الماضى ونبضات الحاضر

part 4

صعد حازم وهو متشوق لرؤيه صغيرته
ثم طرق الباب ليتعجب عاصم ليصدم عند فتحه للباب:انا بحلم ولا دى حقيقه
حازم وهو يحتضنه بقوة: وحشتنى اوى ياعمو وحشنى لميتكم حواليا
عاصم وهو يبادله الحضن بقوة:حبيبى حمدالله على السلامه ياااه ياحازم فينك من زمان وحشتونى اوى انت وباباك
حازم: بس ايه رأيك فى المفاجاة دى
عاصم:احلى حاجة حصلت انى شفتك
حازم بشوق :فين نور حبيبتى
عاصم: هي نايمه تعالى صحيها يلا دى هتموت من الفرحه لما تشوفك
حازم: انا هدخلها بس مش هصحيها هخلينى للصبح واعملها مفاجاة
عاصم :تمام ادخل ياحبيبى واعمل حسابك انك هتقعد معانا لحد ماعيلتك يجوا اوضتك لسه زى ماهي ( مالا يعلمه احد ان لكل من نور وحازم اوضه فى منزل كلاهما حتى يستطيعا العيش مع بعضهما )
حازم: ربنا يخليكوا ليا ياعمى انت ونور
عند يوسف وادم عادا الى المنزل ليجدا ملك فى سبات عميق وحرارتها خفضت ليتنهدوا براحه ويذهب كل منهم لغرفته
دلف حازم لغرفه نور ليراها نائمه ليقبل جبينها بهدوء وعيناه تدمع فقد اشتاق لاخته جدا ليراه عاصم بعد خروجه ويعرف انه كان يبكى : ادخل ياحبيبى استريح والصبح اقعدوا مع بعض
حازم:حاضر بس متقولهاش انى جيت تصبح على خير يااونكل
عاصم: وانت من اهل الجنه ياحبيبى
ليشرد عاصم فى علاقه حازم ونور فهم معا منذ الصغر كان حازم نعم الاخ لاخته وصديقها ايضا وبئر اسرارها يعلم بان حازم يعلم الكثير من اسرار فتاته ولكنه يثق به ثقه عمياء ولا يعرف عاصم ان ابنته ستخبئ اكبر سر بحايتها عنهم جميعا. فى الصباح استيقظت نور لتنظر بجانبها لتفزع :يانهار ازرق الساعه 9 اترفدت من تاتى يوم الله يخربيتك ياندى انتى السبب متصلتيش ليه،لتنظر لهاتفها وترى اكثر من 10 مكالمات من ندى لتضحك بخفوت فهى دائما ماتضع الفون على الوضع الصامت ليدخل لتقوم سريعا وتدلف لحمام غرفتها ليدخل حازم وهو يتسحب حتى لا تسمعه وينزل اسفل سريرها وبعد 5 دقائق تخرج نور وهى جاهزة تماما لتشعر بحركه غريبة لتلتفت ببطء للخلف ولكن تفزع عندما يدلف اباها فجأة : ايه ياحبيبتى اتأخرتى ليه
نور بخضه : فزعتنى يابابا وبعدين انت اول مرة تدخل من غير ماتخ.. وقبل ان تكمل كلامها كانت تطير فى الهواء لتصرخ بفزع ثم تصدم عندما تسمع الصوت ، حازم بشوق : وحشتنيى يا اميرتى لتهدأ هي ومازلت مصدومه اهو حلم ام حقيقه ليلفها حازم له ويتركهم عاصم بمفردهم نور ببكاء: انت بجد
حازم وايضا يبكى : بجد ياروحى لتبدأ هي فى ضربه بصدره وهي تقول: ليه بعدت عنى انت وحشتنى اوى علشان خاطرى ماتمشيش تانى ياحبيبى
