اعشقها و لكن....

الفصل الخامس و العشرون

مليكه بصتله بشراسه و مردتش و قامت من على السرير بس اول لما وقفت داخت و كانت هتقع بس فهد لحقها و شدها لحضنه
فهد  بقلق : ملكتى انتِ كويسه .. ليه قومتى عايزه ايه و انا اعملهولك
مليكه بتعب : ابعد يا فهد انا مش بكلمك
فهد  : ممكن ناجل الكلام ده دلوقتى انتِ تعبانه ...كنتى عايزه ايه
مليكه بتعب فهى عملت مجود كبير فى الكلام : عايزه اروح الاوضه بتاعتنا
فهد : من عنيه يا ملكتى
و شالها و هى حطت دماغها على صدره و مسكت فى القميص بتاعه ابتسم على برائتها برغم حزنها منه ولكن هى بتدور على الامان فى حضنه و خدها على الاوضه و حطها على السرير و قعد قدامها....
فهد : انا عارف انك زعلانه بس
مليكه بتعب : مبسش يا فهد دي مامتك و لازم تسامحها و بعدين كلنا بنغلط
فهد : بس برده كدبت عليا
مليكه : طب ما انت كدبت عليا معنى كده انى المفروض مسامحكش
فهد : لا احنا وضعنا مختلف
مليكه : لا كله كدب الكدب مفيش فيه اوضاع و بعدين انت كان ممكن تقعد معاها و تتكلم
فهد :ما انا اتكلمت و عرفت الحقيقه
مليكه : و ايه هى
فهد حكالها على الحوار اللى حصل بينه و بين مامته
مليكه بغضب : يعنى عرفت انها مظلومه و غصب عنها و كمان مش عايز تسامحها يعنى مش حرام اللى حصل فيها لا كمان انت جى تكمل عليها
فهد بعصبيه : مليكه ملكيش دعوه بالموضوع ده و كمان ارتاحى انتِ لسه تعبانه
مليكه بحزن : ارتاح ازاى و انا شايفاك بتعامل مامتك كده دي اختارت انها تدمر حياتها و تسيب حب حياتها علشانك و انت مش مقدر ده ....سامحها يا فهد و حاول تديها فرصه تانيه
فهد اتنهد : محدش حاسس بالى انا حاسس بيه ...انا كنت طفل شايف كل اصحابى معاهم امهاتهم الا انا كان صعب عليا اعيش من غيرها مكنتش موجوده فى اكتر وقت كنت محتاجها
مليكه حضنته : يا حبيبى حاول تسامح دخل النور لقلبك و سامح ...انسى
فهد : ماشى يا مليكه هحاول ارتاحى انتِ بس
مليكه بتحاول تغير الموضوع: طب تعالا  انا عايزه اقعد  فى حضنك
فهد ابتسم : من عنيه يا قلبى
خادها فى حضنه و هى قاعده على السرير و كانت حضناه جامد و بتدعى انه قلبه يحن على مامته و هو كان حاضنها بتملك و خوف و عشق
____________________________________
عند فرحه عمر كلمها …
عمر : حبيبتى
فرحه : ايه يا حبيبى
عمر : خلصتى لبس ولا لسه
فرحه : اه خلصت انت فين
عمر : خلاص انا دقيقتين و اكون عندك
فرحه : خلاص يبقى اكلم لينا و رنا لحد ما تيجى اشوفهم فين
عمر : ماشى يا قلبى
فرحه قفلت معاه و كلمت لينا و رنا  فى مكالمه جماعيه ...
فرحه : ايه فينكوا كده
لينا : انا خلصت لبس و مصطفى كلمنى و قالى انه هيجى يوصلنى
فرحه بمكر : امممم مصطفى قولتيلى
لينا بتوتر : اه ... يعنى ...هو اللى كلمني
فرحه : ههههه ماشى يا ستى
رنا : كده و انا هروح لوحدي يا كلاب
لينا : طب تعالى معايا
رنا : لا خلاص هاجى لوحدى
لينا بخبث : طب ما تكلمى كريم و تروحى معاه
رنا بنرفزه : بطلى رخامه لا انا هاجى لوحدى
فرحه : خلاص نتقابل هناك
لينا و رنا : تمام
____________________________________
فى القصر ...
فهد شال مليكه و نزلها لانها لسه مش قادره تمشى ...
كارما : حبيبتى حاسه بايه احسن
مليكه بابتسامه : الحمد الله احسن يا روحى ....نور عامله ايه انتِ و مروان
نور : الحمد الله و الله لما عرف كان عايز يجى يشوفك
مليكه : لا خليه ميتعبش نفسه انا الحمد الله بقيت كويسه
عز : حبيبتى احنا هنمشى دلوقتي محتاجه حاجه
مليكه : ما تخليكوا شويه
عز : معلش يا حبيبتى علشان منتاخرش و مامتك هتيجيلك بكرا انشاء الله
مليكه : ماشى يا حبيبى
و مشيوا ....
