رواية ( خُـلـقت لكـي اكسـر كبريائُـها)

البارت الأول

اني مريم من بغداد عمري 24 عايشة وية اهلي الي هية متكونة من بابا وماما واخوية واني واختي

أخوية سيف عمره 27 خاطب
واختي زهراء عمرهة 20 ومزوجه

اني خريجة من جامعة بغداد قسم الصيدلة وهسا اني اشتغل وعندي راتب وسيارة من اتخرجت بابا جابلياها هدية

نوعا ما حياتي جانت عبارة عن مشاكل وادري انو مو بس عائلتي الي بيهة مشاكل

من عمري 10 سنوات بابا وماما انفصلو عن بعض وتزوج ابوية وهاي مرت ابوية اسميهة ماما لان ما شفت من عندهة أذية

اغلب الناس جانت تتفاجأ من اكولهة مرت بابا ممأذيتني بالعكس هية اتحسنة مثل جهالهة لان هية مجيب أطفال

بابا ايأذيهة لان بابا يشرب وبابا يشتغل محاسب ومرت بابا موضفة

مرات بابا ييجي بليل شارب ويضرب ماما (مرت بابا)
ومن احنه نبجي يكتلنه احنة هم لان اندافع عليهة

أصف شكلي اني حنطاوية عيوني صفر شعري جوى يوصل لركبي يمكن لان مو كلش اني طويلة ف يبين طويل ضعيفة

                                                                       

الساعة 8 ونص الصبح بغداد عام   2016

مريـم.. صباح الخير

الكل.. صباح النور

سعاد (مرت ابوهة لمريم).. تعالي اكعدي اتريكي

مريم.. اوف لا لا بعد ما الحك لازم اروح افتح الصيدلة

سعاد.. لا ماما تعالي اتريكي

مريم.. عود اهناك اتريك يلا باي

طلعت ابوجهي صار ابن جيرانة الوصخ استغفرالله صبحت بوجهة فكر

طلعت ومباوعت له حتى سلام مسلمت لان ما احبهة واحد خبيث المهم طلعت فتحت الصيدلة اجة زميلي بل شغل

سجاد... صباح الخير

مريم.. صباح النور

.. راح تجينه بضاعة فد اشوية لازم نستلمهة ونعزلهة
... والله اني ممتريكه

.. ها والله لعد روحي اتريكي واني اوكف ابمكانج
... مو البضاعة راح توصل
.. لالا بعد ساعتين

.. لعد اتريك واجي

المطعم ابصفنه والمركز كدامنه رحت دا اتريك دخلت طلبت لفة همبركر وعصير اكلت نص ف بقيت

لفة عل ميز دا اطلع اكلينس اشو ما اشوف الا واحد كب العصير عل لفة رفعت راسي ابن جيرانة الوصخ

مريم.. عفية انت ماشوف

محمد.. لا ما اشوف
.. لعد متلبس نضارات
.. مايعجبني
.. استغفرالله بس كولي ليش وين ما اروح الكاك بوجهي