ثاني يوم طلعت لبغداد ياهو من اخواني يسئلني اضل اصفن
زياد كلي شعدك رايح لبغداد خويه كل يوم كازع خاف عاشكلك وحده هناك ويضحك هههه
يوسف
لا خويه رايح اتونس شوي مضايق هل فتره من وره شغله
زياد
ها جا خوش انه جنت اكول رايح بشغل هم جذبتي واحد يصدكها لا انته تتونس كل يوم كازع جا ماكو بس بغداد لو شسمه وغمز
يوسف
خويه اسكت وعلي واصله لهنا
زياد
شمالك ولك احجي مو على بعضك اضم على اخوك
يوسف
ماكدرت حجيتله السالفها كلها
خويه ماعرف شبيه انه كل ماتجي بالي احس بنار بكلبي
زياد
ضليت ساكت وصافن بوجهه
يوسف
شمالك ضربت صفنه وجريت حسره
زياد
خويه انته عاشكها هاي من الاخير
يوسف
صفنت على كلام زياد
خويه كول غيرها شمالك شني عاشكها
زياد
ها جا خوش هسه انته تكول ماعشكها
جا شمالك احتركت من قريت المكتوب شمالك بس تفكر بيها
وشعدك رايح لبغداد علمودها بويه انته عاشكها لهل بت وميت بيها بس ماتدري بروحك
يوسف
ضليت ساكت ماحجيت شي المشكله كلامه كله صحيح انه شلي غرض احاسبها وفاير دمي انهه شنو ابوها اخوها حبيبها زوجها كرايبها ؟؟؟؟؟
راسي راح يطك من التفكر بس مع هذا كله انه رحت لبغداد
هناك كعدت فندق
ماعرف اذا اروح لمدرستها الكها لو لا ماعرف رجلي جابتني لهنا اخخخ من كلبي جاي اصرف بكلبي عقلي ماكو مجاي يشتغل كلبي يقودني وماعرف وين راح يوديني
...........
ملاذ
حضرت العشه ويا امي والبنات وميار بغرفتها مدري شبيها اليوم مو على بعضها خلصنا عشه تعشينه ولملمت السفره ميار صحنالها ماقبلت تاكل هل بنيه بيها شي مو على بعضها غسلت الماعين
وصعدت فوك عود اريد احجي وياها لكيتها متدده على الجربايه ومغطيه وجهه مطلعه بس عيونها وتباوع لسكف ضحكني شكلها جنها خبله شعرها اشكر وكفشتها كابه وترمش بعيونها هههههه
كتلها هيووو شبيج احجيلي واذا تحاولين اجذبين اموتج انتي مو على بعضج وبيج شي يله سولفي اسمع
ميار
لا لا مابيه شي شبيج وجع بس اليوم ماجوبت
ملاذ
ضليت اباوعلها
ايي علينا انتي من شوكت تجين مامجوبه وتهتمين احجي يله
جان يدك الفون زياد
ميار
اهو انجبي هسه هذا ابو عوينات يدك عليج
ملاذ
لا عبالي اعوفج شوي واجيج
ردت على زياد
الو هلاو
زياد
هلا بنضر عيني شلونج يبعد روحي
ملاذ
زينه وانته شلونك
زياد
جريت حسره زين وبنص الخير جا غير سمعت صوتج صرت زين وكلش مرتاح