فهد : حبيبتى تحبى تاكلى انتِ مكلتيش
مليكه : لا يا حبيبى مش قادره
كارما : بس انتِ لازم تاكلى اى حاجه
مايا : ايوه يا حبيبتى لازم علشان تقدرى تقفى كلى حاجه بسيطه
مليكه : خلاص ماشى بس شويه كده
فهد : ماشى يا قلبى
و باس ايدها و سليم مسك ايد كارما و باسها
سليم بمشاكسه : اشمعنا هما عمالين يحبوا فى بعض و احنا لا
كارما : هههههه و الله مجنون
سليم : مجنون بيكى يا قلبى
محمد بضحك : لاحظ اننا لسه موجودين و دي لسه خطيبتك
عدى : هههههه ده فاضله تكه و يحب على نفسه
سليم : و الله حرام عايز اتجوز يا خلق بقى حرام عليكوا
مليكه : صح طب ما تقدموا الفرح شويه
سليم : قوليلها و النبى يا مليكه
مليكه بفرحه : ايوه يا كارما حرام عليكى سليم و بعدين انا عايزه فرح بقى
كارما بكسوف : ماشى بس نقول لبابا
سليم بفرحه : ده انا اكلم بابا و ماما و العالم كله لو عايزه
مليكه بفرحه : مبروك ....تعالى احضنينى لانى مش قادره اقوم
كارما جريت عليها و حضنتها : حبيبتى يا مليكه
فهد قام حضن سليم و باركله بفرحه و بارك لكارما
الكل هناهم و الكل كان مبسوط
مليكه : عد الجمايل يا سليم بقى ههههه
سليم بضحك : والله لولا انى خايف من ابو لهب اللى جنبك ده انا كنت قومت حضنتك على المعجزه اللى عملتيها
عدى بضحك : الله يرحمك يا سليم
محمد : ههههه ده فهد هياكلوا
مايا بهمس : هو فهد وشه احمر ليه
كارما بهمس : هتعرفى دلوقتى ده فى مجزره هتحصل
مليكه بتحاول تكتم ضحكتها
فهد بعصبيه : تحضن مين يا حيوان انت
سليم بيحاول يهديه : اهدى بس هفهمك
فهد بنرفزه و غيره قام مسكه من اللياقه : لولا انك متصاب كان زمانى واكلك ...عارف لو سمعتك بتقول كده تانى هعمل ايه
سليم بضحك : اهدى يا كينج ....يا عم حضن اخوى انت ليه نيتك وحشه كده
فهد بغيره اكبر : برضو يقولى حضن يلا هموتك  فى ايدى
سليم بضحك : مليكه الحقينى هموت شهيد قبل ما اتجوز
كارما بضحك : احسن علشان تبقى تحترم نفسك
مليكه بتحاول متضحكش : خلاص يا فهد متتعصبش
فهد بغيظ : انتِ تسكتى خالص
مليكه بابتسامه : خلاص يا حبيبى علشان خاطرى طب تعالى بس
فهد زق سليم و راح ليها
سليم بتمثيل : احدا احد ..... دكتورتى وحشتينى ده انا قولت مش هشوفك تانى
كارما : هههههه و الله هموت من الضحك  هههههه
فهد قاعد غيران و متعصب
مليكه ضحكت و حضنته : حبيبى اهدى
فهد بغيظ : و انتِ بطلى ضحك خالص
محمد : هههههه الحمد الله يا سليم طلعت عايش
مايا لمحمد بهمس لانها مش عايزه تضايق فهد بوجودها
مايا بهمس : ده واضح انه بيحبها اوى و بيغير عليها جدا
محمد بهمس : ده بيعشقها ميستحملش حد يقول عليها حاجه زى ما انتِ شايفه و هى و سليم دايما بيضايقوه كده و يناكفوا فيه
مايا بحب : ربنا يسعدهم و يخليهم لبعض
محمد : و يخليكى لينا
مايا ابتسمت له ....
محمد و مايا قاموا علشان يناموا و عدى كمان قام ..
بعد فتره اتقابل عمر و فرحه و مصطفى ولينا و كريم و رنا  بره و دخلوا مع بعض ....
البنات راحوا سلموا على كارما و مليكه و حضنوها و كان باين عليهم الخوف بجد ...
مليكه بابتسامه : متخافوش انا الحمد الله احسن بكتير و شكرا على تعبكوا
لينا : تعب ايه بس يا هبله
فرحه : هو احنا عندنا اغلى منك و من كارما
الشباب سلموا عليهم ...
مصطفى : احكيلى بقى يا مليكه انتِ و كارما اللى حصل بالحرف لحسن انا الفضول هيقتلنى و متشوق اوى ههههه
سليم : انت ليه محسسنى انهم كانوا فى فيلم اكشن ههههه
كريم : هههههه و انهى اكشن
مليكه و كارما حكوا كل اللى حصل بس مليكه كانت بتحاول تتكلم قليل لانها لسه تعبانه
مليكه : بس اللى مش فهمه ازاى يا فهد عرفت المكان و جيت
فهد ابتسم : فاكره السلسله اللى جبتهالك قبل الفرح
مليكه : اه دي وقعت منى لما الحيوان ده ضربنى
فهد اتعصب مجرد انه افتكر ان حد قربلها
فهد بحزن : انا اسف يا روحى انى مقدرتش احميكى
مليكه حطت ايدها على وشه بحنان : حبيبى متقولش كده ده كان غصب عنك و بعدين اهم حاجه عندى انك بخير
فهد باس ايدها : حبيبتى ربنا يخليكى ليا
سليم بتمثيل  : ننزل يا شباب بالكمنجات ههههه
كلهم : تيرا رارارااااااا
فهد بصله بغيظ : ناس رخمه  و بعدين ده انت واخد رصاصه مش تتهد
كلهم ضحكوا ...
