بعد يومين من الحصل ده حتى قدرت اتواصل مع نهى وفعلا بعد ضغطتا عليها وقلت ليها انا عارفه الحصل حتى بدت تحكي لي وفعلا بدت تحكي لي الحصل كله زي ما احمد وراني ليها الاحداث بالترتيب ..
وانه ابوي مسجون لا زال وهو مريض وبحاولو يجمعو ليه حق الكفاله وكانت مبلغ خرافي بالنسبه للوضع النحن فيه ده في السودان ..
حسيت مصير ابوي بين يديني ولازم اعمل المستحيل عشان ابوي يطلع من الحبس ..
انتظرتا احمد يرجع من الشغل بس اليوم ديك اتاخر شديد كانه عارف اني منتظراه ٠😔
رجع وكان ماسك تلفونه يتكلم فيه فرنسي ويضحك ومبسوط باين عليه
لمن لقاني منتظراه في الصاله القدام الغرف فوق كان خلص مكالمته وجاء قدامي ونظراته غريبه وعيونه بتلمع ويتبسم ..وقال لي في تقدم ملحوظ بقيتي تنتظري رجعتي هههههههه
بلعت ريقي وشديت حيلي واتقدمت عليه خطوه قربت منه وبعاين ليه في عيونه وابتسمت زيه قلت اصلو ما بقهرني 😏
سالته متين حنمشي السفره دي وتنفذ وعدك لي ابوي يطلع من السجن..
قال لي انتي عارفه بحصل شنو في الاتفاق لو مشينا قادرة على الدور ده 😂؟
قلت ليه اكييييد عشان خاطر ابوي كل شي يهون حتى لو مت بين يدينك
ضحك وقرب مني كمان لدرجه ريحه نفسه شميته كحوووول🤢 ومشى يده في خدي و حنكي بطريقه مستفزه وقال لي ما في بالي ابدا ولا انتي ما عارف ليه يمكن لاني عايش حياتي زي ما بحب ومستمتع كل المتعه ما فارقه معاي لكن شكلك خلاص الهجر تعبك 😏 عروس مع وقف التنفيذ 😅😅😅ما تستعجلي على رزقك و تقلقي اهدي شايفك متحمسه ابوك ول ..... المهم 🤗 بحاول اكون لطيف معاك ده عرض مغري صاااح ؟ ول بتحبي القسوة 😉
ويضحك من قلبه.. 💔💔
فلت من بين يدينه لانه دموعي كانت بدت تقطر من غير ما احس من الاهانه الحسيت بيها من كلامه واحتقاره لي 😭 ما كان قدامي الا امشي غرفتي واقفل الباب وراي واتم حزني وبكاي وخوفي منه ومن الايام الجايه مخبيه لي شنو اكتر من كده وبرضو قلقي على ابوي كان مسيطر علي .. عشانه ح اتحمل اكتر واكتر وااكد الكلام ده لي نفسي عشان ما اضعف تاني قدام احمد .. ويا انا يا هو
قشقشت دموعي وما في عيني و قدامي الا اني لازم اكون قويه واعصر نفسي واجيب ايي دهاء انثوي مر علي بس يا ريت ينفع ..
الصباح اتروشتا واتمسحتا واتعطرتا بي بودي سبراي وعطر خفيف فرنسي لبست شورت قصير ابيض وتي شيرت ابيض شفاف ورفعت شعري كله كعكه مسي مفخفخه ومكياج هااادي ونزلتا للفطور في السلم رفعت ضهري وصدري وبحاول اغير من طبيعتي عشان اعجب 😓 وبالنسبه لي مهمتي بدت 👮♀️
من ما بديت انزل اول درجه الزول ده غازي عينه فيني حاسه بيه لما جاتني نشوة نصر من احساس اعجابه بي
ما اهتميت ابدا بس قلتا صباح الخير وقعدتا للفطور وهو لسه بعاين لمن حسيت انه اخترق جسمي زي الرصاص بنظراته ..
رفعت راسي وعاينت ليه وهزيت اكتافي باستغراب يعني بقول مالك ؟ حتى كسر عينه وبدا يواصل اكل ..
وكل مره ارفع عيني القاه بعاين لي .. واخر شي قال لي الليله باكد ليك متى حنسافر مسح يده وفمه بالمنديل وقام وجاء علي قومني من الكرسي لف يده حول خصري وضماني عليه بقوه عنيفه وباس خدي وهمس لي في اضاني شكلك حتكوني محترفه في الدور .. على فكره حبيت اللوك الجديد اصلا دور المقهوره المظلومه ما كان لايق عليك دي حقيقتك .. عيونك الحزينه وراها اسرار ومغريه بقيت اتخيلهم وانا قريب منك 😉 بحس بحماس ..
