كان يا مكان في قديم الزمان چان اكو خنفسانة (بس مع الأسف الشديد ملگيت ايموجي مال خنفسانة فجبتلكم ايموجي مال بت عم الخنفسانة واسمهة دعسوقة🐞) 😉المهم فد يوم من الايام چانت. تكنس🧹 البيت مالتهة
چان تلگة دينار ذهب(طبعاً الفلوس ايام زمان چانت معدنية مو مثل هسة ورقية هسة تگولون ندري بس
لاتنسون هاي قصة أطفال يعني نعتبرهة معلومة جديدة ههههه) .
اتعجبت خنفسانة خاتون منين هذا الدينار الذهب بس معرفت. فقررت انه تضمه يمهة. المهم ثاني يوم هم دتكنس البيت چان نفس الشي لگت دينار ذهب ثاني وهمينة ضمته.
وبقت على هالحال كل يوم تلگة دينار ذهب من تكنس (هسة الكل تلزم مكانيس وتشتغل الندارة) لحد متجمعت عدهة دنانير هواية شالتهن وراحت للسوق اشترت ثوب جديد👗 وحمرة💄 (هذا المشايف وشاف تالي وكته 😂😅) ومن رجعت للبيت لبست الثوب الجديد وحطت الحمرة 💋على شفايفهة السود 🙊وگعدت بالباب
ورة شوية إجة بياع البصل شافهة وگال: ها خنفساانة! اشو محمّرانة(يعني متحمرة💋) وگاعدة عالدريبانة؟ (الدرب).. باوعت علية وگالت : أبو البصل أبو البصل اذا أخذتني ببيش تضربني؟ گاللهة أضربچ بأكبر راس بصل عندي. الخنفسانة گالتلة روح روح ماأريدك🤬
مر وقت چان يمر الجريذي(الجرذ او الفأر الكبير) . شافهة وگال : ها خنفسانة! أشو محمرانة وگاعدة عالدريبانة؟.. باوعت عليه وگالت : ياجريذي اذا أخذتني ببيش تضربني؟ گاللهة أضربچ بطااارف ذويلي (بطرف ذيلي) چان الخنفسانة كيفت بي وقبلت تتزوجة💍 وعاشوا بثبات ونبات إلى أن....
🐞
🐞🐞
🐞🐞🐞
🐞🐞
🐞
بيوم من الايام تأخر جريذي أفندي عن البيت وطلعت وراه الخنفسانة تدور عليه وهية تبچي وتسأل الرايح والجاي عليه لحد مادلوهة عليه ولگته 😭 أثاري چان ديفتر چان يشوف شيشة دبس أكل شوية منه شافه طيب كلش حبه چان يطمع بي ظل ياكل وياكل لحد ما طب اببطن شيشة الدبس وهوة ياكل مستمتع
ما حس على نفسه الا وهوة منفوخة بطنه من الاكل فحا ل يطلع منهة مگدر لأن صار سمين وظل يصيح بس محد سمعه لأن بداخل الشيشة وظل حاشر بيهة لحد ما مات الله يرحمه. 😔
وگامت الخنفسانة تبچي وتگول: جريذي شيخ الجرذان وگع بالشيشة طلع غرگان.. أحو أحو...
تمت.....
