|💙|يوميات المراهقة|💙|

ح...2😘😘

يمني تهمس: ارام!! خوك جاي ره...
ارام: تو نمشيله....و مشتله...
سند: رومي 💙 نصي المهبول ...
ارام: شبحتك جاي شن فيه😑....
سند: غر رحبي بيا قبل😁... المهم حقا العركة🙄🙄
ارام: شن معرفتي البنات توا قالوهالي...
سند: اهااا به هاك 8 جنيه... و مدهولها
ارام: منور يا نصي القنين❤😍
سند: جديدة هادي ههههه😂😂
ارام: ههههه... هي باي نتلاقوا في الاستراحة...❤
سند: باي💕
__________
في الحوش...
ماما: محمد!!...تعالي!!...🔊(تخايلو معاي هي ماشية تنادي فيه من الدروج بحكم انه عايش فوق اهله😂😂😂)
محمد: هااااا!!🔊...
ماما: ترفعني لنوال توا !؟🔊...
محمد: به استنيني لبين ما سخنت السيارة!!🔊🚘...
ماما: هيا...(رفعها محمد لنوال و وصلت...)
نوال: اوووه رنوم نورتي الحوش💕💕
ماما: النور نورك❤❤..شن جوك و جو البنات❤❤
نوال: الحمد لله و شن حال ارام و سند و تسنوم و كنتك...💕
ماما:في بركة الله...وايه بنولي جدة حقا😍😍
نوال: بالحق ❤❤😍... الف مبروك عليك💕...ايلاف جيبي قهوة لعمتك...
ماما: لا لا مش لازم 🤚🏻
نوال: خيرك العفو😯
ماما: والله مخاطري ❣... شن حال زوجك!؟
نوال: والله مسافر هوا😔🛩...
ماما: حقا!! من امتي!؟..😯
نوال: ليه شهر توا... مزال مردش!!💔...ليه وقت معش كلمنا💔💔
ماما: مرات تليفونه مفيشي شحن او الضي هارب🔋⚡..
نوال: يمكن...💔😔...
_______
عند محمد...
مريم:محمد!؟.. اني ماشية لوطا لأهلك❣...
محمد: به متأخريش نبي غدي و ولدك ره...😂
مريم: تحت امرك يا بو ولدي 😂😂😂
محمد: ام عيالي و فروخي💓
مريم: هي باي حمادي...💓
محمد: انتبهي على روحك💓
مريم: اوك💓👌🏻...(ونزلت...)
تسنيم: اووووه مرت خوي... خشي شن حالك و حال حبيب عمتو😍😍

مريم خشت: تمام و اهو قاعد يتقلب و يضرب فيا برجله هههههه😂😂....و خوك يا سبحان الله مغير الاحوال ابدي يدلع فيا هلبا😍😂😂😂
تسنيم: ماهو مرته حامل😂👌🏻💕💕
________
عند التؤام👫🏻😂...
رن جرس الاستراحة...(عاد كولوا و احشوا 😂😂... الله علي الايامات😿💔...)
ارام: واخيراً...😍😍
هبه: ايه...هيا نطلعوا للمقصف نشروا انا جعت ☻
ارام: هيا يا الثلاثي العجيب😂😂
مرام: هي....(ومشوا للمقصف...)
ارام: لو سمحت نبي سمنسة و كولا و تشبس...
صاحب المقصف: هادوا ب 10جنيه ره😒
ارام: كيف!!؟ منين بنجيبهم الباقي توا !!!
صاحب المقصف: بتشري ولا شني!😒😒..(مرض فكرني بأبلة سليمة امتاع الجغرافية سبحان الله نفس الاسلوب 😂😂...)
جيجي وتي روحك للعام الجاي ره الابلة سممممم😂🤕🤢🤮.... و بنقولك ره الابلة حديرلكم كل حصة كوز علي الدرس اللي فات ☻😂😂😂👌🏻... قلت خلي انوقظك ☻☻☻💔...
@sajazaki
ارام: تي غر اصبر شوية يا راجل🤔...(و فجأءة ايجي #عبدالله...)
عبدالله: انتي ارام صح!؟🙄
ارام: انا هي علاش 😐
عبدالله: مش مهم... شن القصة اهني!؟...
ارام: وانت شن دخ...(قص)
عبدالله: مش قايلة🤨...(و اتجي الفرخة مرام..)
مرام: تو نحكيلك...( و اختكم مرام الكلبة البقرة والحيوانة حكتله...😒)
عبدالله: كان هكي انا حندفع...
ارام: اه!؟... لالا تو انشوف حاجة غيرها(قص)...
عبدالله: تي عادي كأني شريت اصلا...هاك😊
ارام: مشكورة 💕...
عبدالله: مفيش داعي للشكر هي باي...
ارام:!؟...باي😯....(خذوا الحاجات و طلعوا...)
هبه: ارام نعرفها النظرة هادي ره😂😏
ارام: انتي بالذات سكري فمك... وين البنات 😒😒
هبه: جايات😏☻
_______
عند سند و صحابه...
نزار: حذيفة...تعالي فيسع😎...
حذيفة: شن تبي من عمي😒...وانت 24 ساعة حذيفة حذيفة خدامك اني ولا شنو😒
نزار: درق وجهك 😏😂😂...(اكيدة كلكم تعرفوها الحركة البايخة هادي...لما ايجي حد و ايقولك تعالي و في الاخير ميطلع فيه شي😂😂...)
سند: تي خيركم وانتم عاد توم وجيري 😂😂
حذيفة: تي اسمع قتلك بكري شفت اختك فالمقصف(قص)
سند معصب: تي انت خير عمك مع اختي!!!😠
نزار: تي صكر فمك يا دراه انت وياه!!😠
سند: ضم فمك الا اختي تي شادني علاها لوين!!!😠😠...حول من عليا تي والله ما تسوي راجل👌🏻
حذيفة: راجل و نص😒
سند: برا برا يا امتاع البنات برا!!😠
حذيفة: شن هيا عاود عاود!!👂😠
سند يستفز فيه: زي ما سمعت يا امتاع البنات!!
حذيفة ايدف في سند😲😳
سند: حي على امك حي!!!(و بدو يضاربوا)
نزار: خلاص يا راجل انت وياه!!
سند: اطلع خير لنفصل عليك انت التاني!!(نزار المسكين اللي ولي زي المرعوش امشي لأرام...)
نزار: ارام !!ارام!!الحقي خوك يتعارك!!
ارام: شنو!!! يا انهار احرف منك!!😳..( و طلعت تجري لسند..)
ارام: سند!! سند!!خلاص!!😲😲😳
سند: ارام!!حولي من اهني و الله لما نقتله الكلب اهوا !!
ارام: سند اوقف بدير جريمة!! اوقف علي خاطري!!!
سند:................
____________
يتبع😍💕...
انفكر انزلكم كل مرة مراحل المراهقة و خصائصها من كتابي شن رايكم 😍😍😍👌🏻..
ادعولي ننجح لأني شهااااااادة ☻💔👽
كل سنة وانتم طيبين ❤❤❤💖
انحبكم هلبااااااااااااا هلباااات هلبواااات 😍😍
تنسوش اتابعوني عالانستا 😘😘👇🏻👇🏻
x_ha_bo_sh_x
802 كلمة....