سليم بغيظ : ما انتوا مش مراعيين انكوا الواحدين اللى متجوزين فى القعده دي و الباقى لسه مستنى الفرج ولا ايه يا دكتورتى
كارما بضحك : يا حبيبى بصراحه انت صعبت عليا فشوف انت هتحدد الفرح امتى هههه
سليم نط بسرعه و قعد جنبها : بجد و النبى
كارما : ههههه يا مجنون الجرح يفتح
سليم : مش مهم المهم اننا هنتجوز خلاص يبقى اول الشهر الجديد ايه رأيك
كارما : ههههه بتهزر ده فاضل اقل من شهر
سليم : يا قلبى انا هساعدك فى كل حاجه و بعدين مليكه و  البنات معاكى ولا ايه يا مليكه
مليكه بفرحه : طبعا معاها وافقى بقى
البنات : وافقى يلا
كارما بفرحه : موافقه بس كلم بابا و قوله و شوف هيقول ايه
سليم بفرحه : اخيرااااااا يعنى بعد تلت اسابيع هتبقى معايا و فى حضنى
كارما اتكسفت : سليم لم نفسك
سليم : ههههه ده بعدك يا دكتورتى
عمر : ههههه بس انا هسبقك احنا كنا هنأجل الفرح لكن بما ان مليكه فاقت الحمد الله خلاص الفرح زى ما هو الاسبوع اللى جى
مليكه بفرحه : مبروك يا حبيبى
كارما  بفرحه : الله يبارك فيكى يا روحى
فرحه بفرحه : الله يبارك فيكى يا  موكا
فهد بابتسامه فرح : مبروك يا صاحبى
سليم بابتسامه و حضنه : الله يبارك فيك يا كينج
فهد بابتسامه : مبروك يا عمر
عمر حضنه : الله يبارك فيك يا فهد
فهد : ايه يا كريم انت و مصطفى مش ناويين تحصلونا ولا ايه ههههه
مصطفي:  و الله انا على اتم الاستعداد بس هى توافق
و غمز للينا ولينا اتكسفت و مردتش
سليم : و انت يا كريم ايه مش ناوى
كريم بمكر : لا تقريبا لسه شويه
رنا فى سرها : الله يحرقك يا كريم يا ابن ام كريم ايه يارب الحظ ده يوم ما احب احب واحد لاغى قلبه
قعدوا شويه يهزروا ....و بعد فتره عمر خد فرحه   روحها و مصطفى خد لينا و كريم كان عايز يوصل رنا بس هى رفضت و صممت تمشى بتاكسى لانها مضايقه منه ...
و كارما سندت سليم لحد الاوضه علشان تديله العلاج و تغيرله على الجرح و بعد كده تمشى
و فهد شال مليكه و طلعها الاوضه علشان ترتاح ....
____________________________________
فى عربيه عمر .....
عمر بفرحه : مبسوط ان الفرح مش هيتأجل
فرحه بابتسامه : و انا و مبسوطه كمان علشان مليكه و كارما بخير
عمر : الحمد الله مليكه و هى فى اوضه العمليات قطعت النفس و كارما اول لما شافتها كده انهارت دي معجزه ان هى فاقت الحمد الله
فرحه : اه الحمد الله
عمر : كده قولى لباباكى ان معاد الفرح ذى ما هو و عايزك تخلصى كل حاجه بسرعه بقى يا حبيبتى
فرحه بابتسامه  : حاضر يا حبيبى
و و صلها لحد البيت ....
____________________________________
فى عربيه مصطفى ...
مصطفى  : بقول هو انتِ مش بتغيرى
لينا باستفهام : اغير ....من ايه ....و من مين
مصطفى بغيظ : من صحابك اللى بيتجوزوا مش عايزه تعملى زيهم ولا ايه و زى حلم اى بنت تلبسى الفستان الابيض و زفه و كوشه و فرح و عريس و الحاجات الحلوه دي
لينا بابتسامه : اكيد طبعا نفسى
مصطفى بفرحه : طب مستنيه ايه بقى
لينا باستعباط : مستنيه ابن الحلال يجى يتقدم
مصطفى وقف العربيه فجاه و بعصبيه: نعم ياختى مستنيه مين امال الشحط اللى قاعد قدامك ده ايه و بعدين هو فى حد ممكن يبصلك و الله ده انا كنت موته انتِ حبيبتى انا و هتبقى مراتى انا
لينا ضحكت جامد : لو تشوف شكلك دلوقتى ههههههه
مصطفى بغيظ : متضحكيش لحسن اولع فيكى
لينا بتحاول تسيطر على ضحكها : هههه بجد انت فعلا بتحبنى و لا لسه معجب بشخصيتى
مصطفى :لينا انا فعلا حبيتك و الله حبيتك انا فعلا عرفت بنات كتير قبلك بس و الله انت اول واحده تدخل قلبى و احبها و نفسى تحبينى زى ما انا بحبك
لينا بابتسامه : طب ما انا بحبك
مصطفى بزهول : نعم ... انتِ بتقولى ايه
لينا بحب : بقولك بحبكككككك
مصطفى بفرحه باس ايدها : يعنى انا ابن الحلال اللى مستنيه انه يجى يتقدم
لينا : هههههه اه
مصطفى : بحبك و بموت فيكى
لينا : بحبك
و وصلها لحد البيت و هما الاتنين كانوا مبسوطين اوى
____________________________________
عند كريم كان طول الطريق بيفكر فى رنا ومضايق انها مشيت لوحدها و مرضتش تركب معاه ...
و هى طول الطريق كانت مضايقه انه مش حاسس بيها و بحبها ....
____________________________________
عند كارما و سليم .....
كارما قعدته على السرير و ادته الدوا و بدأت تغيره على الجرح و هو عمال يضايق فيها و يقرب منها و هى بتحاول متبصش
كارما بحده مزيفه : سليم بطل بقى مش عارفه اغيرلك على الجرح
سليم : طب ما تسيبك ومن الجرح و خليكى مع صاحب الجرح
كارما داست على الجرح : ههههه اتلم
سليم بالم : اههههه كده
كارما  : هههههه علشان تحرم و تبقى تقعد عدل
سليم : ماشى يا دكتورتى كلها ايام و اخد حقى منك بس بزمتك مش كنتى هتموتى عليا لما كنت فى العمليات
كارما بصت فى عينه بحزن : اه ده انا كنت هموت بجد خوفت اوى يا سليم و انت بين ايديا و مش عارفه انقذك اتمنيت اكون مكانك ولا انى أشوفك كده
سليم خادها فى حضنه متجاهل الوجع : اوعى تقولى كده تانى انا مقدرش اشوفك بتتوجعى انتِ حياتى ....حبيبتى اللى قلبى عايش علشانها ....
