الـحب الأعـمـى

الـبـارت 39

{ الحب الأعمي }

الحلقه 40

يوسف: صباح الخيير
انا: احم خيير
يوسف: كنك
انا: طلقني
يوسف: بحت فيا وعقد حواجبا وحسيتا انصدم . وقعد متنح فيا ومنصدم 
انا: صبيت ع زيانه نمشط في شعري
وقلت ليوسف طلقني ودايرا روحي عادي وانا من جو متعذبا ومنكسرا ومنخذلا في راجلي في حبيبي
يوسف: بعد لحظه من صمت ٠حياه شن قايلك ع كلمه هذي مش قايلك مية مره معش تنطقيها ع لسانك تي مش لعب راه هيا هذا جواز راه وكلمه هذي مش في كل مشكله واي حاجه اتقوليها كنك انتي
انا: نمشط في شعري ومش هامني كلام يوسف لان كذب كيفا كيف الكلام الي قبلا معش يأثر فيا

ماكني شي غير بس نبيك اطلقني
يوسف: عيط بصوت عالي
وحط فنجال ع طاوله

حياااااه انقولك ماعش تقوليها وتردي اتعودي فيها وعليش يعني
هذا كلا عشان رفعت اميره وجبتها بديري مشكله ماتقعديش عقلك اصغير خليني انفهمك شن صار وبعدها ازعلي
انا: التفتت عليه وعزقت مشط بالقوه ع سرير
ونحكي بصوت عالي نبيش نفهم شي
ونبيكش اتبررلي شي
انا شفت بعيوني وسمعت المره هذي
كذبك دسا لروحك اصلا انت مش مجبور اتبررلي
طلقنيي يايوسف  بس ممكن اطلقنيييي

يوسف: شن شفتي وشن سمعتي شن قولي شنوووو
انا: شفت راجلي شفت لهفتا وخوفا ع حبا القديم
شفت اهتماما الزايد ع حدا شفت كيف ماعبرنيش ولا دارلي اعتبار لدرجة مالحضتش وجودي من اول ماجبتها دايخا
وتقولي شن شفتي
تي انا شفت وسمعت بجد
انا عرفت روحي لعبه وفي يد من في يد واحد مغرور واناني كيفك انت

ومره وحده نزلن ادموعي وانهرت لان وجعتني روحي وجعني الضحك ولعب عليا

نحكي وانا نبكي
نادمه ع يوم الي انزفيتلك فيه ونادمه اني مراتك واني حبيتك ونادمه اكثر اني وثقت فيك
اساساً هذوما انتم الرجالا
كلكم كيف بعضكم كذابين وخينين
وانت كيفك كيف عبد الله خااااااين

ومانندريش الا ع كف جاني من يوسف

يوسف: وهو يفنص فيا ويحكي بصوت عالي  نحسابكش تافها للدرجه هذي وع سبت حاجه كيف هذي اتوصلينا لمشكله كبيره وتغلطي فيا وتشبهيني بواحد كيف هذا
ومازالتي تذكري فيه وانتي ع ذمتي
تي شن اتحقي فيا تيس بقروني قدااااامك

انا: ماهو قتلك طلقني  ياراجل وقلتها له بهزوأ

يوسف: يعيط . اقسم بالله العظيم طلاق ماني مطلقك
وكلامك هذا ندمك عليه ياحياه ومعاملا لكويسا انتي تمشيش معاك
تو تشوفي يوسف الجديد وتو نوريك من الراجل
انا: ماتهددنيش فاهم ماتهددنيش
وطلاق حطلقني يايوسف غصبن عنك
يوسف: احلمي به الطلاق ياحياااه

وطلع يوسف من دار وسمعت باب الشقه انطبق بالقوه

انا: انهرت قعمزت ع ارض وبكيت بأعلا صوتي عيطت
صبيت عزقت الطاوله وطيحت الي ع زينا كلا وعزقت الورغان والامخاد
كسرت حتي المرايا
عزقت دبشي الي في دولاب طلعتا كلا
حوست الدار
فشيت غلي فيها قلبتها كلها ع بعضها 
وقعمزت نبكي ع حظي نبكي ع حبي الي خسرتا ومافرحتش به نبكي ع الي بيجيني نبكي ع ضعفي وكسرتي
لو كان عندي خوت كويسين وبات يخاف عليا وحنون عليا راه لميت روحي
وروحت بكرامتي وانا عارفا ان حيحموني حيأخذولي حقي من يوسف
بس عارفا روحي مكسوره عندي خوت بس كيف قلتهم عندي بات بس نوعيتا سلبي وقاسي مش حنون
عارفا روحي مكسورة الجناح ينقعد تحت رحمة يوسف وذل والاهانه يا نروح لجحيم خوتي الي انجيهم مطلقا حيكسرو خشمي ويردوني ليوسف غصبن عني
بكيت ع دنيا الي تحرم فيا من كل شي
حرمتني من امي من قلب حنون يحبني يعطف عليا من قلب يخاف عليا ويحميني
من قلب يوسيني ويهون الي فيا
خذتها من قبل حتي مانشوفها
حرمتني من بات يكون سند وعون ليا ويكون عازتي في وقت شدتي ويكون ملجأي وقت ضيقتي
حتي لما عطتني راجل يعوضني فرحتني به شهر لما قلت هذا يعوضني ع كل شي ويكون كل شي ليا
خذاتا مني صدمتني فيه
لافرحتني لابحبا لابحنانه لابعطفا لابرومانسيتا لابشي
طلع حلم واوهام مني انا كنت نحسابا يحبني بس طلع يداوا بيا يداوي في بيعت حبيبتا له بيا انا يداوي في كسرت قلبا بيا بيش ينساها
ولما شفاء من اجروحا جرحني وانا من بيداويني من يهما جرحي
صفيت بروحي لابأم لا بات لابخوت ولابحبيب
وردت حياه كيف ماكانت
صدمه في جرتها صدمه وكسرا في جرت كسرا
ردت بقلب مكسور اوعر من كسرا الاوله ردت بجرح اكبر من جرح الخيانه
وهذي غلطتي سلمت قلبي لراجل مغرور راجل عندا حب قديم مازال مسيطر عليه ومازال يشوف فيه بعيونا
سلمتا قلبي لان انا حبيتا بجد وانسيت بس هو كيف بينسا وهو الي يحبا قداما ويشوف فيه شبه يوميين