قصة (مشوار تهانى )
المقدمه
الحب والتصحيه والغيره والاهتمام دول اجمل حاجه فى الحياه
جميل انك تشوف شخص قدامك بيغير عليك لانه بيحبك ومش بيقبل حد يتكلم معاك او يبصلك حابب انك تكون ملكه ملكه لوحده
وان المال عمره مكان سبب السعاده وان الحب لازم ينتصر
الابطال
البطله: تهانى
البطل: الياس
ام البطل :الحجه بديعه
ابن خالت البطل :ماجد
صديقه البطله:مريم
خالت البطل :سماح
القصة
فتاه اسمها تهانى تسوق سياره تاكسى وهى بتسوق وخايفه وبتقول ياربى امتى اتعود بقى على السواقه ولسه فى بدايه تجربتها للسواقه وكانت كل لما توصل حد وتاخد فلوس كانت بتبقى سعيده جدا وفجاه وهى سائقه تخبط شاب جميل جدا فيقع على الارض وناس كتير حواليه وتهانى مصدومه وبتقول يالهوى انا عملت ايه ونزلت بسرعه وبصت لقت شاب واقع على الارض والناس حواليه وقعدو يزعقولها ويقوللها مابتعرفيش تسوقى بتسوقى ليه وبعدين دى شغلانه رجال قالتلهم ارجوكو اسمعونى انا مكنش قصدى اخبطه قالولها مش وقته الكلام ده وحطوه جوه التاكسى وقالولها يلا اطلعى على اقرب مستشفى راحت بصت بخوف وقالت بس انا كده ممكن اتسجن راحو زعقولها وقالولها يعنى نسيبه يموت يلا اطلعى فساقت وراحو اقرب مستشفى ودخلو المستشفى والممرضه قالت مين اللى خبطه فراحو كلهم بصو على تهانى وقالو دى اللى خبطته راحت قالت هاتى بطاقتك لو سمحتى راحت قالت والله ماكان قصدى اخبطه هو اللى طلعى مره واحده كده وبكت راحت قالت لها احنا لازم ننفذ الاجراءات قالتلهم طب ايه اللى هيحصل معايا قالتلها معرفش وسابتها ومشت وجه ظابت اخذها
الشاب فى المستشفى ورجله اتكسرت ودماغه اتفتحت وبعد فتره دخلو عليه وقالوله على اللى حصل وان فى بنت خبطته بالتكسى راح قالهم انا مش هسيب حقى قال له مش هتتنازل يعنى قال لا قاله طيب احنا هنشوف الاجراءات ايه وهنفذها وكان لسه هيطلع راح الشاب فكر وبعدين قال استنى راح الظابط بصله وقاله فى ايه قاله هو ينفع اقعد معاها شويه قاله ماشى ثوانى وادخلهالك وطلع
راح قال لتهانى الشاب طالب يشوفك وعلى فكره هو رافض انه يتنازل راحت قالتله هو ايه اللى هيحصل فيا قالها هتدفعى غرامه والا هتتحبسى قالت اتحبس وخافت راح قالها تعالى معايا واخذها ودخلها للشاب فاول ما دخلت بصت للشاب وهى خايفه راح بصلها وقالها انتى اللى خبطينى راحت بصتله وهى بتبكى وقالتله والله مكان قصدى والله انت اللى طلعت قدام التاكسى مره واحده راح قالها وهو فى بنت تشتغل على تاكسى قالتله انا بشتغل على التاكسى ده لظروف معينه قالها ظروف ايه دى قالتله ماما اتوفيت وانا عندى 10 سنين وبابا ربانى وصرف عليا من التاكسى ده ولكن هو تعب جدا واتوفى من شهرين وانا قررت اشتغل على التاكسى بتاع بابا واصرف منه قالها وانتى عايشه مع مين قالتله لا انا وحيده عايشه لواحدى فى بادروم فى بيت قالها اممممم معنى كده انتى معكيش تدفعى تعويض قالتله بالظبط كده ارجوك اتنازل انا مش حمل مرمطه قالها انتى عاوزانى اتنازل على حقى لالالا لازم تتسجنى كام يوم كده عشان متخبطيش حد تانى قالتله ليه بتقول كده ارجوك اتنازل قالها اتنازل بس بشرط قالتله ايه هو الشرط ده قالها انتى لما خبطينى ضيعتى عليا شغل كنت رايح اقدم فى وانا شاب برضه من عيله على قد حالها وامى مريضه جدا ومحتاج حد يكون متفرغ يقعد معاها وانا شايف انك مناسبه جدا قالتله بس انا بشتغل على التاكسى قالها مانا اللى هشتغل عليه واللى هطلعه فى اليوم هيتقسم بالنص ايه قولتى ايه قالتله لاء قالها يبقى انا مش هتنازل قالتله انت ليه بتعمل كده حرام عليك قالها بعمل ايه يعنى تخبطينى وتخسرينى شغلى وتكسريلى رجلى وفوق كل ده وتقوليلى حرام عليك قالتله اسفه على كل ده بس انا مكنش قصدى اعمل كده وانا مش حمل سجن ومرمطه راح بصلها وقالها انا قولت اللى عندى قالتله انت كده بتستغل الموقف اللى انا فى وانى دلوقتى ضعيفه حرام عليك راح بصلها ودور وشه راح الظابط جه وقال خلاص خلصتو قالو اه وانا لسه على قرارى مش هتنازل ياتدفع تعويض ياتتسجن راح الظابط مسكها من اديها وهى بتبصله وعيونها كلها دموع وخوف