كارما بصتله بحب : بحبك يا سولى و مقدرش استغنى عنك
سليم اتنهد بعدم صبر : اتصلى بباباكى و اخوكى دلوقتى
كارما باستغراب : ليه
سليم بجنون و حب : علشان انا هتجوزك دلوقتي و مش هستنى اول الشهر لانى مش هستنه اكتر من كده
كارما : هههههه اعقل يا سولى
سليم : اعقل ازاى و انتِ بين ايدى و بتقولى يا سولى
كارما بعدت : ههههههه خلاص سكت اهو
و خلصت تغير على الجرح و سليم كلم جاسر يوصلها لحد البيت لانه مش هيأمن عليها مع اى حد
____________________________________
عند فهد و مليكه ....
فهد حط مليكه على السرير بالراحه ...
فهد بحب :حياتى مرتاحه كده ولا لا
مليكه بابتسامه : مرتاحه طول ما انت جانبى
فهد قعد قدامها و باس ايدها بحب : بموت فيكى ...كنت هموت من غيرك
مليكه حطت ايدها على شفايفه : هشششش متقولش كده تانى بعد الشر عليك يا قلبى
فهد بعد ايدها و قرب عليها و باسها بحب و شوق : بحبك يا اجمل ما فى حياتى ....بعشقك يا ملكت قلبى .....انتِ قلبى و روحى ....حياتى كلها انتِ ....
مليكه ابتسمت بحب و هى سانده جبينها على جبينه : و انا بعشقك يا روحى .....انت عشقى يا فهد ...مش انت على طول بتقولى ملكتى النهارده انا بقولك انك الملك بتاعى انت حبيبى و انت فهدى اللى مقدرش اكمل حياتى من غيره ....بموت فيك يا فهدى
فهد اتجنن من كلامها و قرب تانى و قبلها بعشق و جنون و حب قبلها و كانه عايز ينسى انها كان ممكن تضيع منه و هى كانت بتبادله حبه و عشقه و هى كانت عايزه تنسى انها كان ممكن متشوفهوش تانى و طول الليل كانوا الاتنين بيحاولوا ينسوا اللى مر بيهم و يفتكروا عشقهم و بس
____________________________________
فى الصباح ....
عند فرحه صحيت على مكالمه من رنا ...
رنا : صباح الخير على عروستنااااا
فرحه : حبيبتى صباح النور
رنا : هنروح  النهارده نجيب الحاجه اللى ناقصه ليكى
فرحه : اه ننزل النهارده المول
رنا : خلاص انا هكلم الباقى و نتقابل
فرحه : تمام
و اتصلت رنا على كارما ولينا و كارما قالتلها انها هتقول لمليكه
____________________________________
عند كارما ...
صحيت و كلمت مليكه ...
كارما : صحيتى ولا لسه
مليكه بنوم : لسه هى الساعه كام
كارما : قومى يا هانم الساعه ١٢ و انا اللى قولت فهد عدلك بس زى ما انتِ
مليكه بصدمه : ايه ١٢ ازاى و فهدد....
بصت لقت فهد لسه نايم هو كمان
كارما بمكر : واضح ان فهد ملوش مزاج ينزل الشغل يا قمر
مليكه : يا رخمه هههههه ده بس تلاقيه منمش بقاله كام يوم
كارما : ههههههه ماشي هصدقك ....يلا بقى اصحى و كلمينى علشان نروح مع  فرحه تجيب الحاجه اللى نقصاها و انا كمان اجيب حاجات
مليكه : ماشى هجهز و هكلمك .... مش انتِ هتيجى علشان سليم
كارما : اه جيه اهو
مليكه : تمام لحد ما تيجى اكون جهزت
كارما : تمام
قفلت مع مليكه و لبست علشان تروح لسليم ....
____________________________________
عند مليكه بصت لقت فهد لسه نايم و حضنها ....ابتسمت
مليكه : فهد اصحى انت اتأخرت اوى على الشغل
فهد فتح عينه بابتسامه : صباح الحلويات
مليكه : ههههههه صباح الخير يا قلبى ....يلا انت اتأخرت على الشركه
فهد : لا ما انا مش هروح النهارده و هقعد مع روحى انا لسه مشبعتش منك
مليكه : ولا انا يا روحى ...بس ....
فهد اتعدل و ببصه استفهام : بس ايه ….
مليكه : انا لازم اروح مع البنات المول يجيبوا حاجات
فهد : مممممم و انتِ متوقعه انى اوافق انك تخرجى لوحدك تانى
مليكه باسته من خده و بنبره استعطاف : علشان خاطرى يا فهدى و هخلى بالى من نفسى
فهد : موافق بس اجى معاكى علشان مش هسيبك لوحدك
مليكه : لا طبعا مينفعش
فهد باستغراب : ليه
مليكه :علشان .....علشان مينفعش احنا بنات و كده يعنى
فهد بمكر : امممممم فهمت ...ماشى بس جاسر و الحرس  هيبقوا معاكوا
مليكه بفرحه : ماشى يا روحى
فهد بخبث : طب ايه مفيش مكافأه ولا ايه
حبببه بعدم فهد : مكأفاه ايه
فهد شدها ليه و باسها : ده يا روحى المكافأه بتاعتى
مليكه ابتسمت و ضربته على كتفه : طب بطل بقى و ابعد عايزه  اخد شاور و البس لحد ما كارما تيجى
فهد ضحك : ماشى يا قطتى
دخلت و خدت شاور و خرجت لبست و فهد دخل خد شاور و خلصوا و نزلوا
____________________________________
كارما وصلت و سالت على سليم لقته لسه نايم دخلت تصحيه ....
دخلت و فتحت الستاره و دخل الضوء اللى ازعج سليم ..
