اصدقاء ولكن..

الفصل الحادي عشر

اصدقاء ولكن..
الفصل الحادي عشر..
اتصلت جمانه ب عمر
عمر : اي ي جوجو..
جمانه: انا مخنوقه اوي ي عمر وعايزه اشوفك دلوقتي..
عمر بخضه: مالك ي جمانه؟! في اي ؟! انتي كويسه؟! اي اللي حصل ؟!
جمانه ببكاء: انا مش كويسه ي عمر خالص ..
عمر بسرعه: قابليني ف الكافيه اللي كنا دايما بنقعد فيه..
جمانه: تمام ساعه وهاكون هناك ..
......................
يارا : شكراً جدا ي ياسين..
ياسين بهدوء: علي اي ي يارا انتي بنت عمي..
يارا : ميرسي..
ياسين: يارا ؟!
يارا: نعم..
ياسين: انتي كويسه ؟! لان شكلك مضايق جداا ..
يارا: الصراحه اه ..رنا مش هاتيجي النهارده الجامعه .. وانا مش بحب اقعد لوحدي ف الجامعة ..
ياسين: انا النهارده عندي المحاضره بتاعتك بس.. وهي أول محاضره وناقص عليها نص ساعه ..تعالي نجيب قهوه ونشربها ف المكتب عندي ..
يارا : تمام انا موافقه ..ثم أكملت بتذكر : قهوه تااني 😂😂 ..
ياسين: انا أصلا مكنتش طايقك وقتها وكان نفسي اولع فيكي 😂😂 ..
يارا : انا مالي انت السبب .. ف النادي كنت ماشي بتتكلم ف الفون وانا كنت سرحانه وف الجامعه برضو..
ياسين: يعني انتي غلطانه زيي برضو ..
يارا : الصراحه اه 😂😂 ..
ياسين وهو يمد يده بالقهوه: اتفضلي ي لولو.. ويلا قدامي ع المكتب ..
يارا يضحك: حاضر ي دكتور .. ياسين انا اسفه ع اللي حصل مني قبل كدا ..
ياسين: وانا كمان أسفه علشان غلطت ..
............................
****تنبيببيه****
"""جمانه اخت عمر ف الرضاعه"""
_ جمانه انتي عارفه اني طول عمري كنت سندك وكنت دايما ف ضهرك .. بس بعد اللي عملتيه مع ياسين بعدتي عني ومش عارف ليه.. بس انا برضو هافضل سندك ي جمانه..
_ انت احسن اخ والله ي عمر ..
_دا ع أساس اني كنت اخ وحش قبل كدا ي رخمه 😂😂 ..
_ع فكرا انا اتصلت وقولت اني مضايقه وانت حتي مسالتش ف اي ي شرير..
_ يعني أنا موجود في حياتك وتكوني مضايقه؟!بس مش مشكله هاتنازل علشان خاطرك وأسألك ف اي 😂😂 ..
_والله ؟! عمر انا ماشيه سلام ..
_ خدي هنا بس ي مجنونه ..الناس بتتفرج علينا ..
_ نعم ؟!
_ اقعدي ..انا أصلا عارف انتي مضايقه ليه ..
_ عارف ؟! ليه مين اللي قالك ؟!
_مش محتاج حد يقولي ي جمانه ..انا عارف شرين هانم زعقت ليكي علشان كنتي مع يارا ..
نظرت له بصدمه كيف عرفت كل هذا ..انا لم أتكلم مع احد ؟!!!
_ف اي بتبصيلي كدا ليه ؟!
_ انت عرفت منين ي عمر ؟!
_ جماانه !! شرين هاانم مش بتحب يارا يعني اكيييد مش هاتوافق انك تتكلمي معاها اصلا ولا تتعاملي معاها صح ولا اي ؟!!
_ عندك حق .. بس انا مش عايزه أبعد عن يارا ي عمر ..انا حبيتها فعلا ..
_ ماتبعديش عنها وانا ماعتقدش أن عمي منصور هايسكت ل حد أنه يتكلم مع يارا نص كلمه اصلا..
_ اممم عندك حق ..
_ انا عندي خبر ليكي حلوو ..
_ اي دا بجد ؟! اي قول قول قول..
_ اهدي ي هبله 😂😂..انا هاتجوز !
نظرت له بعدم استيعاب : انت بتتكلم جد ولا بتهزر ؟!
_لا طبعا بتكلم جد ..
_هي مين ؟! حد انا أعرفه ؟! انا عايزه اشوفها؟! طب انت كلمتها ؟! طب هي إسمها اي ؟!
_ بسسسسسسسسسس ...ف اي انتي راديو؟! اهدي علشان اقدر اجاوب ..بصي ي ستي اولا هي صاحبه يارا .. اسمها رنا عماد..كلمتها مره واحده .. وانتي لا مش تعرفيها..