حازم:اهدى ياقلبى والله ماهسيبك تانى مقدرش ابعد عنك انتى روحى اهدى ليحاول تهدأتها وهي مازالت تبكى فى حضنه فهى لم تصدق حضوره حتى الان عاصم: حبايبى عاملين ايه يااه ياولاد لميتكم دى بالدنيا عندى ربنا يخليكم
نور: ربنا مايحرمنى منك يااحلى بابا فى الدنيا ويخليك ليا
حازم: انت زى بابا يااونكل والله
عاصم : طيب يلا نفطر ياقطايط ليفطروا فى جو يملئه البهجة والفرح
اما عند ادم فقط استيقظ ليذهب الى اخته مباشرة ليجدها تبدأ فى الاستيقاظ ادم:حبيبتى عاملة ايه انهارده
ملك: الحمد لله ياقلبى ربنا يخليك ليا ثم تقوم بفرد ذراعيها بكسل لتلاحظ اللاصق على ذراعها ثم تبكى كلاطفال
ادم بفزع :مالك ياروحى لينظر الى ماتنظر اليه ليلعن غباءه فهو لم يزيل اللاصق الذى وضعه حازم مكان الابرة
ادم: خلاص ياروحى معلش وبعدين حازم ادهالك براحه انتى محستيش بيها ملك باستغراب: مين حازم ده
ادم : هحكيلك ياروحى ليحكى لها قصه حازم لتضحك عليه فمن كلام ادم انه يشبه يوسف اخيها ليدلف يوسف فجأة
ادم: انا مش قلتلك يازفت تخبط الاول
يوسف واتجه ناحيتهم وضم اليه ملك : اولا دى اختى ثانيا انا عارف انك هنا اسكت بقى ، عاملة ايه ياروحى
ملك بضحك:الحمد لله ياحبيبى
ادم : يلا نفطر ياحلوين وانتى ياروحى غيرى وانزلى هنستناكى
يوسف : محتاجه مساعده يا لوكة
ادم :طيب والله مافى فطار قدامى بقى على الشركه
ملك بضحك على نقارهم الدائم: انا هاخد شاور وانزل يلا اسبقونى ليخرجوا معا وسط مزاحهم الدائم
انتهى حازم ونور من الافطار لتقول نور: يانهار ازرق الشغل هترفد ياحازم
حازم: ليه يابنتى اهدى عادى
نور: مانت متعرفش ايه اللى حصل
حازم: عملتى ايه يامصيبه ،لتسرد له نور مافعلته هي وندى فى محمد وعقابه لهم حازم بضحك: يخربيتكوا ده له حق يولع فيكم والله قومى معايا مفيش شغل احنا هنروح نجيب ندى ونخرج يلا
عاصم: اوعوا تجيبوا لمحمد شلل مش هسامحكم ابدا ده صاحبى ياكلاب
نور بضحك: لا متقلقش احنا ملايكة
ليخرجا معا وفى سيارة نور : ماقولتش ليه انك جاى ياحازم كنت استنيتك
حازم: كنت عايزها مفاجأة بس حصل موقف امبارح فظيع واتعرفت على شابين وبقينا اصحاب كمان
نور : بقى ليك اصحتب من اول يوم كمان طيب يازومه احكيلى بقى
حازم: متضحكيش بس بصى ياستى ليحكى لها ماحدث امس وعلاجه لملك
نور:هههههههه بخربيتك هتتشرح من اول ساعه ليك فى مصر يازومه ده انت مسخرة يابنى كنت هتبقى حازم تشريح
حازم: خلصتى تريقه يااختى اسكتى بقا نور: ماشى يلا وصلنا الشركه
ليصعدوا معا ويصلوا لمكتب ندى تدخل نور :صباح الفل والياسمين ياندوش
ندى: صباح الزفت ده المدير هينفخك
نور: ميقدرش يابنتى ده انا نور ولا ايه
ندى: ايه اللى اخرك يامعفنه انتى
نور: هقولك ياكلب البرك انت ادخل ياسمسم ليدلف حازم مبتسما ، لتقف ندى بصدمه : حازم حازم
