بعد كم يوم
امي ماتحجي وياي ًاني اكل روحي
حجت ويا اخواني هما
ماقبلو
حيدر
يمه شبيه انطي ملوذه للبصره هنا هنا بعيده
ام حيدر
يمه خوش قسمه الولد خوش لازمه شغله واهله خوش ناس
سيف
ادري يمه هو لازمه شغله زينه وماعنده اخلاق شنو نستفاد احنا
ام حيدر
يمه شبيك شنو ماعندا اخلاق انته وين تعرفه وانتم الولد شايفي وتعرفو
حيدر وسيف بستغراب
منًو
ام حيدر
الولد الساعد سيف الجابه للمستشفى
حيدر
لا عليج الله بس شجابه علينا هو الولد من اهل البصره
ام حيدر
يمه خواله هنا وخالاته وبيت ابو عيسى هذول جوارينه يعرفوهم
الولد ادب وخلاق ام عيسى جابته كلتلي اني اعرف ملاذ غاليه واعرف اخلاقها قابل اجيبها واحد مو خوش
حيدر
والله مادري يمه الله كريم
سيف
والله اني بلنسبه الي الولد فضله عليه مانسه بس هيا قسمه وهاي حياة اختي حتلو فضل عليه على عيني وراسي بس نشوفه اني ملوذه اكثر من اختي اعتبرها بتي والبصره بعيده ننطيها واضل حسره علينا شوفتها صعبه يمه
ام حيدر
اي يمه كلامك صحيح بس اني شنو لو ماعرفت اهل الولد والولد خوش جا ماحجيت وياكم من يمي وسديت السالفه واني مو سهله عليه اطيها بعيد بس كتلك خوش قسمه يمه
سيف وحيدر
الله كريم
...............
ام حيدر
صح اني ماقبلت على ملاذ على السوته ضمت عليه واني امها بس عذرتها أعرف ملاذ تستحي حتى مني بس هيا صارت
وبعد هو گلب امي خفت عليها خاف مقشمرها مجذب عليها اخذت تلفونها شفت الحجي كله والمكالمات المسجله
اني كلبي اطمأن لان كلامه وياها بحدود وشفته رايدها ويحبها صدك اني ماردت اضلمها وضلم الولد وياها ردت اخابر ام الولد وكلها ابن عمها رايدها واسد السالفه من يمي بس من شفت الحجي والحب البينهم مادرت اضلم بخت بتي اطيها فرصه اشوف الولد اشوف اهله
من شفت صورته نفس الساعد سويف عرفت هو زلمه واحد يأمن على بته ويا وهو شاريها بعد اني ماكدر اوكف بقسمه بتي
صحتها بليل احجي وياها
............
صاحتني امي طبيت للغرفه واني منزله راسي
استحي اباوع بوجهه حسيت روحي غلطانه
صاحتني
ام حيدر
تعاي يمه تعاي اكعدي عندي حجي وياج
ملاذ
اجيت كعدت ومنزله راسي
ام حيدر
يمه ارفعي راسج انتي تحبي للولد
ملاذ
استحيت من سوالها هسه شكلها
ام حيدر
احجي يمه لا ستحين اني امج مو غريبه
ملاذ بخجل
اي امي احبه
