في الحلال جنه

الفصل السادس

كنا قد انهينا الفصل الخامس علي مجلس يجمع بين فاطمه ووالدها ياسين وسلمي ووالدها جمال وشقيقها علي وهبه وشقيقها أحمد في حديقة منزل سلمى
استمع إليها الجميع بصمت وبحرص وأخذت تفكر مره أخرى وبعد دقيقتين مرو كعامين قالت فاطمه بصوت عالي يملئه الفرحه أنا عرفت مين البنت اللي مع سلمي دي
هبه : مين يا فاطمه حد إحنا نعرفه
فاطمه: دي تبئي.........
دي تبئي سميره السيد دي بنت كنت عرفاها في سنه أولى وانتو جيتو حذرتوني منها وقولتو البنت دي بتاعت مصلحتها وملهاش أمان فكراها يا هبه لما جيتي اتخانقتي معاها عشان كانت منعاني من دخول المدرج بعد ما حصل بينا خلفات وصارحتها بحقيقتها
هبه: آه صح تصدقي صوتها فعلاً البنت دي غلاويه ومش بتحب الخير لحد أبداً قلبها أسود كده وبغل وبتحقد علي الناس كانت ملمومه علي شله صايعه كده ومكنوش بيخافو ولا يحترمو حد خالص
سلمي: حلو أوي الكلام ده إحنا عاوزين نوصلها ونعرف مين اللي عمل فيا كده ونجيبه ونسلمه للنيابه عشان يتعلم الأدب
ياسين: طب ودي هتوصلولها ازاي يا بنات دا انتو بتقولو سنتين مشفتوهاش يعني أكيد غيرت كل حاجه وخصوصاً بعد اللي حصل ده
جمال: عندك حق يا أستاذ ياسين وأكيد كمان واخده كل الاحتياطات اللازمه ويعدين بنت الابلسه دي أكيد مش سايبه حاجه وراها لأنها عارفه لو اتكشفت هتروح في ستين داهيه
حازم: أكيد طبعاً يا خال بس محلوله بإذن الله سلمي هو انتي متعرفيش اسمها سميره إيه انتي أو أي واحده من أصدقائك
سلمي: لا والله يا حازم مش فاكره خالص هو انتي مش فاكره يا هبه انتي وفاطمه
فاطمه: بعد تفكير عميق آه كان أسمها سميره السيد علي الخطاب وهي قسم فرنساوي دلوقتي لأنها حولت بعد أول سنه دي آخر حاجه أعرفها عنها
جمال:اللهم صلى على النبي ربنا يحميكي ويحفظك لشبابك يا بنتي
فاطمه: اللهم آمين يا عمي
حازم: هايل يا أستاذه فاطمه إحنا مش عاوزين أكتر من الإسم الرباعي وإحنا الباقي علي الله ثم علينا بعد إذنكم يا جماعه لازم أمشي دلوقتي أنا هطلع القسم أكشف عنها وهحاول أجمع أكبر قدر من المعلومات وبإذن الله هوصلها
حازم كان ظابط صغير ولسه متخرج وخدم في الصعيد ومش معروف عند كل الناس ودا كان في صالح سلمي لأن الجاني يراقب البيت لحظه بلحظه ومن حسن حظها أيضاً أنه كان يرتدي الملابس المدنيه أحس حازم وهو متجه إلي قسم الشرطه بأن هناك من يراقبه قام حازم بذكاء شديد بالتمويه منه ثم اتجه إلى إحدى المنازل القريبه من قسم الشرطه ودخل من الباب الخلفي حتي يتأكد تماما بأنه بعيد عن الأنظار ذهب إلى صديقه محمود في السجل المدني وقام بالبحث عنها واستطاع معرفة كل شئ عنها ثم خرج من حيث أتى ثم ذهب إلى بيت سلمي ليخبرها آخر التفاصيل ذهب ولم يجد سوي خاله وسلمي اخبرهم بما حدث ثم رحل
فاطمه ووالدها ياسين عادا إلى المنزل وكذلك أحمد ذهب الي زوجته بعد أن أطمئن علي أمه وأخته مني وذهب ليري بناته وزوجته التي أخذه العمل منهن
احمد:السلام عليكم ورحمة الله وبركاته
نيره: وعليكم السلام ورحمة الله وبركاته
اتجه إليها أحمد وقام بإحضتانها وقبل يدها واجلسها علي الاريكه وقال بصوت منخفض
أحمد: وحشتيني يا نيره أنا آسف جداً علي كل اللي حصل مني الفتره اللي فاتت آسف علي الخناقات وعلي بعدي عنك وعن بناتنا كان علي عيني نبعد عن بعض بالطريقه دي ...
