رواية اوجاع عشق

القصه كامله

تعريف قصه (اوجاع عشق)

الحب ملهوش اى علاقه بالشكل

الحب فى القلب وفى الحب القلب بيخاطب القلب

والحب لو كان بالشكل مكنش القلب دق

اوقات كتير بنكون مجبورين ندارى ونخبى الحقيقه فى قلوبنا مش عشان نخدع اللى بنحبهم

لا عشان خوفنا على فقدانهم بيكون اكبر من الحقيقه

القصه دى هتعلمنا وهتعرفنا ان الحب عمرو مكان بالشكل ولا بالغنى والحلو حلو الروح وان الحب بيكون مخلوق فى القلب بنحس بى وبيحس بينا

الشخصيات

-الابطال

حازم: شاب جميل ذو ابتسامه ساحره يمتلك عينان عسليتان وشعر اسود وناعم وبشرته بيضاء مفتول العضلات وطويل القامة

عشق: فتاه قبيحة الشكل تمتلك انف كبير بشرتها سمراء عيناها سوداء تمتلك شفتان كبيرتان متوسطة الحجم ومتوسطة الطول

مدام مرفت:سوف تعمل عندها عشق

شخصيات فرعية

اصدقاء حازم

اخت عشق

والد عشق

مدير المقهى

(( القصه ))

كان فى بنت اسمها عشق عمرها 22 كانت عائشه مع مامتها وباباها واختها الصغيره وكانت عشق مش جميله الشكل ولاكن كانت جميله الجوهر والقلب وكانت تعمل فى كافيه على البحر جرسونه وكانو دائما اصدقائها يسخرون منها لانها مش جميله زيهم وكانت تعانى من السخريه دى ولاكن كانت دائما تقول الحمد لله على كل شئ كانت راضيه دائما وكانت تعشق شغلها جدا وتهتم باختها الصغيره

وكان هناك شاب اسمه حازم عمره 26 كان غنى جدا وكانت تصرفاته غلط يحب الجمال والاصدقاء والسهر والخروجات وكان وحيد اهله عشان كده كانو مدلعينه وكان لا يعرف للمسئوليه عنوان وكان بيروح مع اصحابو كل يوم نفس الكافيه اللى بتشتغل فى عشق

كان حازم شب جميل جدا كانت البنات بتحبو وهو كان بيحب البنات الجمال وكان بيعتبر البنات لعبه بالنسبه له كل يوم مع بنت شكل وكانت عشق تكره انها تقدم اى طلب للطربيزه اللى بيكون قاعد فيها لانه دائما يدايقها ويقول لها كلام جارح ويعيب على شكلها ولبسها وكان لا يحبها لانها مش جميله زى مابيحب وكان بيتسلى اوى هو واصحابو لما بيديقوها وفى مره صاحبتها تعبت وقالت لها ممكن ياعشق تقدمى انتى الطلبات دى قالت لها ماشى انا معايا طلبات برضو هقدمهم مع بعض فقالت لها شكرا فاخدت الطلبات وراحت تقدمها لقت حازم واصحابو قالت يارب اليوم يعدى على خير قدمت عصير لحازم فبصلها وقال لها ايه ده قالتلو حضرتك شايفو ايه قالها شايفو زفت طلب غير طلبى انتى متخلفه يابت انتى راحت قالتلو حضرتك طلبت طلب وانا جبتو راح زعق وقالها وكمان ليكى عين تردى عليا راحت قالتلو ممكن افهم ايه الغلط راح قالها لا بقا انتى زودتيها فقلب الصنيه اللى كانت مسكاها على الارض وهدومها اتوسخت فبصتلو كده راح زعق وقال فين المدير اللى هنا ايه اللى بيحصل ده المفروض ده مكان نضيف لازم تعينو ناس نضيفه وتفتح النفس مش تجيبو ناس تسد نفس الواحد حاجه قرف واشكال تسد النفس على الصبح فالمدير جه وقال فى ايه ايه اللى بيحصل ده انت فى مكان محترم مينفعش كده واتكلم بصوت واطى راح قالو فى ان الانسه جابت طلب غير طلبى وفوق كل ده بترد فقالو اسفين لحضرتك فنفخ وقال حاجه قرف وصحابو عاملين يضحكو فبصتلهم عشق وطلعت تجرى وهى بتعيط ودخلت الحمام وبصت فى المرايه وفضلت تعيط وتقول انا ربنا خلقنى كده اعمل ايه وفضلت تعيط فمسحت دموعها وقالت انا مش وحشه انا حلوه ومسحت دموعها وضحكت فى المرايه ولكن قلبها بيعيط