ريم
بعد ماحيدر كال سيف ضاربينه سجين سودت الدنيا بعيني خليت ايدي على بطني وفقدت بعد ماحسيت بادنيا فتحت عيوني عبالي احلم بس لكيت روحي بمستشفى جان عطت سيييف اريددد سيف خالهه ملاذذ جيبولي سيف وابجي بحركه اجتي خالتي وملاذ
ملاذ حضنتني وتبجي مابي شي سيف والله مابي شي هسه كعد فد ساعه ونطلعه لا تبجين يكلبي حامل انتي مو زين على اطفالج
حضنت ملاذ وبجي
لا تكذبين عليه كليلي سيف وينه وشبي
اجتي ام حيدر
تمسح على راسي وتبستم بس الدمعه بعينها
يمه مابي شي رجلج لا تفاولين على رجلج هسه يرجعلج انتي واوليداتج صيري قويه يمه
مسحت دموعي كتله خاله اريد اشوفه
ام حيدر
اشوفي يمه اشوفي هسه خل يخلص المغذي الشكلو الج
اجتي الدكتوره ضربتني ابره ماحسيت بشي بعد
ام حيدر
دكتوره هيا حامل خاف مو زين عليهه
الدكتوره وهيا تبستم
لا عيني ماعليها شي بس ديرو بالكم عليهم هيا حامل وبتوم لا تخلوها تتعب مو زين على صحة البطنها
ام حيدر
ان شاء الله دكتوره شوكت نطلعها
الدكتوره
تكدرون هسه اطلعوها لان خلص المغذي
.......
زياد
راحت ملاذ
وضليت الوب انو هذا الحايط الحظ الوياها يريد يلحكها لو مالزمه اخوها يحيى كله مره امدده هنا وين تريد تولي
وعلي لو انه من يحيى اشبعه كتل صاير خير
هو يباوع عليه مبين عليه انو انه ماطايقه ولا حبيته
رحت نضفت جرح ايدي ولفو ايدي جرح سطحي مو عميق بس جبير
طلعت لكيتهم يردون يطلعونه انه اترخصت منهم هما جلبو بيه بس انه مارضيت ملاذ تباوعلي بقهر عيونها تتجول ساعه علىً عيوني ساعه على ايدي لان ملفوفه وشوي دم طالع وتباوعلي بقهر نضراتها موتتني بدي اروح وحضنها كدام الكل وكسر ضلوعها بحضني وطمنها
امها اشكرت مني واخوانها خليت وطلعت
بوجهي للفندق تعبان بس اريد احجي وياها
........
ملاذ
طلع زياد وروحي طلعت ويا تمنيت يبقى بس هو ابو خشم اليابس ماقبل
ايده ملفوفه واني اباوعله بقهر سوده عليه يبعد كلبي انكسر كلبي وانهضمت من شفت ايده هيج ماعرف ليش تمنيت كون اني يمه ومرته حتى اهتم بي وماريد يتأذه ماعرف هيج تمنيت بوقتها تمنيت كون يقبل ويبات بيتنه بس هو ماقبل وراح خفت عليه من الطريق من وره سالفه سيف خاف هم يطلعوله مثل هذول الحقراء و...
يمه اسم الله عليه خنكتني العبره ياربي اريد ارجع للبيت واحجي ويا شلون بيه خفت عليه كلش مثل ماخفت على سيف واكثر احسه هو سندي واخاف عليه من الهوى اتمنى اضمه بكلبي كون يبقى بس ماكابلني وكاعد ماريد لا يطلع للشغل ولا يروح منا لهنا بس يمي
اوفف
.........
ريم شوي وصحيت
خالتي ام حيدر دخلت وهيا تتبسم
يله رجلج يريد يشوفج كومي
ريم كمزت كبل كتلها
خاله وينه
ام حيدر
يمه تكدرين تكومين لو لا
