نقطة تحول

الفصل الرابع

وذهبت وردة الي غرفته تفكر فيما قاله مازن......... وخدت قرار ياتري هيكون القرار دا ايه وهيترتب عليه ايه **
وردة:الو
على :الصوت دا مش غريب عليا
وردة:ايوا انا الي كنت بتشوفها
علي:بجد
وردة:اه
علي:ماشي يا ستي وانا اسمي علي
وردة :وانا اسمي وردة
علي:الله انتي وردة واسمك وردة كمان
وردة:شكرا
علي:مش بجاملك علي فكرا دا حقيقي
وردة:طيب
علي:انتي عندك كام سنه يا وردة
وردة:عندي24سنه
علي:وانا عندي25 انتي عندك اخوات يا وردة
وردة:اها عندي ولدين
علي:اكبر منك بقا ولا اصغر
وردة: واحد اكبر وواحد اصغر وانت
علي:لا انا ولد وحيد 
وردة:انت عاوز ايه مني انا معرفش ليه بتكلم معاك اصلا ولا ليه بقولك كل دا عني
علي:عشان ارتاحتيلي
وردة:واخرة الراحه يعني انت عاوز ايه
علي:هتجوزك
وردة:ومستني ايه يعني
علي:مستني اننا نتعرف واعرفك  كويس وانتي تعرفيني وكمان اعرف يبقي عندي شقه عشان اجي اتقدم وميتكلموش وفلفتره دي نكون عرفنا بعض
وردة:ماشي
علي:هو انتي مش من هنا
وردة:لا من هناك
علي:مش بهزر والله بجد انتي مش من هنا
وردة:بتسال ليه
علي:اصل ملاحظ انك بتتكلمي زي بتوع القاهره وكدا يعني وساعات بتتكلمي زي هنا
وردة:لا انا من هنا بس انا متخرجه من كلية تربية قسم لغه عربيه وفيه فبعض الكلمات وكمان يعني المسلسلات بقيت القط منهم لحد مابقيت اتكلم اللهجتين بس بكلم بلهجة البلد هنا مع كل البلد هنا عشان ميفكروش اني بتكبر عليهم يعني
علي:اممم قولتيلي
وردة:وانت بقا منين
علي:من القاهره
وردة:امم وانت باباك ومامتك مش معاك هنا ليه
علي:والدي ووالدتي متوفين
وردة:انا اسفه ربنا يرحمهم
علي:لا ولا يهمك.. يارب
وردة:انا هقفل بقا
علي:تقفلي ليه احنا لحقنا
وردة:انت شايف الساعه كام ولا لا
علي:اممم طب هتكلميني تاني صح ؟
وردة:ربنا يسهل يلا تصبح على خير
علي:اكيد هصبح علي خير يعني عشان سمعت صوتك.
وردة :طيب
علي:انتي يابت معندكيش اخوات بلاستيك
وردة:ههههه
علي:ضحكتك حلوه
وردة:شكرا
علي:طب يلا نامي بقا
وردة :طيب سلام
علي:استني انتي صدقتي
وردة:اللهم طولك يا روح
علي:خلاص انتي هتضربيني
وردة:عاوز ايه
علي:عاوز اقولك بحبك
وردة شعرت بكل ما وصفه مازن لها عن الحب حينما سمعت منه كلمة"بحبك"وشعرت ان قلبها يدق بسرعه غير عاديه ولمعان عينها
علي:هااا رحتي فين
وردة:مروحتش معاك
علي:طب ايه
وردة:ايه!
علي:بقولك بحبك
وردة:شكرا
علي:شكرا ايه هو انا بعزمك علي غدا علي العموم مش مهم انا مش هضغط عليكي يلا عشان تنامي
وردة:ماشي سلام
علي:سلام