حازم: لاء زومة وحشتينى يامعفنه
لتجرى ندى عليه وتحضنه بقوة فهم الثلاثه اخوة معا وبعد فترة ، نور برخامة : لاحظوا ان فى ناس فى المكتب
حازم : تعالوا نخرج يلا انتو وحشتونى
ندى : انت عايز بابا يقتلنا بقى ياحازم
حازم: تعالو بس خطة صغيرة من بتوع زمان وهنخرج ولا ايه (معروف عن الثلاثه انهم مصائب عند اجتماعهم ) ليجلسوا يفكروا ماذا يفعلون ليعب حازم لقيتها بصو ...... وبعد فترة تدلف ندى لغرفه ابيها مذعورة: بابا الحق نور عملت حادثه الصبح وهي جاية
محمد بفزع :انتى بتقولى ايه وهي عاملة ايه دلوقتى
ندى: انا اتصلت بيها مردتش وبعد شوية لقيت واحد بيرد ويقولى انه صاحبة التلفون عملت حادثه من شوية بص انا هروح لها وهابقى اطمنك لما اوصل
محمد: انا جاى معاكى طبعا يلا بينا
ندى' خليك انت علشان الشركه يابابا وانا هروحها علشان عمو عاصم ميقلقش وبكرة هنجى الشغل بدرى زى انهارده
محمد: يحرق الشغل روحيها وخدوا اسبوع اجازة ماتخف خالص وارجعوا براحتكم بقى بس ابقى طمنينى
ندى: متأكد من حكاية الاجازة دى
محمد : اكيد يلا خدى العربية وروحى ليدلف حازم ونور ، حازم: صباحو عسل يااونكل وحشتنى والله
محمد بصدمه: ايه ده وانت جيت امتى
حازم : مفاجأة صح بس ايه ده ياحودة فيك صحه تجرى ماتتجوز بالمرة
محمد : يابن الكلب بتشتغلونى وانا الاهبل صدقت وانتى يانور عاملة حادثه
نور: اه ماهو اجتماعنا اكبر حادثه ولا ايه حازم : متقلقش يااونكل انا هربيهم على الفيديو ده صدقنى بس هاخد الفيديو من نور علشان احدد العقاب كويس
محمد بضراخ: بررره كلكم مش عايز اشوف حد فيكم ورجلكم ماتجيش الشركه تانى يلا برررررره، ليخرجوا وهم يضحكوا فقد حققوا مرادهم بسهولة
مر اسبوع سريع على الجميع هدأت حياة نور برجوع حازم وكذلك ادم برجوع اخيه يوسف بعد 3 اشهر اسس حازم شركته وبدأ العمل بها وكانت نور تتردد بين شركته وشركه السيوفى وزاد نفوذ ادم وقوته وزدات العلاقه بين 3 اصدقاء فى احد الايام كان الجميع يجلس فى منزل احمد بعد عودته
نور: ايه الملل ده عايزين نعمل حاجة
ندى: ايه رأيكم نلعب استغماية
حازم بسخريه: بس ياطفلة انتى
نور ببرأة : علشان خاطرى يازومه
حازم: انتى تؤمرى يارووحى يلا نلعب ليضحك الجميع عليه فهو دائما ما يلبى رغبات نور وبعد فترة يرن هاتفه ليرد: ادم وحشتنى يااسطى عامل ايه ياكبير
ادم: بقيت بيئة ياحازم انا الحمد لله وانت اخبارك ، مالك بتنهج ليه كده
حازم: الحمد لله ، اقولك ومتضحكش
ادم : قول ومش هضحك يلا
حازم: اصلى بلعب استغماية
ليغرق ادم فى الضحك: بتعمل ايه هههه انت بيبى ياحازم المهم تعالى هنستناك انهارده فى المكان بتاعنا ....
