رون وافق على كلام رين بدون أي اعتراض لانه عارف انه هذا الشي مارح يصير وانه نصور راح يخلصه من رين ويرجع معاه البيت رين استغرب من موافقة رون لانه توقع يصارخ عليه ويعصب لانه هنا كل ذكرياته وطفولته بس سلك للموضوع عشان وناسته اما عند نصور كان في غرفته ويرتبها ويرجع كل شي مكانه عشان رون لما يرجع ما ينتبه انه نصور كان يبكي ويكسر كل شي من شوقه حقه لما خلص نزل وقام يصرخ على ربعه قوموا بسرعة كل واحد ينظف له مكان وزعوا الشغل بينكم ابي لما يرجع رون يشوف البيت يلق لق وانه حنا بخير ومافينا شي مابيه يرجع وينفلت علي هواش ابي اشبع منه مابي محاضرات يكفي انه نتفه ولسانه أطول منه دينا قامت تضحك نصور يخاف ولا من مين من واحد بزر وطوله شبرين ونص والله ما توقعتك خواف لهذي الدرجة طلعت نونو ياقلبي عليك والله مو خوف بس انه مابي اعصبه من اول يوم يرجع لي فيه هو فيه الي يكفيه يكفي الأيام الي عاشها مع رين غصب عنه وانه طردني غصب وكسر قلبه خالد حس فيه انه مو لهذا السبب نصور يبيهم يرتبون البيت هو عارف انه نصور يبي ينظف البيت عشان رون ما ينتبه انه نصور ما كان بخير بدونه وقام سحب الشله ووزع عليهم الشغل و كل واحد راح ينظف في جهه نرجع حق رون اول ما طلع رين من عنده قام يضحك في احلامك اسافر معك انا لو تقطعني مارح ابعد عن نصور ابد واصلن ماتدري انك راح تدخل السجن وافتك منك وانا برجع حق حبيبي بس الله يعدي بكره على خير ويجي بعد بكره بسرعة وحط راسه ونام من كثر التفكير والتعب اما نصور كان كارف ربعه كرف نظف هو وياهم البيت كله اول ماخلصوا ورجعوا كل شي مكانه كل واحد انسدح في جهه تعبنا حيل الله يهديك نصور كان لازم ننظف البيت ياخي كان جبت احد ينظفه الشركات ياكثرها ليش تتعبنا حرام عليك ياخي ارحمنا شوي انا مابي احد غريب ينظف البيت ابي رون يشم ريحتي بالبيت وانه يعرف انه انا بخير واني نظفت البيت عشانه واصلن بكره راح نطلع مابعد خلصنا راح نجيب ملابس جديده له واكلات يحبها