سليم بنوم و زعيق و هو بيحط المخده على وشه  : يا بهايم اقفلوا الستاره  و اخرجوا بره مش عارف انام
كارما راح جنبه و شدت المخده : حتى انا بره
سليم فتح عين واحده و بص لقاها كارما ابتسم : حياتى هو انا بحلم حلم جميل ولا انتِ فعلا هنا
كارما ضحكت : لا انا هنا بجد و قوم بقى بطل كسل علشان اغيرلك على الجرح و تاخد الدوا علشان امشى
سليم شد كارما من ايدها وقعت فى حضنه على السرير ..
كارما بصدمه : سليم ايه اللى انت عملته ده
سليم بمكر و هو حاضنها : ايه يا قلبى مش لازم اصبح عليكى بطريقتى
كارما : و الله و ايه هى طريقتك و بعدين مش انت كنت لسه بتقول ....
و قلدت صوته و طريقته : يا بهايم اقفلوا الستاره و اخرجوا بره مش عارف انام
سليم ضحك على تقليدها : اولا انا كنت فاكر انه حد من الخدمين و بعدين هو انا كنت حلو كده
كارما اتكسفت و بصت عليه لاحظت انه من غير تى شيرت صرخت و قامت
سليم اتفزع : فى ايه يا مجنونه
كارما بتوتر و هى بتدارى وشها : انت مش لابس تى شيرت
سليم بغيظ : يعنى قطعتيلى الخلف علشان مش لابس تى شيرت اعمل فيكى ايه اولع فيكى
كارما بصتله : و اهون عليك
سليم خبط وشه بإيده بنفاذ صبر : يارب صبرنى و الله يا بنتى انا ما مستحمل الدلع ده اخطفك و اتجوزك علشان ترتاحى
كارما بتحاول تكتم ضحكتها : لا خلاص ممكن بقى اغيرلك على الجرح علشان اشوف مليكه بقى علشان نمشى
سليم : هتروحوا فين
كارما : راحين المول كلنا نجيب حاجات
سليم : طب ما اجى معاكوا و اكسبى فيه ثواب بقالنا كتير مخرجناش
كارما : مش هينفع يا روحى علشان البنات معانا و كده و بعدين انت لسه تعبان
سليم : انا زى الفل اهو و بعدين باخد المسكن و ببقى تمام
كارما : خلاص ايه رأيك اخلص معاهم و اجى مع مليكه و اقعد معاك شويه لانك مينفعش تخرج النهارده خالص
سليم : ماشى يا قلبى
كارما : يلا اغيرلك على الجرح
____________________________________
نزلوا  فرحه و رنا ولينا راحوا على المول يستنوا مليكه و كارما هناك ...
____________________________________
نزل فهد و مليكه كانت مايا قاعده على السفره ....
مليكه : صباح الخير
مايا : صباح النور يا حبيبتى صباح النور يا حبيبى
فهد مردش و مليكه ضربته فى دراعه براحه
فهد بتأفف : صباح النور
فهد : هو بابا و عمو فين
مايا : راحوا الشركه لانهم قالوا انكوا محتاجين ترتاحوا شويه
مايا بابتسامه : بس ايه اللى نزلك يا حبيبتى كنتى ارتاحى فوق شويه انتِ لسه  تعبانه
مليكه : انا الحمد الله احسن و كمان هروح مع البنات نجيب حاجات علشان فرح كارما و سليم و فرحه   صحبتى
مايا : اهم حاجه تخلى بالك من نفسك
مليكه : من عنيا ...تيجى معانا
مايا : انا ...لا مش هينفع انتو بنات شباب مع بعض اجى انا اعمل ايه
مليكه بابتسامه : و الله يا طنط حضرتك شكلك اصغر مننا ده كفايه عيونك الرمادى
مايا بابتسامه تعب : و الله انتِ اللى عيونك حلوه
مليكه : مالك يا طنط حضرتك تعبانه
مايا : لا يا حبيبتى مفيش حاجه انا كويسه
فهد بقلق حاول يخفيه : انتِ تعبانه اطلبلك الدكتور
مايا فرحت لاهتمام فهد : لا يا حبيبى انا الحمد الله كويسه متقلقش
مليكه ابتسمت على فعل فهد ....
فى اللحظه ده سليم و كارما دخلوا ....
سليم : صباح الخير على الناس الحلوه
الكل : صباح النور
قعد كارما و مليكه جنب بعض و فهد و سليم جنب بعض و مايا كانت على رأس السفره خلصت اكل وطلعت اوضتها علشان متضايقش فهد
سليم بهمس لفهد : انت هاتسيبهم يروحوا لوحدهم المول و ممكن حد يضايقهم
فههد ابتسم بخبث : انت متوقع انى هسمح بكده
سليم بضحك : هتعمل ايه يا كينج
فهد بمكر : استنه و اتعلم اهم حاجه عطل كارما شويه
مليكه لفهد : حبيبى احنا هنمشى دلوقتي 
فهد : ماشى يا روحى
كارما هى و مليكه استغربوا انهم وافقوا على طول اول لما وصلوا عند الباب الخدامه فتحت الباب لقت رنا ولينا و     فرحه واقفين
مليكه و كارما بصوا لبعض و بصوا للى وقفين على الباب
لينا : احنا فضلنا مستنين فى المول و بعد كده لقينا حد من الحرس بتوع فهد بيقول ان فهد بعته يجيبنا و اننا لازم نروح معاه
مليكه بابتسامه و بصت لفهد : كنت عارفه انك مش هتعديها بس افهم ايه اللى بيحصل
فهد ابتسم لانها فهمت هو عمل ايه راح عندهم هو و سليم
فهد : بصى يا قطتى كده و انتِ هتفهمى كل حاجه
بصت على الباب لقت فى ناس داخله و شايلين حاجات كتير
كلهم بصوا بعدم فهد
مليكه  بصت لفهد بشك و بغيظ : فهد اوعى يكون اللى فى دماغى صح
فهد بابتسامه ثقه : حبيبتى دايما فهمانى
مليكه خبطت وشها بنفاذ صبر و ابتسمت على عمايل فهد
كارما : ممكن بقى نفهم
سليم : و الله يا دكتورتى انا كمان مش فاههم
مليكه بابتسامه : طب تعالوا نقعد و هفهمكوا و دخلوا كلهم قعدوا
سليم : ها فهمونا بقى
مليكه بابتسامه : بصوا ...فاكره يا كارما ساعت الفرح لما حبينا نروح المول فهد بيه و سليم بيه عملوا ايه
كارما بضحك : اه فضوا المول كله
لينا : بتهزرى
مليكه بضحك : و الله ده اللى حصل
فرحه : و بعدين
مليكه بصت لفهد : طبعا المره ده انا استغرب انه وافق اروح معاكوا عادى و سليم معتردش على مرواح كارما فكان الموضوع فيه أنا و طبعا فهد مكنش ينفع يفضى المول تانى لانه عارف اننا هنعترض
فهد : اه و علشان كده جبتلكوا المول لحد عندكوا
سليم : الله عليك يا فهد يا جامد
لينا و فرحه و رنا قاعدين مش مصدقين من الصدمه
فهد : كده هتبقى قدامى و هتجيبى كل اللى نفسك فيه
مليكه : هههههه و الله انت مجنون فى حد عاقل يعمل كده
سليم : بس الحركه فى الجون بصراحه و برده دكتورتى تبقى معايا
كارما : هههههه و الله على رأيك يا مليكه مجانين
فهد و سليم بصوا لبعض و ضحكوا بثقه .....