حازم : تمام هاجيلكم ومش هتأخر سلام نور بحزن: انت هتخرج دلوقتى
حازم: اه ياقلبى بس لو مش عايزة خلاص هاقعد معاكى
ندى: وانا روحت فين انا هنا اهو
نور : ماشى حبيبى روح انت خلاص
ليدلف محمد سريعا: ندى تعالى احنا هنسافر لان جدك تعبان وهنقعد اسبوع
حازم: الف سلامه ياونكل يااه هستريح من ندى اخيرا
ندى : بس يالا انت ده اسبوع وراجعه
نور: تروحى وترجعى بالسلامه ياروحى
حازم : مالك ياقلبى شكلك تعبان ماتجى معايا نخرج شوية
نور: لاء انا مصدعه شوية هاقوم انام
ندى: اجبلك دكتور يانونو
عاصم بسخرية: اومال انتو ايه ياهانم
ندى: اووبس تصدق صح يااونكل
حازم: شغلها فى شركه ابوها نساها اصلها يابنت الاصول
محمد : انتو تافهين يلا يابنتى سلام
احمد : معاك حق والله توصلوا بالسلامه وبعد خروجهم حازم: انا كمان خارج باى قابل حازم ادم وبعد السلام : اومال فين يوسف ياادم مجاش ليه
ادم: جاى بس بيجيب حاجات لملك
حازم: اختك / ادم: اه ويوسف كمان ابن عمى واخويا فى الرضاعه
حازم: ربنا يخليكم لبعض ياادم
ادم: تسلم اخبار شركتك والشغل ايه
حازم : الحمد لله طلعان عين امى
ادم: ملكش اخوات يساعدوك
حازم : لاء انا وحيد بس ليا ...وقبل ان يتم جملته ، احدهم من الخلف: انت حازم ولا وحيد حيرتنا ياعم
حازم: جووو ازيك وحشتنى يالا
يوسف: لاحظ انى اكبر منك يابتاع استغماية انت يابيبى
حازم: وانت مالك ياعمهم سيبنى بقا ليمضوا بعض الوقت فى المزاح ليرن هاتف حازم برقم عاصم ، قبل فترة عند نور وعاصم ، نور: بابى انا هدخل انام
عاصم: مالك يانور شكلك مكسلة اقعدى اتعشى الاول وبعدين ادخلى نامى
نور: مليش نفس يابابا مصدعه شوية بس هدخل انام تصبح على خير لتدلف لغرفتها وهي فى صراع دائم فلقد رأت اليوم طفل ذكرها بيتمها لتحاول الهروب فى النوم ولكن لعد فترة جائها الكابوس الدائم فرأت الطفل والدماء وامها وهي تختطف وصورتها وهي مقتولة لتفزع ويدخل ابيها : نور فوقى حبيبتى انتى فى البيت قومى ولكن دون استجابة ليبحث عن دوائها ولسوء حظه قد نفذ الدواء ليهاتف حازم ، عودة بالوقت ، يتعجب حازم فهو لم يتىك عاصم من فترة كبيرة ليرد: الو يااونكل خير
عاصم: حازم نور بتحلم بالكابوس ومش راضيه تفوق والدوا خلصان
حازم بفزغ: انا جاى يااونكل
ادم : مالك ياحازم / حازم : انا لازم اروح نور تعبانه ياادم بعد اذنكم
يوسف: استنى يابنى انت مش شايف نفسك هتموت قبل ماتروح انا هروحك
ادم: يوسف معاه حق انت مش هتقدر تسوق كده ياحازم تعالى معايا ويوسف هيجى بعربيتك يلا
حازم : تمام يلا كان يلوم نفسه فهو تركها وهي متعبه حتى وان سمحت له بالخروج كان عليه الا يتركها وصلوا بعد فترة لينزل سريعا ويصعد : نور مالها
عاصم: تعالى بسرعه ليدخل غرفتها ويرى اميرته تنتفض من كابوسها
