بعد ما اترفض خالد من الحاج عبدالحكيم ،
وأصر على زواجها من شخص غنى زى ايمن ،
مشي خالد مكسور و مجروح ، من طريقة تفكير ابو نورا 😔.
اول ما خرج خالد عرفت نورا بالحصل بينه وبين ابوها 😭 .
بصت لامها وقالت: انا مش هتجوز غير خالد.
ولو حصل ايه 😭 بردو مش هتجوز غيره .
اتصلت على خالد : وقالت اطمن مش هتجوز غيرك 😔 انت او اموت من غير جواز ،
مر اليوم و تانى يوم جه ايمن علشان يقعد مع نورا. وتشوفه و تتعرف عليه.
قعد ايمن مع اسماعيل والحاج عبدالحكيم ،
عبدالحكيم :. ادخلى يا حاجة نادى نورا.
تدخل ام نورا ليها علشان تخليها تخرج تشوف ايمن. وتتعرف عليه 😔.
ام نورا : اخرجى يا نورا بابا بره و بيقولك تعالى علشان تشوفى ايمن و تتعرفى عليه.
نورا : لا مش هخرج. ومش هشوف حد متتعبوش نفسكم مش هتجوز غير خالد 😭
تحاول تقنعها امها انها تخرج علشان ابوها ميزعلش. لكن رفضت 😔.
خرجت امها ونادت على عبد الحكيم : بنتك مش عاوزة. تخرج و بتعيط و بتقول مش هتجوز غير خالد 😔.
عبدالحكيم يتعصب و يدخل لنورا 😠.
عبد الحكيم : ازاى يا بنت امك تقولك تعالى اقعدى اتعرفى على ايمن وترفضى 🤔
ايه كبرتى علينا ولا ايه !
نورا : بابا انا مكبرتش عليكم وانا تحت رجلكم بس انا مش هقعد مع حد ومش هتجوز حد انا مش عاوزاه ☹️.
عبد الحكيم : طيب هتخرجى تقعدى معاه ورجلك فوق رقبتك فاهمه ولا. لا😠.
نورا: بابا بعد اذن حضرتك متغصبش عليا ، انا لو هموت مش هطلع اقعد معاه 😭.
ابوها : لو مخرجتيش هكتب كتابه عليكى وهتكونى مراته بالقانون 😠.
نورا : وانا يا بابا مهما حصل مش هتجوز غير خالد ومش هشوف غيره. ولو هتموتنى مش هغير كلامى 😭😭.
يخرج ابوها بعد ما رفضت تخرج وقال لامها بعد شهر هتتجوز. ونكتب الكتاب 😠.
تسمع نورا الكلام دة. وتبكى. بحرقة 😭😭
و تقرر انها متاكلش ولا تشرب وتعمل إضراب علشان تضغط على اهلها ،
تدخل امها عليها بالاكل لكن ترفض تاكل 😔 عدى يوم. كامل من غير اكل .
اشتكت ام نورا لابوها إن بنته مش بتاكل وانها حالفة انها مش هتاكل إلا لما تتجوز خالد😭.
رد اسماعيل : سبيها بكرة هتجوع و هتاكل
و مش هتقدر تتحمل الجوع ☹️ هى هتلوى دراعنا. ولا. ايه 😕.
امه : لا انا. عارفة بنتى. مش هترجع فى كلامها مهما حصل لو هتموت 😔😔
صفية مرات اسماعيل : هى يومين كدة ومش هتتحمل ، إحنا فى الشتا. ومعروف الشتاء بيجوع اووى عكس الصيف 🙂.
عبد الحكيم يسكت و يفكر يعمل ايه علشان بنته توافق ،وغير كدة خايف عليها لانه عارف ان دماغها ناشفة اووى 😔☹️.
يمر اسبوع ونورا ثابتة مش عاوزة تغير موقفها ، وابتدى جسمها يضعف. ولونها يتغير
و خافت اووى امها عليها وقعدت تبكى 😭
ام نورا : بنتى هضيع منى 😭😭 حرام عليكم والله تتحرق الفلوس و تتحرق الدنيا كلها ، تبص لعبد الحكيم 😕بنتك هتموت يا حاج ، هتموت ضناك علشان الفلوس 😭😭
تبص صفية وتهمس فى ودن اسماعيل هى هتمشى كلامها عليكم ولا. ايه اكلها بالعافية🙄 هى مش عاملة حساب لحد. ولا اية😏
يسخن اسماعيل من كلام مراته. و بكاء امه
و ياخد اكل و يدخل على نورا يتكلم معاها.
اسماعيل : يا دكتورة يا عاقلة ينفع كدة الى بتعمليه مع ابوكى وامك.... !!
يلا علشان خاطرى كلى الاكل دة حرام عليكى نفسك 😕 انتى كدة هتموتى كافرة .
نورا : انا مش هاكل يا اسماعيل متتعبش نفسك اموت.... اموت... مش مشكلة 😭.
اسماعيل. يتعصب ويحس بالاهانة ويفتكر كلام مراته 😠 خلى بالك لو هتموتى مش هنجوزك لخالد الزفت دة فاهمة 😠😠
نورا : وانا مش هتجوز غيره. واموت احسن .
اسماعيل : انتى مفيش حد مالي عينك😠
انتى مش بنى ادمة ، انتى حيوانة ،
نورا : لو سمحت سيبنى. واطلع بره سيبنى فى حالى 😭😭.
فى اللحظة دى تدخل امها على صوت اسماعيل العالى اووى.
اسماعيل : انتى كمان بتطردينى ويرفع ايده عليها و يضربها بالقلم 😠😕.
