اصدقاء ولكن..

الفصل الثالث عشر

اصدقاء ولكن..
الفصل الثالث عشر..

يارا:ياسين انت كتبت نوفيلا أو روايه ؟!
ياسين: بكتب نوفيلا بس ..
يارا: انا عايزه اقرأ..
ياسين: هما فوق ف اوضتي ..مش معايا دلوقتي..لما نطلع خديهم إقراي ..
يارا: اممممم تمام اتفقنا..
كان هناك من يتابع الموقف بحزن واخر يتابع بغضب !!
فريده بغضب: مااشي ي يارا مااشي .. بتلفي ع ابني ..انا بقي مش هاسمح انك تاخدي ابني ..
جمانه لنفسها: اهو ي جمانه قاعد عاادي وبيضحك وبيهزر .. وانتي مش ف دماااغه..ريحي نفسك بقي وانسيه ..
دخلت جمانه الي غرفتها بحزن..
ياسين: خلصتي الروايه ولا لسه ي يارا ؟!
يارا: لا لسه بس قربت اخلص ..
ياسين : تمام ،اعملي حسابك بقي مافيش روايات غير ف الاجازه..
يارا بستغراب: اشمعنا..اي السبب؟!
ياسين: علشان نشوف مذاكرتنا والجامعة ولا علشان انا ابن عمك هانجحك ..لا ي يارا انتي طالبه عندي زي اي بنت ..
يارا مقاطعة بعصبية: ياااااسيييين انا عمري ما هافكر كدا اصلا ..  انا بقدر انظم وقتي، وعارفه أمتي المفروض اذاكر وامتي اقرا ..وعلي فكرة أنا كل سنه بجيب تقدير حلو جدااا وباخد المركز الاول ..حتي من غير ما اعرفك .. ثم أكملت بستهزاء:عن اذنك ي دكتور ياسين..
.........................
صباح اليوم التالي ..
تلاعبت أشعة الشمس بلطف لتوقظها ، أزاحت خصلات شعرها البنية برقة ، إبتسمت وهي تفتح عيناها لتترك العنان لأشعة الشمس لتندمج مع صفاء عيونها ، لون عيناها كالقهوة وكأن فنجاناً من القهوة أسر بداخلها ..
نهضت وهي تغني بصوتها العذب كمياة نهر لم يعرفه البشر ، أحضرت لنفسها فنجاناً من القهوة ، راقبت حبيبات القهوة وهي تحوم في الماء وكأن الماء فضائها ، أحضرت كتاباً وفنجاناً باللون الأرجواني وتبسمت قائله ..
     - صباح برائحة القهوة ، فكيف سيكون اليوم مملا ً... ''
سمعت "يارا" طرقات خفيفة على باب غرفتها ف ابتسمت ف سعادة ...
احمد: صبااح الخير ي لولو..
يارا:صبااح الفل ي جدو ..
أحمد: شكلك كدا مزاجك رايق ..
يارا بسعاده: جدا جدا ي جدو .. انا مكنتش متخيله أن ولاد عمي طيبين اوي كدا ..
أحمد: هما فعلا طيبين واعمامك اطيب كمان ..
يارا : تعرف انا متشوقه اشوف اونكل فتحي جداا..
أحمد: فتحي دا ي ستي غلبان جداا بس ربنا يصبر قلبه ..
يارا بستغراب: ليه بتقول كدا ي جدو ؟!
أحمد: مراته ي ستي ..
يارا : مالها ؟! دي ماتت عمر صح ؟!
ايوا ي يارا.. لما جابت عمر هي مكنتش عايزه أولاد بتقول عايزه أعيش شبابي برحتي ..وف يوم فتحي لاقها بتكلم ابو جمانه ..
يارا بصدمه: بتخون جوزها ؟!
أحمد:بالظبط .. طلقها بس كانت اصعب ايام حياته ..كان بيحبها جداااا ..وعمر وقتها كان عنده سنتين وسابت ابنها وسافرت عاادي .. كمان هاتتجوز ابو جمانه قريب ..
يارا بحزن : وعمر عارف صح 💔؟!
أحمد: للأسف ي يارا ..
يارا بستغراب: بس حضرتك عرفت ازاي ..رغم أننا كنا ف لبنان ..
أحمد: كان فتحي ع طول بيتصل بيا وبيعتبرني زي والده بالظبط ..وكان بيجي يطمن عليكوا ..