قبلها من جبينها بعد أن رأي في عيونها نظرة اشتياق وما أن فعل ذلك إلا ودموعها تتسابق علي خديها وبدأت تتحدث إليه بدموع وببكاء شديد وقالت
نيره: ليه يا أحمد بعدت عني كده ليه وانت عارف إني مبستحملش أي حاجه وأي وقت بنكون بعاد فيه عن بعض انت وحشتني أوي أوي يا أحمد أنا قلبي وجعني بجد انت عارف انا بحبك قد إيه وعارف قد إيه إن انت والبنات أهم حاجه في دنيتي أحمد من غيرك بكون عامله زي الطفله اللي ملهاش حد يحميها من غدر الناس انت ضهري وسندي وعزوتي انت أبويا في قسوته وحنيته في نفس الوقت طيبته في تعامله معايا انت أول وآخر حب في حياتي محبتش حد قدك ولا حتي أبويا أو أمي الله يرحمهم
أحمد: نيره نيره اهدي يا حبيبتي وصلي على النبي كده انا جنبك أهو اهدي بئي حقك عليا والله انا اسف وعمري ما هبعد عنك تاني أبداً حبيبتي انتي عارفه إني بحبك ومبستحملش أي حاجه تزعلك ...... قام بإحضتانها بشده وقبل يدها وجبينها ونظر إليها وقال بصوت خافت
ربنا يخليكي ليا يا أم البنات يا أحلى حاجه حصلتلي في الدنيا ويا أحلى وأجمل ست في الكون كله...
ابتسمت نيره ابتسامه عارمه وقالت بصوت مطمئن بعد أن مسح دموعها قالت: وحشتني أوي أوي يا أحمد والقت نفسها في حضنه مره أخرى وكأن الاثنين كانو ينتظرون تلك اللحظه حتي يخرج كل منهم ما يحملوه تجاه الآخر وبالأخص نيره لأنها أحست بأن روحها تنطفئ بغياب وبعد أحمد عنها بسبب العمل ذرفت بعض من الدموع وقالت متسبنيش تاني يا أحمد أبداً
أحمد: حقك عليا انا آسف والفتره دي أنا اللي كنت مفتقدك جداً جداً علي فكره
ثم قام بمسح دموعها وقال يلا بئي قومي حضريلنا الغداء علي ما أدخل أقعد مع البنات شويه
ذهبت بكل رضا والفرحه والسعاده تملئان قلبها وهو ذهب إلى بناته.....
نذهب إلى فاطمه ووالدها ياسين اللي كانو لسه في طريقهم ولم يصلو بعد إلى بيتهم والحمد لله وصلا بخير....
