعة او صفقة وخلاص 😔.
اسماعيل : وايمن ماله شاب كويس ومتعلم وهيعيش عيشة مرتاحة و هيكتب باسمك اى حاجة تطلبيها 🤨🤔.
نورا : فلوس. فلوووووس...... كل تفكيركم فى الماديات 😳. انا مش عاوزة دة كله .
تبص لابوها. وتقوله ... حضرتك ماما مش كلمتك على الدكتور خالد؟!
عبد الحكيم : ايوة وانا طبعا رفضت . هو دكتور محترم. وكويس مقلناش حاجة. لكن مش هيعيشك العيشة الى عايشاها هنا على الاقل .
نورا : مش مشكلة يا بابا الفلوس إحنا الى بنجبها ،لكن مش بتصنع السعادة لينا.
عبد الحكيم : انا ابوكى واعرف مصلحتك اكتر منك يا بنتى ، مفيش حاجة اسمها حب ، الحب بيجى بعد الجواز. والعشرة .
نورا تبكى. وتقوم من على السفرة 😭 وتقول انا اسفة يا بابا مش هتجوز حد غير خالد .
وتدخل وهى بتبكى على اوضتها .
تبص بمكر. صفيه مرات اخوها وتبتسم ابتسامة شماته 🙂.
صفية : والله يا عمى اسمع إن ايمن دة محترم اووى. وكريم جدا وهو صاحب اخويا اسامة على فكرة ، بس ياريت يكون من نصيبها 🙄 مش دكتور خالد ده 😏🤭.
عبد الحكيم : إن شاء الله هتكون من نصيبه غصب عنها .خالد.دة اكيد طمعان فيها 🤨.
بعد ما تدخل نورا اوضتها وتقفل على نفسها تقعد تبكى كتير 😭😭 وتتصل على خالد
خالد : السلام عليكم اخبارك يا نورا 😍.
نورا : 😭ايوة يا خالد.... بابا عاوز يجوزنى واحد تانى اسمه ايمن 😭 من بلدنا 😭
خالد: 😳 معقولة يجوزك غصب عنك وانتى دكتورة ومتعلمة ومثقفة 😳😳.
نورا : لا بابا مش هيغصب عليا اناعارفه انه حنين عليا بس هو مشكلته بيبص للماديات
و الشكليات 😔.
خالد : تسمحى اروح اكلمه و اقنعه بطريقتى،
نورا : لا استنى لما امهد للزيارة لانى عارفة فى ناس هتزن فى و دانه😏.
خالد : ماشي ربنا يقدم الى فيه الخير 😔 يمر كام يوم ، وتفتح نورا سيرة الخطوبة مع امها. وتطلب منها ان ابوها يوافق على زيارة خالد ليهم. لانه عاوز يتكلم معاه 😔.
و تقول ام نورا. للحاج عبد الحكيم و تقنعه إنه يوافق يقابله و يتكلم معاه ، مش مشكله،
و ياخد خالد ميعاد لمقابلة ابوها ،
وبالفعل يروح البيت ويستقبله الحاج عبد الحكيم كويس. ويرحب بيه.
عبدالحكيم : اهلا وسهلا يا دكتور خالد نورت.
خالد يحس بالراحة من المقابلة 🙂 و الترحيب: اهلا بيك يا حاج اخبار صحتك ايه؟
عبد الحكيم : والله الحمد الله احسن من الاول والبركة فيك بعد ربنا 😌.
خالد: الحمد الله. الشفا كله من عند الله ،
يسكت لحظات خالد ..... وبعدين يبص لعبد الحكيم ويقوله: بص يا حاج عبد الحكيم انا هتكلم. و هجيب من الاخر 😌.
طبعا الدكتورة نورا فتحت موضوع رجائى فى انها تكون زوجة ليا. لانى مش هلاقى احسن منكم فى الدنيا 😌.
وجاى النهاردة اتقدم رسمي. واعرف كل طلباتكم. وانا موافق عليها مقدماً،
يبص الحاج عبد الحكيم لخالد🙂 ويقوله : بص يا دكتور خالد هكلمك بصراحة. وبكل وضوح ، انا منكرش إنك انسان محترم.
و متعلم ودكتور شاطر ما شاء الله عليك ،
لكن مع احترامى لحضرتك يعنى ☺️،
بنتى نورا معنديش غيرها فى الدنيا هى واخوها ، وانا عاوز اطمن عليها قبل ما اموت ، حضرتك دخلت عندنا كتير علشان العلاج بتاعى ومتابعة صحتى ، وربنا يجازيك كل خير ، .....لكن لا مواخذة شايف البيت الكبير دة. والعربية بتاعتها والارض الكبيرة. الى جنب البيت. وفى كل حتة فى البلد ، كلها دى بتاعت نورا. واخوها ، حضرتك لا مواخذة يعنى هتقدر تجبلها عربية. ولا حتى بيت زى دة ، انا مش بقلل منك لا سمح الله 😌.
لكن انا بقولك على الواقع الى إحنا فيه 🤔
يا دكتور خالد. انا يهمنى مصلحة بنتى ،
انت لو جيت على اى شيء عاوزاها من فلوس او ارض او بيت او. او .... والله ما أتاخر عليك، لكن نورا. لا☹️. نورا دى روحى وعقلى
لازم اجوزها جوازة حلوة وتعيش نفس العيشة. دى. واحسن .
خالد يسمع. ويسكت و مش مصدق بكلام ابو نورا .......😔😔.
خالد: طيب يا حاج افرض بنتك مش عاوزة الشخص دة ، لا دين. ولا شرع. يسمح انك تجوزها غصب عنها 🤔.
عبد الحكيم لا بنتى هتعمل الى انا عاوزه 😕وانا ادرى بمصلحتها 😊.
خالد يحس إن عبد الحكيم بيطردو بالذوق
يقوم. يقف و يقول : والله يا حاج مش عارف اقول ايه 😔 لكن اتمنى تراجع نفسك فى تعاملك مع جواز نورا ، السلام عليكم 😔😔. يمشي خالد وهو حزين جدا ومش عارف يعمل ايه 😔.
يا ترى نورا هتعمل ؟. و يا ترى هيحصل ايه؟
تابع
