قعدنا نلعب صراحة وجرأة
سلافة (بت خالتي) :صراحة ولا جرأة
آمر :صراحة
سلافة :اسم حبيبتك و اسم الدلع وساكنة وين
آمر :ميناس وبدلعوها بي مينا وساكنة الازهري مربع7
محمد(ود خالتي) :الجوهر صراحة ولا جرأة
أبوبكر(صديق أخوي) :صراحة
محمد :أول حب ليك كان في عمر كم وهل لسة بتحبها
أبوبكر :كان عمري تقريباً 16 سنة
محمد :لا أنا عايز العمر بالظبط كان كم
أبوبكر :اي 16 سنة وحالياً بقينا أصدقاء والحب داك كان مجرد مراهقة
سلافة :توسل
أنا :صراحة
سلافة :شخصية شاب معجبة بيها وحلمك تتزوجيهو منو
أنا :محمد ود عمي في البلد
استمرت اللعبة لي وقت متأخر وبعدها قمنا نتجول
محمد :توتة تعالي
محمد مسكني من يدي وطرف بالجنبة وسط نظرات خاصة في أعين بتعاين لينا بي غيرة (آمر ،ياسر (ود عمي)، بكري (ود عمي)، أبوبكر)
محمد :عايزين نشتري هدية جماعية لي مها تكون ذكرى ليها وما عرفنا نشتري ليها شنو
أنا :ما ضروري تكون غالية شديد المهم تكون حلوة ومعبرة
محمد :خلاص عرفت حنجيب ليها شنو
سهام :اها عرفت
محمد :اي
ماشين علي يميني محمد ماسكني من يدي وسهام علي يساري وقدامنا البنات وورانا الأولاد
... :توسل
أنا :أنس
أنس :من زمان عنك كيف حالك
أنا :بخير الحمد لله انت كيفك
أنس :عال العال
محمد :نحنا هنا
أنا :أنس دة محمد ود خالتي ودي سهام اختو
أنس سلم عليهم
أنا :محمد دة أنس معي في الجامعة
سهام :وأخيراً شفتك على أرض الواقع دايماً بسمع عنك
أنس :إن شاء الله خير
أنا :كل خير
سهام :سيرة حسنة
أنس :ايوااا ما اعطلكم
محمد :لا لا عادي نحنا حنتقدم هاك تلفوني بعدين أكلمك نحنا وين
سهام :يلا مع السلامة
قعدنا في حتة كدة
أنس :صدفة حلوة
أنا ابتسمت :أكيد من زمان عنك اها جديدك إيه
أنس :الجديد عندك
أنا :كلو قديم ومحتري
أنس بي رفعة حاجب :علي أنا
أنا عاينت ليهو كدة وضحكت :هههههههههههههههه محمد صديق الطفولة
أنس :عايزة تقنعيني ماسك يدك ساكت طيب ما يمسك اختو
أنا :اي شيء بحصل بينا بكون بي عفوية وما مقصود
أنس :برضو نظراتو ليكي غير حتى لمن اتكلم معاك كانت نظراتو لي حادة نظام انت منو
أنا :طبيعي لأنو بخاف علي زي اختو
أنس :انتظري اعترافو بي حبك وبكرة بتقولي أنس قال يلا نوصلك عندهم
أنا :الو... انتو وين... استنوني هناك
أنس :تلفونك وين
أنا :في الشنطة عند أختي
رجعنا البيت متأخرين وتاني يوم عندي جامعة والحمد لله المحاضرة 10 ونص لأني صحيت متأخرة اتجهزت سريع وطلعت وأنا في الطريق اتصل علي محمد وخبرني انو حيجيني الجامعة واتفقت معاهو نتلاقى قبل المحاضرة نفطر سوا
انتلاقينا في الاستاد ودخلنا الغربي فطرنا في كافتيريا المقصورات وقعدنا نشرب عصير
أنا :اها خير
محمد :كل خير بس كنت في العربي وجعان وعارفاني ما بحب أكل براي
أنا :ايوااا
محمد :بتخلصي كم
أنا :أصلاً عندي محاضرة واحدة لكن يمكن اقعد مع صحباتي
محمد :ما بقبلوا ضيف معاكم
أنا :حياك
أنت تقرأ
لماذا أنا .. قيد الكتابة
General Fictionهو قدر كلو مقدر ومكتوب وكلو لي خير القدر هو ليس عائق بل هو نصيبنا من هذه الحياة هو قصتنا في هذه الحياة هو حكم الله في خلقه وفي مشيئته ، القدر ليس عائق بل هو قدرة الله في كونه... الحمدلله حتى يبلغ الحمد منتهاه ..
