منقول
اصبﺮ ﺟﻤﻴﻞ ﺍﻟﺼﺒﺮ ﻛﺎﻥ ﻗﺪﺭﺗﻪ ﺭﺍﻫﻮ ﺍﻟﺼﺒﺮ ﻣﺎﻛﻴﻔﻪ ﺩﻭﺍﺀ ﺣﻜﺮﺗﻪ
ﺍﺻﺒﺮ ﻳﻬﻮﻥ ﺩﺍﻙ ﻭﺍﻥ ﻛﺎﻧﻚ ﺻﺒﺮﺕ ﺍﻳﻌﻮﺿﻚ ﻣﻮﻻﻙ
ﺍﻣﺎ ﻫﻨﺎ ﻓﻲ ﺍﻟﺪﻧﻴﺎ ﺍﻳﺮﺩ ﻛﻔﺎﻙ ﻭﺍﻟﻠﻪ ﻳﺮﺣﻤﻚ ﻓﻲ ﺍﻟﻘﺒﺮ ﻟﺠﻮﺭﺗﻪ
ﻭﻋﻴﻦ ﺭﺣﻤﺘﻪ ﻳﻨﻈﺮ ﺑﻬﺎ ﻳﻼﻙ ﺍﻥ ﻛﺎﻧﻚ ﻋﻠﻰ ﻛﻞ ﺍﻟﺤﻮﺍﻝ ﺷﻜﺮﺗﻪ
ﻭﻋﺎﻟﻢ ﺑﻤﺎ ﺗﺸﻜﻲ ﻭﻋﺎﻟﻢ ﺩﺍﻙ ﻭﻳﺠﻴﺐ ﺍﻟﺪﻭﺍﺀ ﺣﺘﻰ ﺍﻥ ﻣﺎﺩﻭﺭﺗﻪ
ﻭﺑﻮﺍﻟﺪﻳﻚ ﺭﺍﻫﻮ ﺧﺎﻟﻘﻚ ﻭﺻﺎﻙ ﻭﺑﺤﺎﺻﻚ ﺍﻟﻠﻲ ﻣﻨﻬﻢ ﻓﻘﺪ ﺫﺍﻛﺮﺗﻪ
ﺃﻳﺎﻡ ﺻﻐﺮﺗﻚ ﻳﺎﻣﺎ ﺟﺮﻭ ﻓﻲ ﺭﺿﺎﻙ ﻭﺳﻬﺮﻭﺍ ﻣﻌﺎﻙ ﺍﻟﻠﻴﻞ ﻛﺎﻥ ﺳﻬﺮﺗﻪ
ﺣﺘﻰ ﻭﻟﻮ ﺧﺪﻋﺘﻠﻬﻢ ﻣﻘﺼﺮ ﺭﺍﻙ ﻭﻋﻠﻴﻬﻢ ﺟﺮﻳﺖ ﺍﻟﺠﻬﺪ ﻣﺎﺩﺑﺮﺗﻪ
ﻣﺎﺗﺮﺩ ﻣﺎ ﺩﺍﺭﻭ ﺯﻣﺎﻥ ﻣﻌﺎﻙ ﻟﻮ ﺍﺩﻳﺮ ﻓﻌﻞ ﺍﻟﺨﻴﺮ ﻣﻬﻤﺎ ﺩﺭﺗﻪ
ﻭﺣﺎﻓﻆ ﻋﻠﻲ ﺟﺎﺭﻙ ﺍﻥ ﺗﻢ ﺣﺪﺍﻙ ﻟﺠﺎﺭﻙ ﻋﻠﻴﻚ ﺣﻘﻮﻕ ﻓﻲ ﻣﺠﺎﻭﺭﺗﻪ
ﺍﻥ ﻛﺎﻧﻚ ﺍﻋﻄﻴﺖ ﺍﻟﻔﺎﻛﻬﻪ ﻟﻀﻨﺎﻙ ﻭﺟﻮ ﺿﻨﺎﻩ ﻣﺎﻭﺍﺣﺪ ﺑﺨﺰﺭﻩ ﻧﻈﺮﺗﻪ
ﺑﺘﻜﻮﻥ ﺫﺍﻫﺐ ﻭﺍﻟﻄﺮﻳﻖ ﺣﺪﺍﻙ ﻳﺒﻴﻚ ﺗﺠﺒﺮﻩ ﻭﺧﺎﻃﺮ ﺍﻟﺠﺎﺭ ﻛﺴﺮﺗﻪ
ﻭﺍﻥ ﻛﺎﻧﻪ ﻓﻘﻴﺮ ﻭﻣﻨﺰﻟﻪ ﻳﻼﻙ ﻻﺗﻌﻠﻲ ﺍﻟﺒﻨﻲ ﺭﺍﻙ ﻗﻬﺮﺗﻪ
ﻫﻮ ﻣﺎﻋﻄﺎﻩ ﺍﻟﻠﻪ ﻭﺍﻧﺖ ﻋﻄﺎﻙ ﻋﻠﻴﺖ ﺍﻟﻤﺒﺎﻧﻲ ﻭﺍﻟﻬﻮﺍﺀ ﺳﻜﺮﺗﻪ
ﺧﺎﻑ ﻣﻦ ﻏﺪ ﺭﺍﻫﻮ ﻳﻐﺼﺮﻙ ﻣﻮﻻﻙ ﻛﻴﻒ ﻋﻠﻰ ﺍﻟﺪﻧﻴﺎ ﺍﻟﻴﻮﻡ ﻏﺼﺮﺗﻪ
