دخلت تتسحب بهدوء وبدون صوت ، كل ظنها انه نايم ما يسهر لهيج وقت .
دقت ع الباب دقات خفيفة باصابعها حتى ما يصدر صوت ممكن يجذب الانتباه .
ماس : ( بهمس ) الهام ..
فتحت الهام الباب وهيه تضحك بدون صوت على منظر ماس الي تمشي مثل الحرامية وهيه خايفة وتأشرلها بأصابعها بمعنى " شصار بالموضوع ".
ماس : اشششش راح تفضحينا ، اسكتي
الهام : ماكو احد فوتي كلها نايمة !
بس گوليلي ، شفتيه ؟ حجيتي وياه ؟ شنو گالج ؟
ماس : خليني اخذ نفسي بس ... ( وهيه تتلفت ) عزت وينه ؟
الهام : نايم ما كعد اطمني
ماس : اروح اني خايف يحس علية وباجر احجيلج من يروح .
الهام : ( بهمس وهيه تلحكها للدرج ) وشلون اصبر لباجر الله يخليج ؟
ماس : اهووو .. اسمعي ؛ حجيت وياه وكالي بعد ما اوصل للبيت و هددته اني اكول لـ عزت و خاف وكالي بعد ما يتعرضلي ولا يوكف هنا و خوش حجيت وياه بزود خوفته .
الهام : عفيه عليج ..
ماس : روحي روحي خلي الحك قبل لا يكعد عزت راح يأذن الفجر
صعدت بسرعة ونزعت الشال الكبير عن كتفها ولفتها بيدها بسرعة وتخفيها بداخل دولاب برا الغرفه .
فتحت الباب بهداوه تتفحص الغرفة ، " هدوء وظلمة " اتوقعته نايم .. دخلت للغرفة وقفلت الباب وراحت للسرير ..
" وينه " انتفضت بسرعة وهيه تدور علية بالسرير ماكو .
فزعت لما اشتغل ضو الغرفة فجأة واجت عينها عليه وهو يباوع عليها بعصبيه وعيونه حمر من الغضب ..
عزت : وين جنتي ؟
__________________
قريبا جدا بأذن الله ..
ماضي قصة هجرة الحمام ..
#ماس_ عزت
#لطيف_سما
#احمد_فاطمة
#ألب
#أبراهيم