حازم : نور فوقى وهو يهزها بقوة ويبكى ايضا : اونكل هات ماية بسرعه ليأتى عاصم بالماء ويسكبها حازم عليها : بس اهدى ياروحى انتى معانا اهدى
نور ببكاء: حازم خليك جنبى متسبنيش
حازم: عمرى مااسيبك ياروحى
فى الاسفل يوسف: هنعمل ايه ياادم
ادم: هنستنى شوية ماهو مينفعش نسيب العربية فى الشارع كده والبواب شكله نايم محدش فى الشارع
يوسف: تمام ماشى
نامت نور فى حضن حازم ليرن هاتفه ويرى اسم ادم : اووبس ده انا سيبتهم تحت حتى مودعتهمش ثم يرد: سورى ادم والله العظيم تعب نور بيخلينى مش واعى لنفسى معلش
ادم: ولا يهمك المهم هي عامله ايه
حازم : الحمد لله احسن اعتذر بالنيابة عنى ليوسف لحد مااشوفه
ادم: احنا لسه تحت البيت عندك
حازم بتعجب: تحت عندى انا ليه
ادم: العربية معانا والبواب نايم خوفنا نسيبها فى الشارع كده انزل يلا
حازم : نازل اهو ليغلق معه ويضع رأس نور بهدوء على السرير حتى لا تستيقظ وخرج : اونكل اصحابى تحت هنزل لهم
عاصم: ماتجيبهم وتطلعوا نتعرف عليهم
احمد : فكرة والله ياحازم طلعهم
حازم : تمام هجبهم واجى هي ماما فين
احمد: ماما فى المطبخ بتعمل قهوة
حازم : ماااما اعملى حسابى ومعايا 2 اصحابى
عاصم: تعبتكم معايا يااحمد معلش
احمد : انت اهبل ياعاصم دى بنتى انا هبط حازم لاصحابه : انا اسف يا جماعه اعذرونى والله ماكان قصدى
يوسف : ولا يهمك المهم تكون بخير
حازم: بابا عايز يشوفكم تعالوا نطلع
ادم: انت بتستعبط الوقت متأخر
حازم: ياعم احنا صاحيين تعالوا بس
يوسف : تمام يلا
وبعد صعودهم ، حازم: ده بيتنا بس احنا هندخل هنا دلوقتى
يوسف: هدخلنا عند الجيران يالا
حازم: ظريف بس بابا وماما هنا يلا
فتح عاصم: اهلا ياولاد نورتونى والله
ادم: ده نورك يافندم انا ادم نور الدين
عاصم: بجد ادم صاحب اكبر شركات فى مصر واصغر رجل اعمال فيها انت نعم الشباب يابنى والله وفخر ليهم
يوسف بمرح: انا يوسف نور الدين برضو اخو ادم وشاب مجتهد زيه وكل حاجة ليضحك الجميع على مرحه
احمد : تعالوا ياولاد الواد حازم حكالى على اللى عملتوه علشانه بجد شكرا لكم
ادم: اى حد كان هيعمل كده وبعدين حازم اخونا ولا ايه ثم يوجه حديثه لعاصم: حاسس انى شفت حضرتك قبل كده انت حضرتك شغال فى ايه
عاصم: وانا بشبه عليك برضو انا شريك فى شركات السيوفى لو تعرفها
يوسف: اكيد غنية عن التعريف بس ليه اسم حضرتك مش على الشركه
عاصم بالم: انا لسه شريك جديد فيها وكنت صحفى قبل كده بس سبيتها
اقسم ادم انه رأى الالم فى عينيه ولكن لم يعلم لماذا بعد فترة انتهت السهرة وقرر ادم ويوسف الرحيل ، ادم: نستأذن احنا بقى ياجماعه اتشرفت بمعرفتكم والله
عاصم: الشرف لينا يابنى لنا قعدة تانية مع بعض ومع عيتلكم ان شاء الله
يوسف : ان شاء الله تصبحوا على خير
احمد : وانتو من اهل الجنه ياولاد

انتهت حلقتنا اليوم الى اللقاء فى بارت جديد 👋👋👋♥♥♥♥♥♥♥