اتجوزت نورا و راحت القاهرة مع خالد ،
و ابتدت حياة جديدة مع جوزها كلها حب
و تفائل، مرت الايام وراحت امها واهلها ليها زيارة و رفض إسماعيل زيارة اخته 🤨.
وبعد ما مر شهر من جواز خالد و نورا.
إحتاجت. نورا عربيتها و فلوس تفتح عيادة ليها علشان تمارس مهنتها ☺️.
وبالفعل سافرت بلدها علشان تخلص اوراق وتجيب عربيتها و فلوس علشان تفتح عيادة وتجهز معدات العيادة .
دخلت البيت وشافتها امها :
ام نورا : حببتى.....قلبي من جوه وحشتينى اووى يا قلب امك ♥️😍.
نورا تجرى تبوس ايد امها ..... وحشتينى. وحشتينى. يا ماما😍♥️♥️.
وبعد السلام تقعد نورا ويجى الخدم كلهم يسلموا عليها 😍.
وشوية تيجى صفية وتبص لنورا :😒 وتسلم ببرود ..ازيك يا نورا حمدالله على السلامة 😏
نورا: 😊 الله يسلمك يا صفصف اخبارك واخبار اسماعيل ايه ؟
لسه صفية هترد و يخرج اسماعيل من الدور التانى ينادى على مراته : صفية... صفية ...
اطلعى يلا متقعديش تحت 😠😠.
تبص نورا لاخوها بزعل و كسرة 😔
نورا : شايفة يا ماما اخويا بيعمل معايا ايه😔
امها : معلش شوية كدة و هيروق لما تقعدى معاه و تتكلمى،دا مهما كان الضفر (الظافر) ميطلعش من اللحم 😊.
يلا اطلعى اوضتك وغيرى هدومك لحد ما نحضر الغدا،
تطلع نورا وتغير هدومها و تشوف اوراقها الى ناقصة وتدور على مفتاح عربيتها مش موجود ، دا غير فى ورق كتير مش موجود يخصها 🤔.
تنادى على امها تطلع. ليها اوضتها 🤔.
نورا : ماما مفتاح عربيتى فين ؟! و الاوراق الى كانت هنا فى مكتبى راحت فين 🤔؟!
ام نورا : هيروحوا فين يا حببتى دورى كويس، محدش بيدخل هنا ؟!
نورا : انا دورت كويس يا ماما ،
تنادى ام انورا على الخدم وتسأل. محدش عارف راحوا فين ؟!
ام نورا : طيب اهدى كدة ولما نتغدى هسأل اسماعيل. يمكن دخل هنا ،
بعد ساعة يجهز الغدا. ويرفض اسماعيل انه يتغدى مع نورا .
بعد الغدا تطلب نورا تتكلم مع اسماعيل .
نورا بهدوء يسبق الغضب .
نورا : لو سمحت يا اسماعيل مفتاح عربيتى فين والاوراق الى فى مكتبي راحت فين ؟!
اسماعيل : مبقتش عربيتك خلاص ،. والاوراق اخدت الى يخصنى وسبتلك الباقى 😒🤨.
نورا بدهشه:🙄😲 ثوانى بس كدة !
يعنى ايه مبقتش عربيتى والاوراق اخدت الى يخصك ، مش فاهمة تقصد ايه ؟!🤔اسماعيل : يعنى العربية اخدتها منك خلاص ملكيش حاجة عندنا 😠.
نورا بغضب : ازاى مليش حاجة دى حاجتى بابا اشتراها ليا. و فلوسي وارضي ليا فيهم زيك مش لوحدك😠.
اسماعيل : لا ملكيش ورث عندنا. ابوكى حرمك من الميراث بسبب جوازك من خالد دة
نورا:😲 انت بتقول ايه ..... مستحيل بابا يعمل كدة معايا .و غير كدة بابا وافق على جوازى من خالد قبل ما يموت ، وانا اتجوزت خالد بعد ما مامت 🤔😠،انت بقا هتقول حرمنى من الميراث ازاى؟!
اسماعيل : ايوة ابوكى كتب كل شيء باسمى علشان ترتاحى 🙄 ملكيش اى شيء هنا.
انتى ضيفة مش اكتر 😏.
امهم. : كفاية بقا يا اسماعيل حرام عليك يابنى ! ابوك عمره ما يعمل كدة، ابوك بيخاف ربنا مهما حصل ،وميقدرش يحرم بنته من حقها فى الميراث 😠🤔.
اسماعيل : كل شيء انا كتبته باسمى من التوكيل الى كان عامله ابويا ليا ، ولو رجعتى على الى فى دماغك و أطلقتى من خالد هديكى عربيتك. و ورثك 😒🤨.
نورا : 😲 انت بتقول اية؟!
عاوزنى اطلق من جوزى علشان اخد حقى .