فهد كان امر انهم يظبطوا الجنينه و الحاجه كلها اتحطت هناك و البنات اختاروا كل حاجه نفسهم فيها و لكن طبعا مليكه و كارما مجبوش فساتين اللى هيحضروا بيها فرح     فرحه ولا لفرح كارما لان فهد و لسليم اتفقوا ان فساتهم تتعمل مخصوص بره ....
و قضى اليوم و مشى رنا و  فرحه ولينا و كارما قعدت معاهم .....
مليكه : هتقضوا شهر العسل فين
سليم : المكان اللى دكتورتى نفسها فيه
كارما بفرحه : اى مكان يا قلبى المهم يبقى معاك
فهد : ههههه واضح انهم هيفضلوا يتعازموا لحد ما مش هيروحوا فى حته
سليم : هههههه لا يا رخم .....انا بفكر نروح على باريس و بعد كده على الملديف ايه رأيك يا روحى
كارما بفرحه : بجد الله ربنا يخليك ليا
سليم : و يخليكى ليا .....صح يا فهد ما تيجى معانا انت و مليكه انتوا مطلعتوش شهر عسل
كارما : اه ياريت
فهد بص لمليكه بابتسامه حب : لا انا ناوى اخطف حبيبتى و عاملها مفاجأة تجنن
مليكه بفرحه : بجد يا فهد فين
فهد  : تؤتؤ خليها مفاجأة
مليكه : كده يا فهد علشان خاطرى
فهد : لا كله الا المر دي مش هقول
حبيببه بغيظ : ماشى يا فهد
فهد : عقل فهد
و قعدوا فتره يهزروا و يضحكوا و بعد شويه سليم امر جاسر يوصل كارما بعد ما غيرتله على الجرح و ادته الدوا و فعلا جاسر وصلها و مليكه و فهد طلعوا ناموا
__________________________________
عدى الاسبوع و كان فهد طول الاسبوع رافض نزول مليكه الشركه خالص علشان ترتاح و كمان هي بتجهز مع     فرحه و البنات للفرح و كمان عشقهم لبعض كل يوم بيزيد عن اللى قبله و فهد كان بيساعد مليكه فى دراستها للدكتوراه لان المناقشه قربت و كانت معادها بعد فرح كارما و سليم بشهر و سليم خف و بقى كويس و علاقته هو كارما بقت احسن من الاول و بتتطور اكتر و مصطفى و لينا اتفقوا انهم هيعملوا الخطوبه بعد فرح سليم و كارما و عمر و  فرحه  و كريم كان طول الوقت بيفكر فى رنا و تغيرها معاه لدرجه انها مبقتش تكلمه لما تشوفه و رنا قررت انها تحاول تبعد و تنسى حبها اللى هى شيفاه من طرف واحد و نور و مروان علاقتهم بقت اقوى و لكن كان تركزهم فى المزاكره لانهم فى الامتحانات .
و جه يوم فرح عمر و فرحه   ....
لينا و رنا و فرحه صحيوا و راحوا البيوتى سنتر ...
___________________________________
عند كارما ....
صحيت و كلمت مليكه و قالتلها انها هتستناها فى البيوتى سنتر و قفلت معاها و لقت سليم بيكلمها و بيقلها انه تحت و معاه الفستان لانه رفض يديهولها قبل الفرح علشان يبقى مفاجاه ... نزلت كارما ....
كارما بابتسامه : صباح الخير يا حبيبى
سليم بابتسامه  : صباح النور بالقمر
كارما : تعبت نفسك ليه ما انا كان ممكن اروح بعربتي
سليم : و ده ينفع اسيب حبيبتى كده تروح لوحدها مينفعش
و فتح باب العربيه بطريقه دراميه و هو منحنى : اتفضلى مولاتى
ضحكت كارما و انحنت و بدرامه : شكرا مولاى
و ركبوا العربيه و مشى بيها سليم للبيوتى سنتر ...
__________________________________
عند مليكه ....
خرجت مليكه من الحمام  لقت فهد بيظبط هدومه علشان يروح الشغل ...
مليكه بابتسامه : حبيبى خلصت ....محتاج حاجه اساعدك
فهد بابتسامه و هو بيبوس خدها : عايز سلامتك يا قلبى ..