ﺭﺍﻫﻲ ﻓﺎﻧﻴﻪ ﻭﺻﻴﻮﺭﻫﺎ ﺗﻔﻨﺎﻙ ﻭﺍﻟﻠﻲ ﻳﺪﻳﺮﻫﺎ ﺍﻻﻧﺴﺎﻥ ﻓﻲ ﻣﻔﻜﺮﺗﻪ
ﻛﺎﻥ ﺑﺮﻣﺘﻠﻚ ﻭﺟﻬﻬﺎ ﻳﻼﻙ ﺩﻳﺮ ﻣﺎﺗﺮﺿﻲ ﺍﻟﻠﻪ ﻓﻲ ﺩﺍﻳﺮﺗﻪ
ﻭﺍﻥ ﻛﺎﻥ ﻋﻄﺖ ﺑﺎﻟﺮﻛﻦ ﺍﻟﺮﺃﻱ ﻣﻌﺎﻙ ﺍﺧﻴﺎﺭ ﺍﻷﻣﻮﺭ ﺍﻟﻮﺳﻂ ﻓﻲ ﻇﺎﻫﺮﺗﻪ
ﻭﺍﻥ ﻛﺎﻧﻬﺎ ﻋﻄﺎﺗﻚ ﺑﺎﻟﻘﻔﺎ ﺗﺠﻔﺎﻙ ﺭﺍﻫﻲ ﻛﺎﺳﺤﺔ ﻣﺎﻣﻦ ﺍﻟﻠﻲ ﻏﺎﺩﺭﺗﻪ
ﺍﻧﺖ ﻋﺸﺖ ﻓﻴﻬﺎ ﻭﻓﻲ ﻧﺎﺱ ﻣﻌﺎﻙ ﻭﻻﺑﺪ ﻗﺴﺎﻫﺎ ﻭﻟﻴﻨﻬﺎﻋﺎﺻﺮﺗﻪ
ﻳﻮﻡ ﺗﺠﻲ ﺿﺪﻙ ﻭﻳﻮﻡ ﻣﻌﺎﻙ ﻣﻠﻬﺎﺵ ﺻﺎﺣﺐ ﻗﺒﻠﻨﺎ ﺩﺍﻳﺮﺗﻪ
ﻟﻮ ﻛﺎﻧﻚ ﺗﺒﻲ ﺩﻳﻨﻚ ﻣﻊ ﺩﻧﻴﺎﻙ ﺭﺍﻧﻚ ﻧﺸﺪﺕ ﺍﻟﺸﺮﻉ ﻭﺍﺳﺘﻔﺴﺮﺗﻪ
ﺭﺍﻫﻮ ﻣﺎﻧﺰﻝ ﺍﻟﻠﻪ ﻭﺭٌﺍﻙ ﺟﻤﻴﻊ ﺍﻟﻄﺮﻕ ﻭﺍﻟﻠﻲ ﺗﺒﻴﻪ ﺍﺧﺘﺮﺗﻪ
ﺍﻣﺎ ﺗﺸﺪ ﻓﻲ ﺩﺭﺏ ﺍﻟﻨﺠﻲ ﻧﺠﺎﻙ ﻭﺍﻣﺎ ﻳﺴﺤﺒﻚ ﻓﻲ ﺩﺭﺏ ﺍﻟﻀﻼﻝ ﻛﻔﺮﺗﻪ
ﻫﺬﻩ ﻣﻌﺎﻙ ﻭﻫﺬﻩ ﻫﻲ ﺣﺪﺍﻙ ﺍﻟﻠﻲ ﻣﺎ ﻋﺮﻓﻬﻦ ﺍﻫﻮ ﻧﻈﺮﺗﻪ
ﻭﺍﻟﻠﻲ ﻳﺸﻴﻞ ﻗﺮﺑﻪ ﻫﺬﻩ ﻣﺎﺗﻐﺒﺎﻙ ﺑﻴﻜﻮﻥ ﻗﺎﻃﺮﻫﺎ ﻋﻠﻲ ﻣﻮﺧﺮﺗﻪ
ﺍﺻﺒﺮ ﺟﻤﻴﻞ ﺍﻟﺼﺒﺮ ﻛﺎﻥ ﻗﺪﺭﺗﻪ ﺭﺍﻫﻮ ﺍﻟﺼﺒﺮ ﻣﺎﻛﻴﻔﻪ ﺩﻭﺍﺀ ﺣﻜﺮﺗﻪ
أنت تقرأ
اشعار قصصية راقت لي
Poetryلم يبقَ عندي ما أقولُ تعبَ الكلاَمُ من الكَلامِ #نزار_قباني احيانا لانكتب ليقرأ أحدهم 💕 إنما لنقرأ نحن ماكتبناه بعد حين لنعرف ماكنا عليه ......وما وصلنا إليه