نتجه إلى عمر الذي كان يجلس علي سريره وطرقت عليه أميره الباب وقالت
: ميرو ممكن أدخل
عمر: أدخلي طبعاً
دخلت إلى الغرفه وذهبت إلى السرير الذي يجلس عليه عمر وكان يستمع إلى بعض اللقطات المعاده من مباراة الأهلي والزمالك
وقالت:عمر انت معايا يا عمر يا عمممممممممر
عمر بعصبيه: إيه عاوزه إيه يا متخلفه انتي في حد بيزعق في ودن حد كده
أميره : ما أنا بقالي ساعه عماله انده عليك وانت ولا هنا خالص في إيه مالك
عمر: مفيش يا أميره مصدع شويه
أميره :من إيه يا حبيبي
عمر : مش عارف أقولك إيه ولا إيه
أميره: لا إله إلا الله مالك يا ابني قلقتني عليك فيك إيه قول وأنا إن شاء الله هفهمك
عمر: بصراحه كده أنا بحب واحده زميلتي في الكليه
أميره: نعم من امتي الكلام ده بئي إن شاء الله
عمر: من سنتين تقريباً
أميره: وحياة أمك سنتين ومخبي عليا دا كله ويا تري يا بيه وعدتها بالجواز بعد ما تطلقني ولا لسه ؟
صح طبعاً ما أنا اللي غلطانه إني وثقت في واحد زيك ورقتي توصلني بيت أبويا
عمر باستغراب: إيه الهبل ده هو انتي مراتي وانا معرفش يا بنتي انتي اختي والله وعلي فكره هتهزري كتير كده مش هكمل الكلام
أميره: خلاص يا عم في إيه أنا بخليك تفك شويه دا انت كئيب اتفضل قول وخلصني
عمر : بصي يا ستي الموضوع بدأ وانا في تانيه كليه كان أول اشتراك ليا في اتحاد الطلبه وكانت هي رئيسه المجموعه وبدأنا نعمل نشاطات كتير وكنا بنتكلم في حاجات كتير بس مش انا وهي انا والمجموعه طبعاً فجيت في يوم روحتلها المكتبه اللي في الكليه وكانت بتذاكر وكنت خارج من اجتماع بس هي مش كانت فاضيه والنائب بتاعها حضر مكانها وقررنا إن إحنا نعمل جروب وتس فروحتلها وقولتلها الكلام ده وعينك ما تشوف إلا النور
أميره: هههههههههه ليه يابني ضربتك ولا إيه
عمر : ضربتني ياريت كان هيبئي أهون اسمعي بئي
فلاش باك سنه تانيه
كانت فاطمه جالسه في مكتبه الكليه وكانت تراجع شئ حتي لا تنساه وتؤكد علي ما لديها من معلومات
دخل عمر إلى المكتبة متجهاً نحوها وقال السلام عليكم
فاطمه: وعليكم السلام ورحمة الله وبركاته خير يا أخ عمر في حاجه لا قدر الله
عمر: لأ مفيش أنا كنت جاي أقول لحضرتك إن إحنا خلصنا اجتماع اتحاد الطلبه وقولت أجي ابلغك باللي اتقال
فاطمه: طب واسراء مجتش ليه
عمر: اسراء حد كلمها وطلعت علي البيت علي طول
فاطمه خير إن شاء الله ها بئي كنت عاوز تقولي إيه اللي قررتو تعملوه عشان نحل أزمة العدد الكبير في المدرج
عمر: في الحقيقه إحنا محدش فينا اتفق علي حاجه معينه بس في عضو قال إنه شايف إننا نعمل جروب وتس عشان نقدر نعرض أفكارنا حتي وإحنا في البيت
فاطمه :اممم ممتاز فأنت بئي جايلي حضرتك عشان تاخد رقمي وتضيفني في الجروب
عمر: دا لو مش يضايقك طبعاً
فاطمه: لا طبعاً يضايقني ازاي دا ينرفزني ويعصبني ويخلي عفاريت الدنيا تتنط قدام وشي وانا حسابي مع اللي اقترح الاقتراح الزفت ده
عمر : طب اهدي طيب خلاص هنلغيه خالص
فاطمه: ماشي يا أستاذ شكراً بعد إذنك ممكن امشي
ذهبت فاطمه ووجها غاضب جداً من كلام عمر بينما ظل عمر واقفاً في مكانه ولم ينطق بحرف وظل مذهول من ردة فعل فاطمه...
