Part 1 💗
الساعة 6:30 مساء
صحت من نومها😴وشافت الوقت كم لقتو الوقت الكئيب البكون بداية المغرب😥 قامت بتثاقل من سريرها مشت على ناحية حمامها ادوشت🛀لبست ليها بنطلون جينز شراط وتيشيرت اسود واسبورت اسود ومرقت من غرفتها على جهة المطبخ وطلبت من الخدم يحضروا ليها اكل ويجيبوا ليها في الجنينة ومشت قعدت في الجنينة وسرحت بتفكر في حياتها....
@وتين الحسيني بت جميلة جمال خرافي لون اسمر فاتح شعرها اسود فاحم لي نص ضهرها قصيرة عندها غمازات بي الجهتين وجسمها مشموق المهم كدا مزة قاطعة وبت اكبر العوائل السياسية في السودان ابوها طارق الحسيني رجل اعمال مشهور وسياسي امها فرح سليم مصممة ازياء مشهورة جدا في السودان والشرق الاوسط عايشة معاهم بت عمها المتوفي اسمها نوران والاتين عمرهم 17 سنة وممتحنين وتين رغم انو عايشة مع اهلها وبت عمها الا انا بتحس بي وحدة شديد اهلها باعملوها بي جفا كداهي اصلا ما متذكرة زكرى من طفولتها معاهم لاحظت من وهي صغيرة انهم تعاملهم مع نوران بكون بي كل ود ومحبة جات عشان تقرا3 الثانوي في السودان ومن وهي طفلة ليها شهر عاشت مع جدها وحبوبتها في تركيا كانت دايما بتدعي انو متين تنتهي سنتها الدراسية في السودان وخلاص دي كانت اخر سنة ليها كانت دايما بتحس بتوتر عجيب لمن تكون مع امها وابوها في حته واحدة
جابو ليها الاكل واكلت
قعدت في الحديقة لاقيت الساعة 11مساء بعداك طلعت غيرت ملابسها لي بجامة مريحة وطلعت اللابتوب تباعها وقعدت تكتب في رواية
(وتين شخصية معروفة في السوشيال ميديا بتكتب روايات وتعتبر برضو انفلونسر)
لمن جات الساعة 1:30 سمعت اصوات عربات الحراس وبعدها عربية امها وابوها ونوران نزلوا من العربية ودخلوا البيت نوران دخلت غرفتها وامها مشت على المشغل بتاعها وابوها مكتبوا وتين بعد ماشافتهم دخلوا طفت الانوار وخلت نور خافت بس ونامت😴
عند امها في المشغل راجعت شوية اوراق وطلعت مشت على غرفة وتين وفتحت الباب براحة بقت تعاين ليها وبتبكي بي صمت😢😢وقالت بي صوت هامس
فرح:سامحيني قصرت معاك
وباستها في راسها وطلعت في طريقها شافت نوران لقتها نايمة ومشت غرفتها غيرت ونامت طارق بعد انتهى من شغلوا في المكتب مشى اطمن على البتين وجا نام
@طارق الحسيني رجل اعمال مشهور جدا عمرو46سنة شغلوا كان نتيجة تعبو براهو ما اعتمدت على ابوه دخل طريق السياسة عشان ابوه سياسي وهو الولد التاني لي ابوه فلمن اخوه الكبير اتوفى دخل السياسة مكانو هو زول طيب وحنون بس بخفي دا بي قناع البرود
@فرح سليم مصصمة ازياء مشهورة جدا في السودان والشرق الاوسط عمرها 36سنة راقية جدا تصميم الازياء كان حلمها من هي وصغيرة وجميلة جمال مبالغة وتين ورثتو منها
______________________________
الساعة 8:56
🌄🌄
داعبت اشعة الشمس تلك الغرفة السوداء..نعم الغرفة السوداء فكل ما فيها اسود جدرانها وارضيتها يتوسطها طقم من كراسي جلوس ذا لونٍ اسود قاتم وعلى اليمين من ذلك السرير الملكي ذا الون الاسود على جهتيه مصباحان باللون الاسود فيها طاولة زينة تضمم كمية ضخمة من العطور والمكياج والاكسسوارات......إلخ ايضا ذات لون اسود على حائط من حوائطها مكتبة كبيرة تضم الكثير من الكتب بي جوارها مكتب للقراءة في تلك الغرفة ثلاثة ابواب واحد منهم يؤدي الي غرفة ملابس ذات لون اسود معظم ما فيها بلون اسود واخر يؤدي الي حمام لونه اسود كسواد الليل واخرهم يؤدي الي خارج هذه الغرفة السوداء سمعت صاحبة تلك الغرفة طرق على الباب انتشلتها من نومها الخفيف
....:اتفضل
فراولة(الشغالة معاهم):وتين ابوك بيناديك
وتين:ليش؟
فراولة:ما عارفة المهم ما تتاخري عليه
وتين:okey😤
قامت بي تكاسل ادوشت وفرشت اسنانها واتوضت وصلت لبست ليها بجامة مكونة من بنطلون اسود وتي شيرت بصلي ولبست شحاطة بيت بصلية وسوت شعرها جمايكتين واتريحت ومرقت على الحديقة لقت ابوها قاعد👨
طارق:صباح الخير يا وتين
وتين:اهلا😏 في شيء ؟
طارق:بغض النظر عن تصرفاتك البقت غريبة ومافيها ذرة من الاحترام وكلها قلة ادب في قلة ادب
وتين:وبعدين😏
طارق:اللهم طولك يا روح ......عايني اسمعي كلامي دا كويس
وتين:اها
طارق:بكرة انا ماشي اسجلك انتي واختك في المدرسة و....
وتين:لحظة لحظة اختي منو؟😕
طارق:نوران يا وتين
وتين:لا لو سمحت يا استاذ طارق الحسيني نوران بتكون بت اخوك انت لالا دي بتكون بنتك انت بتك البتحبها المفتخر بيها قدام الناس بتك المشرفاك اها يعني اقول شنو واخلي شنو .....عشان نختصر الكلام هي بتكون بتك وانا كلبة من الشارع ☺بس اكيد هي ما اختي هي بس بتك
طارق:خليك من الكلام دا هسي بكرة ماشي التسجيل وضربت على المدير وشفت درجاتك ومن خلالها تقريباً عاوزة تتدخلي علمي احياء
وتين:yup
طارق:طيب حبيت اتاكد
وتين:وحاجة تانية انا حابة المنهج يكون بريطاني وعاوزة اقرا الجامعة في بريطانيا
طارق:okey منهج بريطاني ما عندي مشكلة لكن الجامعة دي نتناقش في وقت تاني اجهزي بكرة حتمشي معاي وفات
____________
Mozan /بقلم
#وتين👧
