_ مالِك ليش بتبكي ؟
= عشان صرخت علي .
_ طب ما انتي الي غلطانه.
=لا انت الي غلطان .
_ غلطت في شو ؟
=عشان صرخت علي .
_طيب مش قلتلك ما تطلعي راسك من شباك الباص وهو ماشي عشان تقطفي ورده من الشارع ؟
= صار .
_ وقلتلك ما تنزلي من الباص وانتي بتنطي مثل الارانب ؟
= صار .
_ وقلتلك ما تحققي مع الشحاد قبل ما تساعديه ، وتفتحي معه حوارات ! ، وانه مش ضروري تعرفي كل شحاد قديش ثروته واذا عنده عمارات وسيارات ، واسألتك اللي ما بتخلص ؟
=صار .
_ وقلتلك بلاش تضحكي بالشارع بصوت عالي ، لانها ضحكتك بتجيب المكافحه ؟
= صار .
_وقلتلك ما بصير تشفطي المعكرونه بالمطعم بصوت عالي لانه كل الناس بتصير تطلع علينا ؟
= صار .
_ وقلتلك بلاش تفقعي كيس العصير بين الناس وترعبي اللي حواليكي ؟
= صار .
_وقلتلك 100 مره ما تبكي ؟
= صار .
_ طيب ليش بتبكي ؟
= عشان صرخت علي
_ طب مهو مين عمل كل هاي الاشياء اليوم !!
= انا .
_ اذاً مين الغلطان !!
= انت .
_ ليشش انا !!
= عشان صرخت علي😂😂😂😂😂😂😂😂
