ميار
ضل يخوزر بيه واني الموضوع مو يمي
احرك كلبه شكد مغرور ومتكبر انوب صاير حلو ياالله طول وهيبه وبنات عمي ملطلطات كتلن روحهن عليه وهو مو راحه يتبسم بوجهن ومطنشني كلت خل احرك كلبه مثل ماهو يحرك كلبي
.......
ملاذ
عقدولنا اني وزياد واني لحد هسه مامصدكه فرحه على خوف على حب
الانسان الحبيته وفه بوعده وهسه اسجلت باسمه وهو اسجل باسمي الحمدالله والشكر
هما راحو اني كومني بلستقبال
شفته جنات عبالي ماتجي فرحت بشوفتها رحت حضنتها كبل
جنات بفرحه
الللف مبروك يروحي تتهنون بعض يعمري
ملاذ
الله يبارك بيج هم زين اجيتي والله ضجت عبالي ماتجين
جنات
لا والله خطيه عيسى راح للدوام وذبني هنا بس تأخرنا ازدحامات
ملاذ
خطيه يوصل بسلامه
جنات
ولجج شطالعه كمر والله زياد امه داعيتله وحصل هيج كيكه
حرمات مالحكت من اجوي عقدولكم
ملاذ
فدوه لعمرج جنه انتي الاحلى اي والله عود اني رتج من اجوي اجتي اخته وامه وكرايبه
وعمامه من البصره الشارع انسد من السيارت انوب كلهن هذان العاليات
جنات
يااا طلعو امكانه اهله وعمامه
ملاذ
اي البصره نصها الهم
لج ونبي لحد هسه مامصدكه فرحانه كلششش
جنات بضحكه
الله يديمها ان شاء الله صدكي حبي صدكي هو طلع زلمه وكد حجايته واجه تقدملج من البدايه هو جان نيته صافيه
ملاذ
اي والله جنه حجيج كله صح هو انتي ماتدرين امي من درت اسوت بيه
جنات لطمت على صدري
عزززا خالتي درت خو مااحد من الولد دره
ملاذ
حجيتلها السالفه الصارت كلها
جنات
يله الحمدالله خالتي زينه بس يجوز خافت عليج حقها
ملاذ
اي صحيح
كعدنا اني والبنات ضلينا نسولف والبنات يتغزلن بزياد موتني هههههه
انوب سوينه جلست تصوير هههه
ميار حتى فوك الثلاجه رادت اصعدني حتى اصور خبله ههههه
ذبيت الفستان والبيت شوي خف من الهوسه بس بقينه الكرايب ولد خالتي والمقربين وخالتي والبنات جنات وريام هيا واحمد دك سوالف ماخذيلهم صفحه وحيدر وسيف ويحيى وريم واسراء وحمودي ابن حيدر
كلنا كاعدين ونضحك ونسولف ويحيى جايب ويا كرزات وببسي وحلويات صعدنا فوك احنا البنات
بقن خالاتي جوه والولد
ريام بلكوه شلعناها تريد تبقى اسولف ويا الحب بلكوه جبناها ويانه سحل
ضلينا نسولف اني وجنات وريام ريم سيف صاحلها واسراء حيدر هم صاحلها بقيمه بس اني والبنات وميار لازمه الفون
........
يحيى
النهار كله اني فرحان اول مره بنيه تدخل كلبي وعقلي كلشي بيها عجبني طولها خجلها عيونها ابتسامتها حشمتها نزاكتها كلشي بيها
اباوع عليها احس روحي فاصل عن العالم بس اني وياها بلماكن هذا نسيت امها واخواها والناس الدايرمدايري
شوي وحسيت على روحي سلمت على زياد وعلى امه واخوانه وخرت من طريقهم خجلت عبالك ملطلط واكف وصافن على البنيه وهيا خاتله بضهر امها مستحيه خاب امداني شبيه عبالك ماشايف
اي والله ماشايف هيج بنيه ولا ماره بحياتي هيج انسانه كتله من الخجل والحيا
.........
ميار
اول مارحو بقيت اركص وبعدين كمنا نصور
واني بالي يم هذا المغرور ابو حواجب عابت وجهه شكد حلو وصاك عيع جذب مو حلو يخزي ومغرور ماحبه