نرجع تاني لأميره
أميره: والله عليها نور وتستاهل إنك تحبها
عمر: أحب إيه هو كده حاجه انتي لسه متعرفيش إيه اللي حصل في تاني اجتماع كانت فاكره نفسها رئيسة الجمهورية
أميره :يا سلام عملت إيه تاني
عمر: اسمعي تاني
الاجتماع
فاطمه: السلام عليكم ورحمة الله وبركاته
رد عليها الجميع السلام
وقالت: في بداية الاجتماع أحب أعرف مين الأستاذ المحترم اللي اقترح فكرة جروب الوتس عشان نعرض أفكارنا حتي وإحنا في البيت مين اللي قال كده أرجو منه أن يتفضل مشكوراً ويقولنا وجهة نظره في الموضوع ده
قام أمير وقال: أنا يا أستاذه فاطمه وعمر حكالي علي رد فعلك وانا الحقيقه احترمت رأيك جداً عشان كلنا عارفين وواثقين في أخلاقك أنا بعتذر عن الفكره دي وحقك عليا
فاطمه: انا متشكره جداً يا أمير علي الكلام ده وحصل خير وانا بعتذر لعمر عن رد فعلي المبالغ فيه
عمر: لا مفيش حاجه حصل خير
فاطمه: تمام تعالو بئي اشرحلكم وجهة نظري في الموضوع ده
بصو يا جماعه مبدأيا كده ربنا حرم العلاقه بين الولد والبنت اللي مش للضروه زي مثلاً مفيش حاجه اسمها البنت دي صاحبتي فاكلمها وتس كلام عادي ونفس الشيء للبنت مفيش أسمها الولد دا زميلي وعادي مفيش حاجه اسمها عادي أصلاً الحاجات اللي مسموح للولد إنه يكلم بنت فيها وطبعاً الكلام هيكون في الملئ يعني مش مستخبين عن عيون حد زي مثلاً لو هيسألها عن محاضرات مش موجوده معاه وكمان مش موجوده مع أي ولد في الدفعه ففي الحاله دي تطلب منها المحاضرات بشكل مؤدب ومحترم وتكون علي طبيعتك وتتكلم عادي جداً أو لو راكب عربيه وكل اللي قدامك بنات ممكن تديها الفلوس توصلها للسواق أو في الشارع وبتسأل علي مكان معين غير كده لأ
كريم: طب يعني أنا دلوقتي فلانه دي قريبتي أوي مينفعش اتكلم معاها وتس ولا اهزر معاها
فاطمه: سؤال واحد بس قريبتك دي تحللك ينفع تتجوزها يعني
كريم: آه ينفع اتجوزها
فاطمه: يبئي كلامك معاها حرام حتي لو عادي في قاعده بتقول من يحرم الزواج بها لا يحرم التعامل معاها والحديث إليها مثل الأم الأخت الابنه الأخت في الرضاعه العمه الخاله بنت أخوك شقيق أو لأب أو لأم
بنت اختك شقيق أو لأب أو لأم
هما دول بس اللي ينفع تتكلم معاهم عادي لأن دول محرم الزواج منهم لكذلك هما مبينقضوش الوضوء لما تسلم عليهم أما من يجوز لك الزواج منهم بنت عمك وبنت عمتك وبنت خالك وبنت خالتك وبنت بنت عمك وبنت إبن عمك وكذلك بنات أولاد عمتك وبنت إبن خالك وبنت خالتك وهكذا وكل من هي غريبه عنك مثل صديقاتك ودول كلهم بيحرم التسليم عليهم وأنهم ينقضون وضوئك ولا يجوز لك التحدث اليهم في مكالمات خاصه بحجه صلة القرابه أو الصداقه فاهمني يا شباب فاهمني يا كريم
شكراً لحسن استماعكم
قام الجميع بالتصفيق لها بشده وكانت وكيلة الكليه معهم وذهلت جداً جداً جداً مما سمعته من فاطمه
نرجع لأميره
أميره :بسم الله ما شاء الله الله أكبر عليها وعليك إنك حبيت بنت بالجمال والأخلاق دي ربنا يجعلها من نصيبك يارب يا حبيبي بس مالك بئي انت زعلان ليه
عمر: انا غلطت غلطه كبيره أوي يا أميره
أميره : غلطة إيه دي ياعمر
عمر : فاكره لما كنا بناكل وانتي قولتيلي انت بتحب جديد ولا إيه أهو انا بئي في اليوم ده كان الحب فاض في قلبي ومكنتش قادر أستحمل ومخنوق من الاجازه عشان مش هشوفها دلوقتي تاني لما قعدت لوحدي في الاوضه كلمتها علي موبايلها
أميره: يا نهار ابيض انت مجنون ولا إيه
انت عارف لو بابا عرف بالموضوع ده مش هيحصلك كويس أبداً طب وهي عملتلك إيه ولا قالتلك إيه
عمر: مقالتش حاجه أحرجتني بالذوق وقالتلي إن أنا اتعديت حدودي وإن الموضوع ده لو اتكرر تاني هتزعلني جامد أوي وياريت رقمي ده تمسحه من عندك نهائي وأنا حسابي مع اللي ادتك رقمي سلام يا أستاذ يا محترم وقفلت في وشي
أميره: اقسملك بالله إن البنت دي أكتر واحده محترمه من قبل ما أشوفها حتي وكمان تستاهل كل اللي يجرالك ولما تروح تتقدم لها وترفضك بسبب الحركه دي متبئاش تزعل...
