بعد فتره اسراء صارت زينه شوي بس احنا مانخليها تتحرك لان بعدها نفسه وامي ماتخلي حيدر يبات يمها بنفس الغرفه طارته بغرفتها وهيا نايمه يمها وحيدر ضايج وكالب خلقته هههههه
يكلها لو ادري هيج السالفه تعبانه ولا اخليها تخلف شنو اربعين يوم هنا هنا
واني وزياد علاقتنه تخبل كل مابيها وتقوه واني كلش تعلقت بي هو يموت عليه مرات نتعارك بس نرجع
وميار ويوسف كاضيها بس عرك ميار ميبسه راس ماتقبل تعرفت اله لو تتنازل وهو يغثها ويحرك بكلبها وهيج ضالين كل يوم عركه وره خمس دقايق الكاها تراسل بي والضحكه شاكه حلكها اني تعودت عليهم ههههههه
و ريم وسيف
ريم دخلت بشهر ال ٨ وبطنها لخشمها خطيه تعبانه كلش سيف وياها تروح دكتوره وياها يخاف عليها كلش بليل اذا ماتنام يبقه كاعده للصبح علمودها لان تتوجع خطيه
...............
نرجع لابطال قصتنه 😌💞
زياد وملاذ
............
ملاذ
ضليت حايره شنو اقدم طب مايقبلوني الله ينتقم منهم
قررت ادخل تحليلات مرضيه
كلت لزياد
يكلي ادخلج كليه اهليه من نزوج وادخلين لو طب اسنان لو صيدله
اني رفضت مصاريف الكليه الاهليه كلش هواي من غير البس والمصرف والخط اني ماقبلت
قررتت ادخل تحليلات مرضيه
.............
زياد
قررت اتقدم لملاذ علساس بيت خالي من منطقتهم ويعرفوهم زين لان اكيد هسه راح يسئلون من البصره جاي وين يعرفها قررت اروح لبغداد باجر نروح يم بيت خالي وان شاء الله خير
ملوذه شحجيلكم عليها اشكر ربي ليل ونهار عليها كل الصفات الحلوه بيها اموتن بيها صارت ويا النفس يوم نتزاعل اضل اليل كله الوب عليها اتصل عليها وصالحها عيني ماتاخذ نوم وهيا زعلانه مني
بعد اني شني منتضره لحد ماحد يجي يخطبها
وتروح مني انه اموت وشتعل نار اذا احد يعاين عليها لو احد يحجي وياها اراسل اختها ميار وتحجيلي فلان تقدملها اليوم علان من كرايبها يريدها وانه اضل اتحركن وسب بيهم انوب ارد عله المسكينه اذب حركتي بيها شوي وراجع اصالحها
..............
ام زياد
يمه هاي هيا باجر احنا يم بيت خالك
زياد
اي يمه فدوه اروحلج يعني كل يوم انه شابع طن قهر البت جاي يجوها خطابه خاف يطوها اهلها
قفلت الجهاز بليل ونمت
كعدنا بل ٤
وطلعنا لبغداد
وصلنا لبيت خالي
استقبلونه وهما مكيفين بينا ولد خالي خوش ولد بس اختهم هاي مو خوش ابد ماساتره روحها واكفه بلكراج واطك بعلجها وتتمضحك وملابسها استغفر الله انه لو واحد من اخوانها ادفنها بس هما عدهم عادي هيج وهيا مامحجبه عايفيها على حل شعرها
كعدنا كلنا بليل نتسامر وفتحت موضوع خبطتي شو هاي كلبت خلقتها وكامت تهي بهي انوب هاي الصخله عليه
