Midnight Flower (Season 3)

Third

"Lim သခင်ကြီး။ ကျွန်တော်တို့ရဲ့ အရောင်းအဝယ်ကို ရဲဘက်ကသိသွားလို့ ခဏရပ်နားထားရပါတယ်"

သတင်းပေး၏ စကားကြောင့် Lim Yaumg မှာ ခေါင်းနပန်းကြီးသွားသဖြင့် အနီးရှိ ထိုင်ခုံတွင်ထိုင်ချလိုက်ရသည်။ အနီးတွင်ရှိသော Fengလည်း အခြေအနေမဟန်သည်ကို သိလိုက်သဖြင့် သတင်းပေးက်ိုထွက်သွားရန် အမိန့်ပေးလိုက်သည်။

"Feng..ငါအစ်မနဲ့ တိုက်ရိုက် စစ်မခင်းချင်လို့ ရှောင်နေခဲ့တာ။ အခုတော့ ငါမှားပြီ"

Lim Yaumg အနားတွင်နေလာခဲ့သော အချိန်မှာ ၁၀စုနှစ် တစ်စုလောက်နီးနီးရှိနေပြီဖြစ်သော်လည်း ထိုမျှ နောင်တရနေသည့်ပုံစံကို မြင်ဖူးခြင်းမှာ ပထမဆုံးပင်။

သူတို့ထင်ထားခဲ့သည့်အတိုင်းပင် Chanyan ၏ ဂိုဏ်းက တိုက်ခိုက်လာလေသည်။ Long ဂိုဏ်း၏ အဓိက ငွေဝင်ပေါက်လမ်းကြောင်းများအနက် ၃ခုကို အပိုင်စီးထားလိုက်သည့်အပြင် အစိုးရနှင့်ပါ ပေါင်းကြံသောကြောင့် Lim Yaumgမှာ ဘေးကြပ်နံကြပ် အနေအထားသို့ရောက်နေသည်။ ထို့ပြင် Long ဂိုဏ်းထဲတွင်လည်း Chanyan ဘက်တော်သားများရှိသောကြောင့် အင်အားမှာလည်း သိသိသာသာကွာဟလာလေပြီ။

Long ဂိုဏ်း၏ နေဝင်ချိန်ရောက်ရှိတော့မလားဟုပင် Yaumg ပူပန်နေရသည်။ ငွေကြေးနှင့်အာဏာသာမရှိတော့ပါက Lim မိသားစုတစ်စုလုံးမှာ လုပ်ကြံသူများကြားတွင်တစ်စဆီ အမဲဖျက်ခံရတော့ပေမည်။ ထိုသူတို့လက်မှ လွတ်မည်ထားဦး Huamo၏ အနာဂတ်အတွက်မှာ မရေရာသေးပေ။

"သခင်ကြီး။ သခင်ကြီး။ ပြဿနာတက်ပြီ။ မမလေးနဲ့ သခင်မလေးတို့စီးလာတဲ့ကား မတော်တဆဖြစ်လို့ အခုဆေးရုံ ရောက်နေပါတယ်"

ထိုသတင်းကြောင့် ချက်ချင်းပင် Lim Yaumg ဆေးရုံသို့ လိုက်သွားသည်။ အရေးပေါ်ခန်းထဲသို့ စိတ်ပူပန်စွာ ဝင်လိုက်သော်လည်း အခန်းထဲဝင်ဝင်ချင်း ခြေထောက်ကို ပြေးဖက်သော Huamoကြောင့် စိတ်အေးသွားရသည်။

"သမီး ....Meiကော"

"ဟိုမှာ"

ကုတင်ပေါ်တွင် ထိုင်လျက် မှန်ကွဲစများကို အစိမ်းလိုက်ထုတိနေသဖြင့် သွေးသံတရဲရဲဖြစ်နေသော Meiကို တွေ့လိုက်ရသည်။Meiမှာ ကားတံခါးနှင့် ညှပ်သွားခြင်းကြောင့် လက်မောင်းတစ်ဖက်လည်း ဒဏ်ရာအကြီးအကျယ်ရသွားလေသည်။ သူတို့၏ Driver မှာတော့ အရေးပေါ်ခွဲစိတ်မှုလုပ်နေရသည့်အပြင် သေမလားရှင်မလားပင်မသိသည့်အခြေအနေပင်။ မှန်ကွဲစများကို ထုတ်ပြီးနောက် ပတ်တီးစည်းပြီးမှသာ သူနာပြုထွက်သွားလေသည်။ သူနာပြုထွက်သွားချိန်မှသာ Yaumg စကားစမိသည်။