🔪شمكارة زووهرة 🔪 (مكتملة )

البارت 25

الصراحة مني شفت الأخبار ديال الحبيب ديالي في الجورنال وأنا حالتي حالة معجبني حال مرشقا ليا

                        تسريع الاحدات

داااازت 5 أيام على داك شي لوقع ليا وأنا مزال باقا مضمرة نفسيا ومعناويا حتا حسيت براسي ولا في الأكتئااااب حاد حتا حاجة معاااجباااني مباغا حد مبغا نهدر معا حد مبغا نشوف حد غير صادا عليا في لبيت ديالي وعطياها غير لبكا وتخمااام .....والتمغاط لي ولا هوا الونيس ديالي هاد الأيام عاد زيد عليها الأدمان🚬 لي كترت منو بزااااف هاد خمس أيام غير باش نسي المشاكيل ديالي...... وليت گارو تابع گارو وزدت كملتها وجملتها وليت كنتعطا لشيرااا غير الباش نسي الهم ونسا سيهم تائر ونساااا بو ندبة لي وليت غير كنسد عينيا باش ننعس كنبدا نحلم بيه مبغاش تحيد ليا الصورة ديالو من وصط عينيااا .....غير كنحااول ننعس كنتفكر  أخر مرة شفتو فيها غير كنسد عينيا كنشوفو قدامي ونصدق فاايقة عرقانة ووجهي صفر وكنهج بالخلعة

فينما كتحلا عليا النعسة كنشوفو قدامي حتا مبقيتش بغا ننعس گاع وليت بحال شي هبيلة ولا مسطية فديك البيت كل مرة گالسة في قنت حتا حسيت براسي غادي يخرج ليا لعقل 🤯ممنهاش .....

سليم مني شافني وليت كيف هكاك  تخلع عليااا .....جا بزاف ديال لمرات حاول معايا باش يصل ليا لساني ونقول ليه مابيا ولاكن أنا مقدرتش مقدرتش، أش غادي نقول ليه أش غادي نقول ليه بالي شي حد خطفني وغتاصبني وباقا دفني في حفرة حتا كنت غادي نموت على بونت ولا نقول ليه بلي وليت كنبغي واحد أخر وحتا هوا ممعبرنيش  ممديهاش...... فيا مااا عارفني كاينة ولا مكينة أش غادي نقول ولهوما نخلي هااد الشي لي كنعيشوو هااد الأياام في قلبي  منعودووو لحد ( خلتها حنا الله يرحمها في نهار ليوم )

مني مبغيتش نقول ليه حاول معايا بزاف ديال المرات باش يخرجني لي شي بلاصة غير باش يذربني لبرد ونشم لهوى ولاكن أنا مبغيتش بقيت مصرة على الراي ديالي فينما كيدخل عندي كنضور فيه وكنقول ليه مبغا نشوف حد مبغا نشوف حد هاد الشي لي خلاه يخاف عليا .....وحاول يهدر معايا باش يديني عند شي طبيب نفسي حيت شاف الحالة ديالي تأزمات بزااااااف وليت حاسة براسي جاني أكتئاااب حاد ممنهاش الصراحة وخا هكاك كيبقا فيا ولاكن راه بدون شعور مني كندور فيه معندي مندير ماشي لخاطري ماشي لخاطري حتا أنا مبقيتش حاملة هاد الشي لي كنعيشووو دبااا

ليوم خمسة أيام على الشي لي وقع ليا وشي لي وقع لتاااائر وشي لي أزمني بزااااف..... ندت وقفت جمعت النوضة من لفراش شحال قدني نبقا هكا شحال قدني أنا مريضة وغاادي نزيد نمرض بركااا علياا غير هااد الكدمات لي لحد الأن بااقين مطرااسين في لحمي بيض .....كرهووني حيااتي غير كنشووفهم وكنشووف أيديه مطرااسين في لحمي  كنجعر

وقفت وأنا مجنة دووخة شااداني ....خاصني ضروري ندير شي حاجة لي نسي بيها هاد الشي لي أنا فيه حيت لبقيت غير مغطا ونبكي مغادا تبدل حتا حاجة خاصني ضروري نمشي نشوفو ولي ليها ليها ماشي شغلي في عوااقب لي غاادي توقع ..... ولي بغا يجرى يجرى ولا نبقا بحال لحنش لي مقطوع راسو مرضت في صحتي غير بالتفكير والهم والمشااكيل لي طااحوو على راسي بحال سااعقة