دائي و دوائي 🥀🖤 ( مكتملة )

الجمرة الثامنة والعشرون

ﺃﺧﺒﺮﻭﻧﻲ ...ﻫﻞ ﺟﺮﺑﺘﻢ ﺃﻥ ﺗﺸﺘﺎﻗﻮﻥ ﻟِﻤﻦ ﺗُﺤِﺒﻮﻥ ﺣﺘﻰ ﺗﺒﻜﻮﻥ , 💔🥺

**************

فيصل ، من فزيت ورة ما حلمت بفرح وهي تحلفني انو ارضي الكل وما اضوجهم وانو انطي لروحي فرصة ، كمت اتذكر بالحلم اني كاعد بالحديقة مال البستان مالتنه وابجي علليهه وهي اجت وكفت يم راسي اني ما مصدك شفتهه طفرت كبل اريد احضنها ما لكيتها ، كمت اتلفت شفتهه واكفه يم الشجرة رحت يمهه ، بس قبل لا اوصلهه رفعت ايدهه بوجهي تمنعني من انو اوصل يمهه ،

كتلهه ودموعي ماليه عيني وبلهفه : لييش فرررح ، ليش تمنعيني والله كلبي طاك على حضنج ،

فرح وبنبرة زعل : ليش هيج تسوي ؟؟

فيصل باستغراب : شمسوي ؟؟

فرح : هذا كله وشمسوي ، شنو هاي شجاي تسوي بروحك ترة اني مو اول وحدة ولا اخر وحدة تموووت ، عبالك ترضيني بهاي تصرفاتك ، لا ترة تحرررگ كلبي اكثر

فيصل : فررح شجااي تحجين ، شمسويلج ،

فرح : مو الي مسوي شي شووف روحك شلون ضعفان شوف شكلك شصاير متغير كلش ، وانت عبالك هذا وفاء الي بس انت غلطان انت جاي تأذيني بهذا الحداد الي مسوي محد يمووت ورة احد وانت مموت روحك وراية ، ارجع لحياتك اتماشى وي الكل لا عبالك بس انت هيج كلهه متعذبة علمودك وهي تشوفك بهالحالة ، فانتبه لنفسك فيصل وحسن من تصرفاتك وانسااااني ، وعيييش وي زوجتك حياة عادية والله اني افرحلك لتفكر ماارضة عليك بالعكس ،

فيصل هسه جاي ارد عليهه واختفت ، ومنها وفزيت وبقيت افكر بكلامها بأنو أأذيها من ابجي ، وكلشي ولا هي تتأذة ، وتكلي عيش وي مرتك ، بس هذا الشي مستحيل يصير ، كمت اخذت ملابس من الكنتور ودخلت سبحت ، وطلعت نزلت لكيت ارييج كاعدة بس شافتني دنگت ، قرررت من هسه ابدي اضهر انو ماكو شي ، صحت عليها ما ردت عليه ، شففت الفرحة بعيوون اختهه من صحت عليهه ، هي التفتت على اختها ، رحت اني وكفت يمها هي بس شافتني كبل نزت ، لزمت ايدهه وكتلها يلا تعاي للسيارة وياي ، هي بقت تباوع عليه وفاتحه حلكهه بس طلعنه ردت اعووف ايدهه بس جامه سيارتي مضلله وعكستلي شباك غرفة نور وشفتهه تباوع استمريت وفتحتلهه الباب ، وبصراحة اجتني الضحكة على شكلها وهي مصدومة ، صعدت هي وسديت الباب وراهه ورحت صعدت اني ، باوعتلهه بعدهه تباوعلي ومصدومة ،

ضحكت وكتلها : هههههه شبيج مصدومة ، نور جانت تباوعلنا من الشبااك ،

اريج هسه يلا فتهمت كتله : اهاااااا ، واني اكول شكووو يربي شصاير بنظام الارض ،

فيصل : ههه لا ماكو شي بس لان نور واكفة وتباوع ،

اريج : اها ، اي مو اكول ، المهم شكو مو عساس كلت مستحيل تمثل كدامهم شصار هسه ،

فيصل ، من كالتلي هيج عدلت كعدتي لان جنت داير جسمي على جهتهه واحجي وياها واباوعلها ، حجييت بجدية : مواافق انو نمثل كدامهم بسسسس ، كدامهم بس يعني وراهه لا ،