لم ارد ان احبها (جزء اول)

الجزء الثالث عشر

#لم- ارد- ان- احبها
ساره   &   ننو
الجزء الثالث عشر
وقراءه ممتعه 😋✌

^°°°°°°°°°°°°°°°°^
امير سكتهن وراحن سئلني اذا تأذيت كتله...لا شكرا كلشي مابيه
كال..خليني اساعدج ادكومين
ماقبلت وحاولت اكوم لكن بصعوبه ورجلي ملتويه ما اكدر اوكف ردت اطيح امير كمش ايدي وثبتني اني وخرت ايدي بسرعه وكلت..كتلك لا تلمسني
وماكدرت اتوازن وطحت بالكاع مره ثانيه
كال..وشنو راح تستفادين من عنادج،
ودنگ عليه وكال بهمس..تره اني مو ميت عليج وعلى كمشه ايدج اني اساعدج لوجه الله تعالى.
ابتسم ومد ايده، ربي لا يعوزني الك يا فلاح الحقير المغرور اكرهك اكرهك.
ساعدني علمود اوكف وصلني لمكاني وراح واني حتى ما شكرته، باوعت لملابسي كلها تراب اووف يربي يعني مايصير يمر يوم على خير..
استغفر الله لا اعتراض على حكمك يربي...
خلصت المحاضره طلبت من مروه تساعدني اروح للمغاسل انضف ملابسي ولو  ما راح يرجعن نضيفات مثل الصبح بس على الاقل اوخر هذا التراب والله فشله..
غسلت ملابسي وخرت عنهن التراب بس اكيد مبين عليهن مدري شلونهن صارن مو حلوات...

احمد: بقيت الدوام كله افكر شنو الي مغير ملاك ومنو هذا الي كالت عليه السيد وسكتت ما رادتني اعرفه، واذا عرفته شنو راح يصير منو الشخص الي اذا حجه ويه ملاك تتنرفز..
معقوله امير، اذا تحجي ويه امير لازم اكو عركه او مصيبه صايره معقوله اكو شي صار واني ما ادري شنو الي صاير بين ملاك وامير واني ما اعرف، اذا هي جانت يم اهلها..اوف اوف عقلي راح ينفجر بسبب...
طلعت من التفكير مالتي على صوت الاستاذ يسألني وين وصلنه بالدرس واني اصلا ولا منتبه هسه شسوي بقيت صافن عليه ما اعرف شنو احجي وطردني،

عمي خفتنا وراحه اصلا خير ماعملت ان تطردني،طلعت من المحاضره وهم رجعت افكر بملاك لحد ما خلص الدوام وكلت خليني اروح لامير لان ماكو غيره حاجي ويه ملاك وهو دائما يكلي ابتعد عنها بس اني ما ابتعد عنها لان ملاك صديقتي واعز صديقه عندي ، فاكيد هو راح لملاك وهددها بشي علمود تبتعد عني..اوووف يا امير اتمنى تكون مو انت سبب ابتعاد ملاك عني اتمنى مو انت، لان لو انت اكيد راح يصير خلاف بينه واني احبك يخوي...

رحت لبيت عمي وسلمت على عمي..
ابو امير..هلا يبني وينك شو كاطع عنه هل فتره.
كتله..اعذرني يعمي بس تدري مشغول ودراسه..
وبقيت اتحجج ورحت صعدت فوك لغرفه امير لكيته كاعد وصافن بغير عالم وحتى ما انتبه لدخولي، اني كلت بصوت عالي..امير اذا ما تعوف ملاك تره اخرب وياك
انصدم امير من دخولي وعياطي وكف وكال..
امير..هاي شبيك ولك اثول اكو واحد هيج يبدي حجي لاسلام ولا كلام كبل ملاك يا ملاك.
كلت..امير اني مو صغير علمود ادكول عني اثول احترم هاي الشوراب اني رجال شكبرني وشكدني بس ادكول غبي لو اثول كافي.
امير..مو اكلك متغير هاي ملاك مغيرتك عني.
كلت..لا ملاك ماعليها بس انت المتغير يخوي شلون تسوي هيج بيه شلون تروح تحجي على ملاك علمود تبتعد عني.
امير..مو كتلك هاي مو خوش بنيه تريد تفرق بيناتنه وتخليك تكرهني.
كلت..لا اصلا هي ما كالت شي بس اني ادري بيك تكرهه لملاك وتريدني ابتعد عنها انت ليش تكرهه شمسويتلك عملمود تكرهه
امير..ما اكرهه ومنو اكلك اكرهه اني..
كلت..انتي شنو اذا ما تكرهه ليش تريد تبعدها عني.
امير..احمد كتلك ملاك عوفها وما اريدك تحجي وياها بعد..