#معاناه_انثى قاصر

البارت الثالث عشر 13

#معاناه_انثى_قاصر

#بقلمي_بتول_الكلابيه

#البارت_الثالث_عشر 13

لا بأس ان نتألم قليلا ً، الألم احياناً يعيدنا للطريق الصحيح ♥️🥀

منقول ☝

ضحى .... كعدت الصبح سويت ريوك الجسار عنده متحان  بس بقه بالي مشغول شبيه شنو الي خلاه يبجي معقوله احد ضربه  لو ابوه مزعله همين لا ابوه ميسويهة زين شبيه بقه بالي ياخذ ويودي
شفته اجه كعد اتريك بسكوت محجه اي شي او اخذ كتابه أو طلع نضفت البيت أو عزلته كعدت روان سويت ريوك أو اكلنه  سويه أو اخذت تلفوني تلعب بيه أو اني رحت خبزت أو سويت غده صار الضهر اجه جسار غير ملابسه أو طلع مدري وين اما احمد ماكو مدري وين اتصل بيه لو ميرد لو مغلق ولا يكول بيهم شي عدلين ميتين اوووف ياربي صبرني  لو ما جهالي اشرد وهج منه أو لا اخليه يعرف أثر الي صبيت غده اتغديت وي روان او جسار ماكو نشغل بالي عليه نامت روان او اني اخذت تلفون منهة دخلت للهانكوت لكيت البنات جايات أو ضاغطات على اسمي دخلت سلمت عليهم ماكو احد سويت مكالمه همين ماكو ايجوز يتغدآ هسه ساعه وحده أو نص الضهر
مر ساعه تقريبآ اجه جسار صبيتله غده اكل أو نام باجر آخر امتحان اله ان شاء الله
غسلت الماعين أو رحت تمددت يم روان البنات لسه محد بيهم بين ماعرف شوكت وشلون غفيت  كعدت على صوت جسار يحجي وي روان على النتيجه مالتهة فزيت بسرعه
ها ماما شكو 

جسار .... ماكو شي  بس طالعه النتائج اليوم المديره شافتني بشارع أو كالت خل تجي روان باجر تستلم

ضحى .... اي اتروح بس انته مسئلتهة ناجحه لو لا

جسار...... اي كالت كالت طالعه الاوله

روان .... هي هي نجحت نجحت ماما سويلي كيكه حبابه مو نجحت

ضحى .... كلش فرحت من عرفت بنتي ناجحه الف الحمد الله  
او من طالبتني بكيكه بقيت جامده بمكاني لان ماعندي اي شي يخصهة غير الزيت اذا اسويهة طحين الحصه متطلع طيبه

روان .... ها ماما اسويلي اني ضامه الف اجيب بيه ككو مخلي عليهة

ضحى .... ها اي اي اسويلج بس مو اليوم باجر

روان .... ليش اني اريد اليوم

جسار  ..... كافي مو كالتج باجر أو اني اجملج فلوس او جيبي كريمه جاهزه بدال الككو

روان..... صدك الله عليك تشترلي كيكه وصير مثل هاي مالت السوك الي اشوفهة بتلفون أو اكلنه منهة يم خاله ام هبه

جسار..... اي وتطلع اطيب بس اسكتي خوش

ضحى ..... خنكتني العبره اول مره احس جسار كلبه عليه أو على اخته احساس انو هوه يحبنه كلش فرحني محجيت شي بعد وي روان راحت تركض تلعب بيت بيوت وي بنات الجيران بالباب
او جسار طلع يركض بعد كلامهة يمكن مستحي ما عرف
رحت للمطبخ شبه فارغ مابيه اكل هس شسوي يا ربي الله لا يرضه عليك احمد
لبست عباتي أو رحت على ام هبه