واخذت وردة تفكر كثيرا في كلام مازن لها واحساسها عندما قال علي لها "بحبك "....واستغرقت وردة في النوم وعلي وجهها ابتسامه وحيره فنفس الوقت!! ....
الحاچ عبد الرازق:يافاطمة
فاطمة:ايوا يا حچ صحيت اهو
الحاچ عبد الرازق :جومي يلا صحي العيال
فاطمة:حاضر
وذهبت فاطمة لتيقظ احمد ومازن  ووردة
*احمد ذهب الي مازن لييقظه*
احمد:مازن
مازن:نعم
احمد:انت صاحي!!!
مازن:منمتش أصلا
احمد:ليه بس
مازن بصله وسكت
احمد: يابني جولتلك متخافش انا هكلم مع ابوك فلموضوع دا وهجوله اي سبب متخافش بجا
مازن :حاضر
احمد:يلا بجا بدل مايجلب علينا احنا الاتنين
مازن:حاضر
وذهب احمد ومازن برفقة الحاچ عبد الرازق ولكن الحاچ عبد الرازق واحمد كانوا في كامل صمتهم ولا يتحدثان ابدا
*وفي طريقهم الي المنزل *
مازن:ابويا
الحاج عبد الرازق اكتفي انه يبصله فقط....
مازن:انا اسف يا بويا اول واخر مره
الحاج عبد الرازق :فاهم يعني ايه انك تعلي صوتك وانا موچود!
مازن:غلظه مش هتتكرر يا بويا انا اسف
*ودمع مازن *
الحاچ عبد الرزاق: خلاص متعيطش مفيش رچاله بدمع كدا
مازن:انا اسف يا بويا
الحاچ عبد الرازق:خلاص حصل خير
وذهب احمد والحاچ عبد الرازق ومازن الي المنزل....
*وبعد تناول الافطار*
الحاچ عبد الرازق:هنروح النهارده للحچ احمد بعد صلاة المغرب
فنظر احمد الي مازن نظره سريعه ثم الي الحاچ عبد الرازق
احمد:معلش يا بويا انا مش عاوز زينب
فاطمة:ليه يابني انت لاسمح الله سمعت حاجه عنها
احمد:لا لا يا امي انا بس مش عاوز اتچوزها
الحاچ عبد الرازق:ماشي فهمني طيب
احمد:كل الحكاية يا بويا هي بنت فثانويه واصغر مني يچي بسبع سنين وهتعوز تكمل وانا عاوز اتچوز واحده فاضيه تكون مخلصه
الحاچ عبد الرازق:افرض يابني هي مش هتكمل يعني.
احمد:بس انا مش عاوز اتچوز واحده اصغر مني غير بمثلا سنه ولا اتنين مش سبعه مش هعرف اتفاهم معاها يا بويا
فاطمة:يابني دول ناس غلابه والبت زي الچمر ومحترمه
الحاچ عبد الرازق:خلاص يا فاطمة سيبيه علي راحته
احمد بص لمازن لقاه فرحان جدا ووردة ايضا ثم نظر الي والده الحاچ عبد الرازق وقال:شكرا جدا يا بويا
فاطمة :هشوفلك واحده تانيه فيه بت تبچي بنت الحاچ عاطف دي مخلصه دبلوم تچاره ذيك كدا من اربع سنين هشوفها واسال عليها بس هما ناس طيبه وغلابه بردو
احمد:ماشي يا امي
الحاچ عبد الرازق:فاضل علي امتحانات چد ايه يا مازن
مازن:شهر يا بويا .
الحاچ عبد الرازق:بعد كدا وردة واحمد الي يروحوا الغيط وانت تركز فمزاكرتك بعد كدا عشان انت تركز فمزاكرتك وبس وتشرفنا كدا.
مازن:الي تأمر بيه يا بويا
وردة :هخش انام شويه واحمد يصحيني عشان نمشي
احمد:حاضر
*ودخلت وردة غرفتها*.....
ولسه وردة بتحط دماغها علي المخده لقت تليفونها بيرن....
وردة:الو
علي:الو اذيك
وردة:كويسه الحمدلله وانت
علي:مش كويس خااااالص
وردة:ليه يعني
علي:عشان من شوفتكيش.
وردة:علي فكرا من النهارده متنفعش حركاتك دي اخويا الكبير هيجي معاها بدل اخويا الصغير
علي:يعني ايه بقا
وردة:يعني زي ماقولت والا هتحصلنا مشاكل
علي:امري لله هبص عليكي من بعيد
وردة:انت حر لو شافت هيخلص عليك
علي:وانتي هتسيبيه يخلص عليا!!.
وردة:وانا اعمل ايه يعني
علي:متعمليش
وردة:انا هقفل انام قبل مايصحوني
علي:ماشي
وردة:سلام
علي:يابت انتي علي طول بتنسي كدا
وردة:بنسي ايه؟!
علي:بحبك يا وردتي
وردة:هههه شكرا
علي:مش هسمعها يعني
وردة:هي ايه
علي:بحبك يا علي
وردة:بحبك يا علي
علي:اللله انا مبحلمش صح!!!!
وردة:متكثغنيش بقا الله
واغلقت وردة مع علي واخذت تفكر انها فعلا وقعت في حبه.......
ثم استغرقت في النوم........
نكمل الفصل الجاي  💜😄
متنسوش التصويت واقتراحتكم  💜💜🔰
بقلم Rewan Abd Alhamed