صح يا قلبى فستانك انا بعته على البيوتى سنتر هناك
مليكه : ربنا يخليك ليا يا فهدى
فهد بابتسامه حاوطها بايده من خصرها : بس ليه مطلبتيش تشوفيه قبل الفرح
مليكه حاوطت رقبته و بابتسامه : ببساطه لانى واثقه فى ذوقك يا روحى
فهد ابتسم و باسها برقه : بحبك يا ملكتى
مليكه ابتسمت برقه و حاولت تبعد : طب يلا بقى بدل ما نتأخر
فهد و هو بيشدها ليه تانى و بمكر : ليه خلينا شويه
مليكه ابتسمت و زقته براحه و راحت علشان تلبس و هى بتضحك: لا يا فهدى لان كمان فى شغل يا مستر فهد الكيلانى و لا عايزهم يقولوا انى بوظتك و بقيت اخرك على شغلك
فهد بضحك : بقى كده ماشى ليكى يوم يا ملكتى و بعدين محدش يقدر يتكلم اصلا هههههه
و لبست مليكه و نزلت هى و فهد و صلها على البيوتى سنتر و لقوا كارما و سليم لسه واصلين و سليم امر حد ياخد الفستان من العربيه و طلعوا كارما و مليكه و راح فهد و سليم على الشركه ....
___________________________________
فى البيوتى سنتر....
مليكه و كارما باركوا لفرحه و قعدوا مع بعض يضحكوا ولينا حكتلهم موضوعها هى و مصطفى واللى حصل لحد ما قرروا موضوع الخطوبه و كلهم باركولها و فرحولها جدا خصوصا مليكه و كارما اللى كانوا حسين من البدايه و رنا حكتلهم على احساسها تجاه كريم و هى قررت ايه و مليكه و كارما قالو لها صارحيه قبل فوات الاوان و عرفيه حقيقه مشاعرك و لو هو بيحبها هتكون هى اللى كسبانه و لو مش بيحبها هتكون عرفت و تحاول تنسا لكن متخبيش لانه ممكن يكون حالته زيها و مش عارف يصارحها لتكون مش بتحبه و منهم من شجعها على رأيها و احتفاظها بسر حبها له و هم فرحه ولينا من شجعوها على ذلك و هى اقتنعت انها تحتفظ بالسر و عدى وقت و خلصوا جزء من الميك اب و كل واحده لبست فستانها و  قعدوا يخلصوا الميك اب و كل واحده تحط اللمسه الاخيره
__________________________________
فهد و سليم راحوا الشركه خلصوا شويه شغل و كمان خلصوا جزء من المفاجأة اللى كل واحد محضرها لحبيبته و بعد كده راحوا مكان ما الشباب مجتمعين علشان يلبسوا و فهد و سليم كانوا بعتوا البدل بتاعتهم هناك راحوا و باركوا لعمر و مصطفى قالهم عل موضوع خطوبته هو ولينا و سالوا كريم على مشاعره تجاه رنا و اخبره بما ينوى و عدى الوقت و لبسوا كلهم و جهزوا و جه وقت خروج البنات من البيوتى سنتر و كل واحد اخد عربيته ليصحب حبيبته .....
___________________________________
فى البيوتى سنتر....
العامله بابتسامه : العريس وصل تحت يا عروسه
مليكه بابتسامه : يلا يا عروسه
و نزلوا كلهم  وسط زغاريط العاملات .... نزلوا لقوا الخمس شباب و قفين بطالتهم البهيه و جازبيتهم ...
الشباب كل واحد واقف مبهور بجمال حبيبته ....
(كانوا كلهم لبسين نفس اللون مليكه كانت لبسه فستان ابيض نازل ضيق و الاكمام دانتيل متبطن و الصدر و من اول الوسط لحد تحت حرير و كانت لابسه طرحه بيضه و ميك اب هادى و لكن الروج احمر و هيلز بيضه بفصوص الماس و ده كان اختيار فهد ... ، كارما كانت لابسه فستان سك قصير ابيض من الحرير و عليه ديل دانتيل و كان بحماله رفيعه و هيلز بيضه و كانت لبسه خلخال فضه و ميك اب رقيق ... ،لينا كانت لابسه فستان ضيق من فوق و نازل على واسع و مفتوح لحد الركبه و هيلز و ميك اب  ..... ، رنا لبسه فستان قصير منفوش و هيلز و ميك اب .... ، فرحه كانت لابسه فستان عروسه ابيض منفوش )
و الشباب كانوا لابسين بدل سوده ...
كل واحد خد حبيبته معاه فى العربيه و رنا ركبت مع كريم بامر من فهد
فى عربيه  فهد ....
فهد بانبهار : ايه الجمال ده
مليكه بابتسامه : ذوق حبيبى
فهد بغيره : بس ايه الروج اللى انت حطاه ده
مليكه : وحش
فهد بغيظ و غيره : لا حلو و حلو جدا كمان بس لازم تمسحيه
مليكه : ليه يا فهد بس
فهد : لانى مش هستحمل حد يبص عليكى او يعجب بيكى
مليكه بحب : يا حبيبى انا يهمنى رأيك انت و بس و بعدين هما هيسيبوا البنات اللى فى الفرح و هيبصولى انا
فهد بحب : و انتِ مش عارفه انك زى القمر و لا ايه
مليكه : انت كمان شكلك حلو اوى ….
و بغيره : بس عارف لو لقيتك بتبص لواحده يا فهد  هروح اجيبها من شعرها و ابوظ الفرح
فهد بابتسامه حب : ده انا ابقى غبى يبقى معايا القمر ده و ابص لحد تانى
____________________________________
عند كارما و سليم ...
