احببت طالبتي

البارت الثالث

##لحن الحياة
##احببت طالبتي
---بارت 3---

زهراتي متابعه للكاتبه user76317014 وقراءة قصصها

********************&&&&&&
ليان--أكوم اخذ دوش احسن من هالافكار

كمت طلعت ملابس ودخلت للحمام سبحت ...ورجعت للغرفه..سديت الباب وراي وكعدت اقره

ونمت بعد ما كملت كل الدروس . . . . .

استمر دوامنه بالمركز ...وتعرفت ع طالبة ويانه اسمها اسيل
نفس الشعبه. جانت معرفتي بيها بس بالاسم.

...جنت اراجع بالدرس واجتني اسيل كعدت بصفي...

-شلونج ليونه ..

-هلا اسوله شلونج ..سديت الكتاب وصديت عليها

-دتقرين كيمياء..

-ايي .

-ارتاحي شويه كل ما اطب واطلع اشوفج حاطه راسج بالكتاب

-لعد شكو متعبه نفسي واهلي .غير حتى احصل نتيجة تعبي واطلع المعدل الاريده..

-اي صحيح..بس اذا تضغطين ع نفسج..يوكف الدماغ بعد ميستوعب

-ههه لا الحمد لله دماغي ميتعب

مادام اريد اوصل لشي لازم اعوف شي..

-بالبيت هم هيج

-مو فڊڹوب . بس محدده وقت لدراستي ووقت اقضي ويا اهلي

-حلو ..الج غرفه وحدج لو عندج اخوات يشاركنج بيها

-اخوات ثنين بس اقرأ من يطلعن من الغرفه واذا شفتهن دخلن الغرفه وصارت هوسه و الدرس ميدخل براسي اهج من يمهن كبل  للسطح.

-زين.تسوين اني اذا كعدت بنص هوسه .مستحيل افتهم شي .

-ههه اي والله السطح اهدأ.مكان ..واني احجي وياها .باوعتلي بنظره.غريبه

-اكلج ليان هاي العبايه شلون تلبسيها متختنكين

-ليش بالعكس العبايه ستر .متخنك..

-امم مااعرف .اني ماالبسها لان اخاف اختنك وموبس هيج ماكو يمنه وحده تخيط عبايات

-اني.امي تخيط عبايات

-صدك

-ايي وهاي هي مخيطتها .انتي لتشترين قماش عبايه ثكيل ومينشال اكو نوعيات هن وبيهن حلوات وخفيفات ميتعبن باللبس

-ماادري..عود الله كريم بعدين...

وبأثناء كلامنه..دخلت قبس

-مجتمعات الحبايب

-هههه هلا قبوسه تعالي كعدي..

-اي اكعد ليش حتى مااكعد...

كعدنه كملنه.سوالف الحد.ما صارت المحاضره تفرقنه...

خلص الدوام وودعت اسيل