في هذه اللحظه وبعد سماع كلمات أخته بكي عمر بكاء شديد للغايه واحست أميره بأنها جرحته بهذه الكلمه
ووصل لها احساس بحب عمر الكبير لفاطمه وقالت : عمر عمر اهدي كده وصلي على النبي انا مش قصدي حاجه وبعدين معرفش إنك بتحبها أوي كده أنا آسفه حقك عليا متزعلش بئي وإن شاء الله بإذن الله هتكون من نصيبك وهتفرح بيها طول حياتك بس أصبر يا حبيبي الصبر حلو والحلال أحلى وأجمل
عمر بدموع وببكاء شديد : يارب يا أميره عشان ميجراش ليا حاجه
أميره: بعيد الشر عليك يا حبيبي وبعدين يا ولا أنا أول مره أعرف إن قلبك كبير أوي كده وبتحب للدرجه دي
عمر: وأكتر كمان من الدرجه دي هي بالنسبه لي كل حاجه وأجمل حاجه في الدنيا عامله زي الطفله في ضحكتها زي الجده في حكمتها زي الملكه في طموحها زي الأم في خوفها علي زميلاتها سلمي وهبه زي كل حاجه جميله ومبتكررش مرتين أبداً عمري في يوم من الأيام من ساعة ما حبيتها جيت وتخيلت إني ممكن أشوفها مع غيري أو من نصيب حد تاني ولما بتخيل كده بحس إني مخنوق وهموت من الحزن وبحس إن قلبي بيتخلع من مكانه عارفه لما بشوفها بتضحك بحس إن الدنيا كلها خير وإن مفيش حد بيتألم وبحس بفرحه لا توصف بحس بالأمان والسعاده بحس بفرحة بابا لما بتضحكيله من قلبك يا أميره بحس إني مالك الكون كله والعكس لما أحس إنها متضايقه بحس بخوف وضلمه ورعب وحزن ملهوش مثيل
أنا جوايا حاجات كتير جداً ليها ونفسي إني اتجوزها عشان اقدر اعبرلها عن اللي جوايا وتعرف قد إيه حبي ليها كبير
أميره: إيه الحب ده كله يا عمر أنا كده هغير منها ههههههه تنهدت تنهيده مريحه بص بئي يا حبيبي انت المفروض تعمل كل اللي هقولك عليه المفروض تخلي بينك وبينها حدود مينفعش تتعداها زي ما حصل منك وهي نبهتك بإحترام حتي وانتو في الكليه متتكلموش كتير وخليها دائماً في بالك وعلي لسانك في كل سجده حاول تبعد شويه عشان متتعلقش بيك وتتفتن واتكلم معاها علي طبيعتك خالص ومتبئاش مدلوق أوي عليها وخليك عارف إنها في يوم من الأيام هتكون مراتك إن شاء الله فلازم تحافظ عليها وتخاف عليها أكتر من نفسها وحتي لو حاولت إنها تكلمك في حاجه ملهاش علاقه بالدراسه متتديهاش الفرصه دي ولو أني متأكده إنها مش هتعمل كده أبداً فاهمني يا عمر لازم يا حبيبي يجي عليك يوم وتفتخر بأنك حافظت علي مراتك قبل ما تكون ليك خليها تحكي لأولادكم ازاي أبوهم كان محترم جداً خليها تفتخر بيك قدام ولادها صدقني يا عمر لو عملت كده فعلاً هتلاقي نفسك مبسوط جداً وقدام هتعرف إني كان عندي حق ربنا يحفظك ويحميك من كل شر وسوء وربنا يجعلها من نصيبك ويحفظها من الفتن قوم بئي تعالي اغلبك ماتش
ابتسم عمر والدموع علي خديه ونظر إليها وارتمي في أحضانها وقال :ربنا يخيلكي ليا يا أجمل أخت في الدنيا
أميره: ويخليك ليا يا قلب أجمل أخت في الدنيا وبعدين بئي متاخدنيش في كلمتين قوم عشان اغلبك
وقاما وذهبا إلى جهاز ps4 ولعبا معاً