A khou cha-a, aphei kho-a, vomai libii-a dziivavani chii chozuki aliih khehloni leikeih tiya neye cho-a bubaie. Eni theno poh-a phousha daothou zuki ahi hudzii payu ngaikhai-a neye takou sashoni siiloure donou vasoubaie. Taata mainou teirii riikouzu khoh biitouh tiya neye zhi-anou bu-e. Kikhanou buma kipa tapa zuma ae holo hailo vezuma aliih hiyo neye chopoh-anou bubaie.
Chu-o neye takou siihlou khaige aliih hai-o heimei bii-a chao-anou bubaireh. E-o chirao paolou siimoe lou-a soulou siimoe anah apairao ae achido veimo bukhaima e khebuki haozu thaokhai-a ahi buzu veishi pohpa neye koa sazho laihi-e.
O nahle ralhya, eye teisa haibii-a sava zho-a aliih sou biiliih peilai-o.
O liishi meime, ne-o peima talah khai niimoreh, haibii-a teisa sava zhoni hiinii baireh.
Mohi-e, eye thao-a tapei soulai-o. E-o neye khaiveyu zhi-a nou bulaihi-e.
Khaivelai-o.