يارا : اممممم بس عمر صعبان عليا اوي ..
قطع حديثهم طرقات خفيفه ع الباب..
أحمد: ادخل ..
ياسين:جدو يارا يلا علشان الفطار ..
لم تنظر له يارا ..
أحمد: تمام ي بني هاننزل اهو .. يلا ي يارا ننزل..
يارا : حاضر ي جدو ..
نزلت يارا وأحمد وياسين الي غرفه الطعام..
يارا بمرح :ي صباح العنب 😂😂 ..
الجميع: صباح الفل ي لولو..
يارا : امال فين حبيب خالتو ؟!
رودينا: حبيب خالتو نام بعد ما طلع عيني ..
يارا : امممم هايجي معايا النادي وهاعرفه ع فارس ..
فريده بسخرية:هو انتي بتكلمي بوي عادي ؟!
يارا: لا دا الفرس بتاعي 😎 ..
قطع كلامهم صوت بكاء طفل ..
اسماء: ف اي ي لولو؟!
ليان : ف كلب برا وانا خايفه العب ..
يارا :  دا كيوت مش بيعمل حاجه ..تعالي نخرج نلعب مع جيمي ..
ليان: مين جيمي ؟!
يارا : دا الكلب يلا ..
منصور : كملي اكل ي يارا وبعدين قومي مع ليان..
يارا : لا الحمد لله شبعت ي اونكل .. تعالي ي ليو نجيب اكل ل جيمي ونخرج ..
ليان بفرحه: يلا ..
ياسين: عن اذنكوا..
أسماء بهمس ل عمر : عمرر هو ماله ياسين؟!
عمر:ماله ؟!..
اسماء:دا قاعد بيبص ع يارا ولما قامت قام وراها ..وانت اقرب واحد ل ياسين قولي بقي ف اي ؟!..
عمر :ااااااه أصل اتخانق مع يارا امبارح وهي مش بتكلمه..
اسماء: اممم فهمت ..
جمانه : بتتكلموا ف اي انتو الاتنين؟!
عمر بمرح: بنتكلم عليكي😝 ..
جمانه : ي رخم 😱..
.........................
ياسين: ليان روحي العبي مع جيمي وسيبي يارا عايزها ..
ليان: حاضر ي خالو ..باي ي لولو..
يارا : نعم ي دكتور ؟!
ياسين:يارا انا ابن عمك يعني ياسين بس من غير دكتور ..
ياراا بتهكم: والله ؟! دلوقتي انا بقيت بنت عمك ، لكن امبارح كنت طالبه زي اي طالبه عندك ..
ياسين: يارا انا اسف بس مكنتش قصدي اقول كدا ..انا كان قصدي مش عايز حاجه تشغلك عن المذاكره وانا عارف مستواك اصلا ..
لم ترد يارا وانما اكتفت بنظره معاتبه..
ياسين:يارا خلاص بقي .. ولا انتي مش عايزه تلعبي معايا الكره الطايره..
يارا بضحك: لا هالعب انا بحبها ..
ياسين : وهي كمان بتحبك ع فكرا..
يارا بستغراب: هي مين ؟؟!
ياسين بمرح: الكره طبعا 😂😂 ..
يارا : طب يلا نروح ل ليان ...
ياسين ممسك بيدها : يلا بينا ..
ضحكت يارا ف سعاده ...
..........................
وصل الجميع الي النادي ..
عمر : بصوا بقي ي جماعه .. انا عيد ميلادي يوم بعد بكرا وهاعمل بارتي وطبعا الكل هايكون موجود..
يارا: كل سنه وانت طيب ي عمر ..
عمر : وانتي طيبه ي لولو ..
يارا : انا هاقوم أجري ف الترك شويه ..ياسين تيجي معايا ؟!..
ياسين: اكيييد يلا ..
يارا : انا مش قادره انسي اللي حصل ف التراك ..اول مره اتقابلنا فيها فاكر؟! 😂😂 ..
ياسين بضحك: هي دي حاجه تتنسي اصلا 😂😂 .. بتعملي اي لما بتكوني مضايقه ي يارا؟!
ياراا: لربما أتعثر .. ولكن سريعاً ما أنفض الغبار من على كتفي وأستقيم في طريقي ، أنعزل قليلاً لأستعيد قوتي ، لن أستسلم ولن أنهزم .. '' 🌸💙
............................
بقلم:روان محمد 💜🌼
#الكاتبةة_الصغيرةة💛🍃