سلام
اني اسمي ديج جنت عايش عند شخص بس هذا الشخص باعني الغير شخص بس شدعيله لان باعني
لكيت عنده دجاجه بس مو دجاجه تخبل تعرفت عليهوطلعت دجاجه مؤدبه وشايله اخلاق ماكو منهه
فتزوجنه كبل لا خطوبه ولا مهر لان اهلهه كولهم ميتين
ذبحا بعزيمه بيوم الجمعه.تزوجتها وجانت احلى ايام بس شي ناقصها "الكتاكيت"
اي الكتاكيت ضلينا ثلاث سنوات بدون كتاكيت ما خلينا قفص ما راجعنا وكلهم يكولون ماكو اي شي بيكم
احنى مفقدنا الامل ابد بس كمنا منراجع اقفاص لان
بعد ميفيدون المهم ضلينا على هذا الحال سنتين
واجه ما يخطر على البال انباعينا اي باعونهخمس سنوات وياهم هانت عليهم العشره وباعونا
ب(عشره الاف )اخ شكد قاسيين بعد ما عرفنا الخبر شالونا بقفص صغيرون وحطونا بالمقعد الخلفي
لسياره واني ابد ما قصرت بالعتاب لان باعنا فكلتلهاني...... باق بيق بق ببق بوووق
ومرتي تكول......بيق باق بيق باق
وضلينا نتوسللهم ونتعاتب لحتى يرجعونا للبيت بس
مديسمعلنا اخر شي حسيت كرامتي انمست وانمسح
بيها الكاع فنفجرن وكلت.......كووووووووووووووكوووووووكووووووو
وماحس الا القفص صار بي زلزال طلع هذا الي باعنا
ضرب القفص اني كبل سكتت وكمت اباوع عطريق
وشويه ودخلنا بمنطقه راقيه تخبل جميلهوشويه وتوقفت السياره كدام بيت يخبل نزلونا
من السياره وكام يدك الجرس وشويه يلا انفتح الباب
دخلنا وجان اشوف حديقه شكبرها تجنن وبيها قفص كبير وملون وحلوكبل حطونه بالارض واستلم العشره الاف وطلع الباعني
وراح واجه هذا الاشترانا واخذنا وحطانا بالقفص بس
المفاجئه مو هنا لكيت محضريلي دجاجه ثانيه وشنو
حنطاويه مائله للسمار بس شنو غيرعيونها تخبل اني كبل من شفتها عفت دجاجتي البيضه ورحت للسمره وكمت اعوعي عود يابه الفت انتباه وكذا
شو هيه شافتني هيج وشردت اوووويعيني رقيقه وين تفرين شو احنه بنفس القفص نهايتج
اليه واحنا حسب تقاليدنا دجاجاتنا متنطي لغير قفص
عفتها ورجعت الدجاجتي البيضه شو هيه شافتنيوباوعت لغير اتجاه عود زعلانه فراضيتها
بكم بقبه حلوه رضت عني وعدتها بعد ما اعيدها بعد وهي گلبها طيب فسامحتني فنمنا وكعدت الساعه 3
وكمت اكول.......كوووووووكووووووووووكوووووو
وما احس الا بنعال وزلزل القفص كله ولله موصوجكم صوجي اني داكعدكم ورجعت نمت
وكعدت الساعه 3:30 وكمت اكول
......كوووووووووووووووكووووووووووووكووووووو
بس اقوى من القبلها بس الحمدلله ماكو نعال
ورجعت نمت وكعدت الساعه 4:00 وكمت اكول......كوووووووووووكوووووووكووووووو
بس اقوى من القبلها وستمرت هاي الحاله الى ان
الله فرجها وطلعت الشمس بعد هاهيه طلعت الشمس
خلصت مهمتي طبعا هاي استفتاحيه لان اول يوم وكذا
وعلمود السمره ااخ يلسمرهوكعدت السمره والبيضه بس شنو اني حسبالي انو السمره رقيقه وكذا شو طلعت صاحبه مشاكل اول ما
طلعت البيضه اجت تتعارك وياها هجمت بسرررررعه
الفهد وبتركيز الصقرررر بمنقارها الجميل جلستتنقر بها نقرا عنيفا اني شفتها هيج وجتي بالي
عشره الخمس سنوات وكلت نهيييي وجيت بسرررررعه الفهد وكمت انكرر و ياها بالبيضه وطحنا بيها نكررر لحد ما سمعو صياحنا وطلع هذا الي
الاشترانا وفتح القفص احنه خفنا وتباعدنا عنها اخذ
البيضه وطلعها برره القفص بس شنو عقابا النا حطلها
مي واكل جديد وهي تاكل واحنا جوى القفص نتحسربس للامانه احجي الصدوك المكان هذا يختلف عن
المكان الكنا بي عايشين هنايه المكان انضف واحلى
وهناك كانو ينطونا بقايا طعامهم بس هسه لا كولشي اختلف كوله اكل صحي وجيد وجديد ما اجذب شويه
يغشونه ويخبطون ويه البقايا مال طعامهمبس حتى بقاياهم تخبل وصحيه المهم انباوعلها شلون
تاكل وضلينا للعصر مماكلين وتمنيت لو اني المنكور ولا هيه على الدلال الي اطوهيها للعصر يلاجابو اكل هجمت عليه هجمه كرستيانوو ما هاجمهه
والسمره تنكر بيه تريد تاكل اطيتها دفره مال حصان
وخري انتي
اهم شي الكرروش بعد ما خلصته كلهبقيت للسمره شويه ورحت للبيت هذا الي يكعدون بي
الدجاج نسيت اسمه وكعدت اريح بعد ربع ساعه من
الراحه وهمين ع الهضم ربع ساعه قليله ع هالاكل
الاكلته......يتبعبقلمي...