انتـ💔ـقام 4
عند مجدي
مجد :دز لامي رساله طمنها بالله عليك
مجدي:باهي(وخدي رقم امه وسجله ودز رساله) <ولدك عندنا مش حيروح اليوم>
فالبيت
سلوي وصلها مسج فتحاته وقعدت تشبح فيه ومصدومه لين طاح منها التليفون
الكل انخلعو وشبحو لسلوي
رنا جت لامها :خيرك يما شن فيه
سلوي ترعش مع بعضها ودموعها ينزلن
رنا قعمزتها عالكنبه ومشت خدت التلفون وقعدت تشبح فالرساله
علي قدم فك منها التلفون ويقري وساكت
عبد الفتاح:خيركم
علي:مجد شادينه وحدين
عبد الفتاح :لا حول ولاقوة الا بالله هات التلفون ترا
علي مدله التلفون
عبد الفتاح قعمز ع الكنبه ويراسل في مجدي
عبد الفتاح:من انتم وشن تبو منا
مجدي:نبو مجد بس مش حيرجعلكم لين بعد اقل شي شهر
عبد الفتاح :كم تبو فلوس
مجدي :ولا حاجه
عبد الفتاح :كيف يعني
مجدي :كيف مافهمت
عبد الفتاح :لا حول ولا قوة الا بالله
سلوي :شن صار كم يبو
عبد الفتاح :مايبو شي
سلوي :كيف يعني
عبد الفتاح :مش حيروح الا بعد شهر او اكثر
سلوي:قعدت تبكي ويديها علي وجهها:اااه يا وليدي ااه ياني
فؤاد جي قعمز بحداها:خلاص يما انشالله خير
شويه وخش مراد يشكشك بمفاتيحه :السلام عليكم
الكل :وعليكم السلام
مراد شبح امه تبكي :خيركم شن فيه
علي :فيه وحدين شدو مجد ومايبو شي
مراد:كيف مايبو شي
علي :اي مش حيطلقوه
مراد :لا حول ولا قوة الا بالله
بعد شهر
الاحدات
سلوي ضعفت وولت زي العزوز الكبيره فالعمر
مراد طول الشهر يدور علي مجد بس ما فيش فايده
رنا ديما تمشي للمدرسه ومعادش تاكل كويس
فؤاد الفترا هدي اهمل قرايته بكل
وعلي وعبد الفتاح ديما يطلعو مع مراد يدورو علي مجد
قيس جي الاسبوع اللي فات فالفجر درس سياره مجد قدام البيت وفات يعني السياره فالبيت
مجدي يعامل في مجد معامله كويسه لكن مايعامل فيه كانه خوه ولاتوأمه يعامل فيه كأنه واحد غريب
عند مجدي
قيس: لازم ادير خطوا بعد الشهر هدا
مجدي :به (وولع تلفونه وفتح عالدردشه)
مجدي:السلام عليكم
قعد شويه ورد :وعليكم السلام
مجدي :بنقولك حاجه وضروري تستوعب بالشويه
عبد الفتاح:انشالله خير
مجدي:مجد عطاك عمره
فالبيت
عبد الفتاح وقف فجأه:الله اكبر لا اله الا الله محمد رسول الله
سلوي جت تجري:خير شن فيه
عبد الفتاح حط راسه بين يديه :مجد عطاك عمره
سلوي طاحت علي طولها
مراد جي يجري :يما يما خيرك شن فيه
عبد الفتاح ناض وقف مشو قلوها للمستشفى
علي :يا رنا اطلعي بسرعه امك طاحت رفعوها للمستشفي
رنا :شنوووو كيف صار
علي :مانندري هيا اللي بيمشي
طلعو التلاته فؤاد و علي ورنا مشو بسياره مجد لحقوهم
سلوي دخلوها للاسعافات طول
علي:شن فيه يابوي
عبد الفتاح حاط راسه بين يديه. ودموعه ينقطن:مجد عطاكم عمره
كلهم كأن نزلت عليهم ساعقه ودموعهم ينزلن