لا يا اسماعيل بيه ، انا مش هسيب جوزى ابدا
وهفضل معاه لاخر يوم بعمرى،
وفلوسي و حقى هاخدهم إن شاء الله.
وانا الحقيقة مش عارفة انت ازاى تقبل تاخد حق مش حقك 😲🤔.
هتقابل ربنا ازاى ؟! انا مش قادرة اصدق.
امهم: يابنى مينفعش تاخد حق اختك 😠. هو دة الى ربيتك عليه !! تاخد حق مش حقك.
و تتبلى على ابوك انه حرم اختك من حقها .
لو مرجعتش حق اختك لا انت ابنى ولا اعرفه
اسماعيل : امى لو سمحتى اخرجى من الموضوع دة ، انا مش هرج حاجة ليها الا لو نفذت شرطى تسيب خالد. دة .
نورا تبص لاخوها. والدموع فى عنيها 😭
دا. بدل ما تكون السند والصدر الحنين بعد بابا تعمل معايا كدة 😔 .لكن احب اقولك يا اخويا. انا مش هسيب جوزى ابدا ، وانت عاوز تقبل حقى اقبله ، وانا مش هعمل زى الناس و ارفع عليك قضية ، علشان روح بابا رحمة الله عليه، انا هسيبك لضميرك. لو باقى منه شيء حى ممكن يألمك😔.
وتاخد نورا بعضهاو تاخد شنطتها وتسافر 😔
تحاول امها تخليها متسافرش. وهى كدة لكن تصر على السفر ،
و بالفعل تسافر نورا. والدموع فى عنيها 😭
و توصل البيت وحالتها وحشة جدا من الصدمة 😭😔. تفتح الباب و تدخل شقتها
كان خالد فى شغله ومفيش حد فى الشقة معاها ، تقعد نورا تبكى بحرقة من تصرف اخوها و صدمتها فيه😭. ومن كتر دموعها يغلب عليها النوم وتنام ودموعها على خدها
بعد ساعة يرن خالد على فونها علشان يطمن عليها ، لكن مش بترد ، يحاول اكتر من مرة لكن مفيش رد ابدا🤔 ،يتصل خالد على امها يسال عليها لكن امها تقوله انها سافرت من ساعتين تقريبا زمانها فى البيت 🤔.
تقلق امها اووى وتطلب من خالد انه يطمنها 😭على بنتها. لان قلبها مقبوض عليها😭
خالد يرن تانى مفيش رد 😔😏 .
ياخد عربيته بسرعة و يروح البيت علشان يشوفها وصلت ولا لا ؟!🤔
يفتح الباب بهدوء ويدخل يلاقى جزمة نورا فى الشقة يعرف انها فى البيت 😔 يطمن شوية. و ينادى عليها :. نورا... نورااااا....🤔
مفيش حد بيرد عليه.
يدخل اوضة النوم يلاقى نورا نايمة بهدومها😲 الى بتخرج بيها ، يستغرب اووى مش عادتها ،يحاول يصحيها : نورا .... حببتى ....
متردش عليه 🙄 يمسك ايدها يلاقى ايدها باردة جدا. والنبض بطئ جدا 😲😲.
بسرعة يعرف انها فى خطر ، و يشيلها وينزل بيها للعربية.و ياخدها المستشفى بسرعة. ويكشف عليها تحت الاجهزة وبمساعدة اطباء كبار ، لكن للاسف بعد الكشف يكتشفوا إن نورا عندها مشاكل كتير و هتقعد فى العناية المركزة شوية ، لحد ما تفوق 😔.
كان خالد هيتجنن على نورا 😲😭 ايه الى حصلها دة. !! مش معقولة 😭.
فى اللحظة دى تتصل ام نورا على خالد .
ام نورا : ايوة يا خالد يابنى طمنى على نورا جت بالسلامة ؟!
خالد يحاول يتماسك شوية : 😔 ايوة يا حماتى جت بالسلامة ،
امها : طيب مش بترد على تلفونى ليه ؟!
انا قلقانة عليها اووى 😭.
خالد: هو حصل حاجة لنورا عندكم يا حماتى.
ام نورا🙄: ابدا. شدت هى واخوها اسماعيل شوية ، بس مهما كان دول اخوات ومش هيهونوا على بعض ، بس عاوزة اعرف حصل حاجة لنورا يا خالد😔🤔.
خالد : يسكت ومش عارف بتكلم. ويقول ايه😔 والدموع نازلة من عنيه 😭😭.
ام نورا : رد عليا يابنى. بنتى كويسة .... نورا حصلها حاجة طمنى يا خالد .....😔🤔
يا ترى خالد هيقولها. ولا هيعمل ايه.؟
وياترى هيحصل ايه لنورا 😭؟!
تابع