دى تقع نورا و يغمى من الضربة 😭،
تصرخ امها : بنتى ..... بنتى .... ماتت 😭😭
يجرى عبد الحكيم و يمسكها فى حضنه بنتى. .. نورا..... نورااااا 😭😔.
يرفعها اسماعيل وياخدها فى العربية بسرعة على المستشفى😔 ويركب معاه ابوها و امها
يوصلوا المستشفى تدخل بسرعة الطوارئ
عبد الحكيم للممرضات الحقوا بنتى ابوس ايديكم 😭😭. مع صراخ امها وعويلها😭😭
تجرى ممرضة على اوضة الدكتور خالد:
دكتور خالد تعالى بسرعة عندنا حالة مستعجلة اوووى وفى خطر 😔😔.
خالد يقوم يجرى بسرعة على غرفة العناية وهو داخل يلاقى ابو نورا و امها واقفين و بيبكوا 😭😭.
خالد يبص اووى ايه ده في ايه 😳😳.
يجرى عليه الحاج عبد الحكيم و مراته : نورا هضيع مننا يا دكتور الحقها بسرعة 😭😭
امها : ابوس على ايدك. وعلى رجلك رجعلى بنتى يا دكتور 😭😭 ابوس رجلك😭😭
يحضنها عبد الحكيم و يقول يااااارب .....
يا رب استرها يااارب 😭😔.
يدخل بسرعة خالد ويكشف على نورا و يعلق ليها محاليل. ويحتاج يعمل نقل دم. لان عندها فقر دم وضعف شديد نتيجة عدم الاكل 😔
تخرج الممرضة تسأل على حد يتبرع ليها يكون نفس فصيلة دمها لكن مفيش حد ،
اسماعيل طيب دلونى على اى مكان اشترى ليها دم منه دلوقت 😔.
يدخل دكتور تانى مع خالد وبعدين يخرج يسال فين المتبرع. وفين الدم بسرعة الحالة فى خطر 😔☹️.
يقوله اسماعيل. مفيش حد هنا نفس الفصيلة اشترى منين يا دكتور 😔.
الدكتور : مفيش وقت يا استاذ احنا عاوزين دلوقت حالاً 😕😔.
ام نورا. وابوها كانوا هيتجننوا 😰😱 يعنى ايه بنتنا هضيع قدام عنينا واحنا واقفين😭
فى اللحظة دى يخرج خالد بسرعة. و يسال : فين الدم. فين الدم يا ناس 😠😠😨.
الدكتور والممرضة مفيش حد نفس الفصيلة يا دكتور والمستشفى مفهاش نفس الفصيلة .
الدكتور خالد : طيب خلاص انا هتصرف. تعالى يا دكتور معايا بسرعة ،. يدخل الدكتور مع خالد بسرعة. و الممرضة لغرفة العناية .
خالد : دكتور احمد انا هتبرع ليها بدمى انا نفس الفصيلة بتاعتها يلا بسرعة اعمل نقل دم ليها 😔😔.
الدكتور احمد: انت بتقول ايه يا خالد بس انت ناسي ان جسمك ضعيف اصلا و لسه كنت متبرع من شهر كمان لمريض ، وانت عارف ان كدة خطر عليك 😳.
خالد:. لو سمحت اعمل الى بقولك عليه انا مش هسيب نورا تموت قدام عنيا 😔.
لو ماتت الحياة من غيرها لا تسوى يلا بسرعة
ينام خالد على السرير. وياخدوا منه دم لجسم نورا وبعد نقل الدم يتعب خالد شوية.
ويخرجوه. من غرفة الرعاية لوضته يبص الحاج عبد الحكيم وام نورا على الدكتور ،
وهو فاقد الوعى 😳 .
عبد الحكيم : خير يا بنتى ماله الدكتور خالد. واخبار بنتى اية 😨😰.
الممرضة : الدكتور خالد اتبرع لبنتك ياحاج مع انه غلط يعمل كدة لانه تعبان ولسه كان متبرع لمريض. من فترة صغيرة . وتعب جدا دلوقت لما اتبرع لبنتك😔😔.
ام نورا: وبنتى عاملة ايه دلوقت طمنينى ابوس ايدك😭😭.
الممرضة : بنتك بقت احسن الحمد الله .
يدخلوا بسرعة بالدكتور خالد و يرجعوا على غرفة العناية لنورا ،
بعد شوية تفوق نورا وتفتح عنيها 😨.
نورا : انا فين .... انا فين ..؟!
الدكتور احمد: انتى فى المستشفى والحمد الله انتى بخير 😊😊.
نورا : خالد فين .... مجاش ليه..؟!
احمد : الدكتور خالد اجازة النهاردة هيجى بكرة إن شاء الله 😔.
نورا : محدش يعرفه انى تعبانة يادكتور 😭
يبص احمد للممرضات 🙄😔. حاضر يا ستى
بعد شوية يدخل ابو نورا وامها يطمنوا عليها
ام نورا : بنتى.... بنتى الف حمد ليك وشكر يارب....الف حمد ليك وشكر 😭😭.
عبدالحكيم : سلامتك يا بنتى 😭 كدة كنتى هتحرقى قلبي عليكى 😔😰.
نورا: اسفه يا بابا بس انا مش هقدر اعمل الى انت عاوزه 😭😰.
عبد الحكيم يفكر فى موقف خالد النبيل وانه ضحى بنفسه علشان ينقذ بنته 😔 و بص لنورا وقالها قومى انتى بالسلامة الاول وبعدين نتكلم .
يا ترى بعد ما تخرج نورا من المستشفى وتعرف إن خالد هو الى اتبرع ليها بدمه هيحصل ايه ؟!
تابع