_ يعني شوفتها مره واحده وعايز تتجوزها؟
_ انا طبعااا مش هقول حب من اول نظره والكلام دا ..بس هاقول لما شوفتها واتكلمت معاها لقيتها محترمه جداا ودي فعلا اللي هاتقدر تشيل إسم عمر الجارحي وتحافظ ع بيتها وزوجها..بس طبعاا كنت بشوفها كتييير مع يارا ف النادي..
_اااه ومش قولتلي ليه بقي ؟؟!
_امال انا بقول لمين دلوقتي ؟!
_بتقولي ..بس قصدي ليه مش قولتلي من الاول خاالص؟!
_دا ع أساس اننا كنا بنتكلم أصلا..
_احم خلاص بقي انا أسفه.. والف مبروووك ي عمر ، اخيرااا هافرح فيك اقصد بيك ..
_ الله يبارك فيكى ي جوجو..وعقبالك ..
_ بالنسبه ليا بقي انا محتاجه مساعدتك..
_ مساعدتي؟؟ قولي ..
_ انا قررت انسي ياسين ..وهاعتبره اخويا زي ماهو بيعمل معايا وبيعتبرني زي أخته ..هااا هاتساعدني ؟!
_ اكييد طبعا ي بنتي هاساعدك ..
_هيييييه كنت واثقه..ويلا بقي انا عايزه ايس كريم..
_ ايس كريم؟! والشركة ي حلوه ؟!
_كلم اونكل منصور وقوله انك هتاخد اجازه النهارده..يلا بقي بالله عليك واافق علشان خاطري يلاااا..
_ حاضر يلا علشان نجيب آيس كريم..
..........................
_ انا كدا خلصت محاضرات النهارده ..انت عندك محاضرات تاني ؟!
_ ايوا ي يارا عندي محاضره كمان ربع ساعه.. اقعدي هنا ف المكتب وانا هاخلص المحاضره ونروح سوا ..
_ تمام ماشي ..
_ بصي دي روايه اقرايها لغايه ما اخلص ..
_ انت بتحب الروايات؟!
_ ايوا جداا ..انتي مش بتحبيها ولا اي ؟!
_ لا طبعااا انا يعشقها.. وتمام انا قرأها .. ميرسي
_ يلا انا هامشي علشان المحاضره..
_ اوكك ..
أمسكت يارا ب الورقه التي وقعت من الروايه وبدأت ف القراءه:
مشيت ومشيت ومشيت ثم تابعت السير ..لقد تعبت من السير ، جلست ع حجر ، ع قارعه الطريق ، اخذت نفسا عميقا كاني اخرج الاشباح التي داخلي..
بدأت أتأمل العابرين وافترس ملامح وجوههم..
بدأ يتسلل الياس الي داخلي
ابتسمت ثم ضحكت، ضحكت بجنون "قال لي أحدهم:انها ليست ضحكه أنها كانت تشبهه الصراخ ،او كانت ضحكه وجع ولكنها ليست ضحكه عاديه"
انتفضت فجاه قررت أن أكمل السير
لقد جالت ف بالي فكره .. ذهب إلي مكتبه واشتريت دفترا بنفسجي اللون "أنه لوني المفضل"
ف اول صفحه فتحت قوسين وكتبت"كنت أحارب لكي لا أصل إلي ما أنا عليه الآن" ياسين..
#الكاتبةة_الصغيرةة💜🍃
ابتسمت يارا بعد قراتها وامسكت ب القلم الموجود أمامها وكتابه شئ ما ع الورقه ثم بدأت ف القراءه..
**بعد مرور ساعتين**
كان ياسين قد انتهي من المحاضره وذهب الي مكتبه واخد يارا وذهبوا الي البيت ..
ياسين: عجبتك الروايه ؟!
يارا بفرحه: اها جداا ..وحلو الكلام اللي كتبته ، عجبني جدااا..
ياسين بستغراب: كلام اي ؟!
مدت يارا يدها بالورقه : دي ..وانا كتبت راي 😂😉..
قرأ ياسين ما كتبته يارا وانفجر ضاحكا : انا فعلا بحب الكتابه جداا ، وبكتب من وانا صغير كمان ..
يارا بغضب طفولي: علي فكرة أنا ماكتبش حاجه تضحك .. وانا عايزه اقرا كلماتك كلها ..
ياسين وهو بحاول كبت ضحكته: حااضر لما نروح تقراي برحتك..
وصل كلا من يارا وياسين و عمر وجمانه ف نفس اللحظة..
جمانه: ازيك ي يارا .. ازيك ي ياسين
يارا : الحمد لله ي جوجو .. عامله اي
ياسين: اهلا جمانه ..
دخل الجميع إلي الفيلا .. وفجأة صرخت يارا : جييييييمييييييي ؟!
.........................
بقلم: روان محمد 💜🌼
#الكاتبةة_الصغيرةة✍💛💮