سليم : ايه الحلاوه دي
كارما : حياتى و انت كمان شكلك شيك جداا
سليم بفخر : طول عمرى ده انا القناص
كارما : طب ما انا هبقى حرم القناص
سليم بهيام : انتِ حرم القناص و قلب القناص و عقل القناص انتِ بهدلتى القناص على الاخر
كارما ضحكت و بحب : سلامتك من البهدله يا روحى
سليم بغيظ و هو بيعض فى قبضت ايده : امشى من قدامى دلوقتى بدل والله ما الغى فرح عمر و اخليه فرحى
كارما بضحك : لا خلاص هسكت يا سولى
سليم : صبرنى يارب
____________________________________
عند مصطفى ولينا ....
مصطفى : ممكن اتعرف بالقمر
لينا : امممممم لا
مصطفى:  ليه بس يا عسل
لينا : لانى بحب خطيبى و هو لو شافك هينفخك
مصطفى بمشاكسه : و خطيبك بينهار دلوقتى صدقينى بقولك ايه
لينا :ههههههه ايه
مصطفى : بما اننا فى العربيه و محدش شايفنا ما تجيبى بوسه
لينا بتحزير : مصطفى
مصطفى : قلب مصطفى
لينا بابتسامه : بطل قله ادب
مصطفى : ربنا على القوى
____________________________________
عند عمر و فرحه  
عمر : مبروك علينا يا  فرحه قلبى
فرحه :الله يبارك فيك يا روحى
عمر : محضرلك مفاجاه
فرحه: ايه
عمر : هنسافر امريكا نقدى شهر العسل
فرحه : بجد يا عمر
عمر : بجد يا روح عمر
____________________________________
عند كريم و رنا ....
كريم   باعجاب : شكلك حلو
رنا بثبات : شكرا ده من ذوقك
كريم بتفكير : امممم بس مش عادتك انك تبقى ساكته كده
رنا بنرفزه : نعم قصدك ايه يعنى
كريم ضحك : ايوه كده انتِ رنا لكن الهدوء ده مش لايق عليكى
رنا بغيظ : بنى ادم مستفز اسكت بقى انا اصلا كنت ساكته و مش عايزه اتكلم معاك
كريم بغضب : ليه يعنى
رنا بسخريه : اصل خطيبى بيغير
كريم بغضب و غيره : انتِ مخطوبه ... وازاى ...انتِ مش لابسه خاتم ....
رنا : اصل احنا لسه متخطبناش رسمى لسه هيتقدملى
كريم بغضب : و انتِ بتحبيه
رنا ببرود : عادى هو شخص كويس و محترم خلاص
كريم : لا طبعا انتِ لازم ترفضى مينفعش تقبلى
رنا : ليه انشاء الله و بصفتك ايه تأمرنى
كريم بتوتر : ايه ....يعنى
رنا بنفاذ صبر : خلاص يا كريم لوسمحت
وصلوا القاعه ... و كلهم دخلوا و كان كل المعازيم موجودين و ابتدى الفرح برقصه لعمر و فرحه على اغنيه على بالى حبيبى .... و بعد كده الدى جى طلب من الكابلز انهم بنضموا ليهم ....
فهد و مليكه
فهد : تحبى ترقصى يا ملكتى
مليكه بفرحه : ياريت يا فهد
فهد بابتسامه : تحت امر حبيبتى اتفضلى
و خدها و راحوا رقصوا ...
عند سليم و كارما  ...
كارما : تعالا نرقص يا سليم
سليم : يلا يا قلب سليم
عند مصطفى ولينا ..
مصطفى : تسمحيلى بالرقصه دي
لينا بابتسامه : اسمحلك
عند كريم و رنا
كريم : تعالى نرقص
رنا : مش عايزه
كريم بغصب و هو بيشدها : بس انا بقى عايز  يلا
اشتغلت اغنيه حلم سنين.....
🎵حلم سنين....حلم سنين
عيشنا و شوفناه اليوم اللي اشتقناله !!

احضني قصاد الناس يا حبيبي و ماله .. ما بقينا لبعض خلاص !!

زادوا العشاق اتنين اكتب اسامينا !!

كان حلم سنين وسنين نبقى لبعضينا .. الله على دة الاحساس !!🎵
كل واحد كان بيرقص مع حبيبته بكل حب و فرح و سعاده
🎵ليلة وانت جنبي ليلة تسوى عمري ليلة بألف ليلة معاك !!

ليله وإنت جمبي ليله تسوا عمرى ليله بـ 1000 ليله معاك !!

حلم سنين .. انا قلبي خلاص هتنام على صوت دقاته !

هيعيش وياك على طول اجمل اوقاته .. حبك ولا يوم هنساه !!

أنا قد القول و معاك وفيت بوعودي !

و انت استنيت و بقيت محتاج لوجودي .. و اهو ربنا جمعنا !

ليلة و انت جنبي ليلة تسوى عمري ليلة بالف ليلة معاك !!

ليله و إنت جمبي ليله تسوة عمرى ليله بـ 1000 ليله معاك !!

يا ليالي يا ليالي .. يا ليالي احكيله على حالي ؟!

كنت فين ؟ .. آااه كنت فين ؟ .. يا حبيبي ده انت .. حلم سنين !!
ليلة و انت جنبي ليلة تسوى عمري ليلة بالف ليلة معاك !!
ليله و إنت جمبي ليله تسوة عمرى ليله بـ 1000 ليله معاك !!
حلم سنين .. حلم سنين !🎵
خلصت الرقصه و البنات فضلوا يرقصوا كتير و فهد كان متغاظ و هيولع لان الكل كان عمال يبص لمليكه  و سليم ميختلفش عنه كتير لانه كان على اخره و كان فاضله ثانيه و يقتل كل اللى فى الفرح اللى عمالين يبصوا لحبيبته
فهد راح خد مليكه و قالها تسلم عليهم لانهم لازم يمشوا وسلمت عليهم و خادها فعلا و مشيوا و سليم مترددش ثانيه فى انه يمشى هو كارما و فعلا مشيوا ....
فى عربيه فهد ...
مليكه بضيق : ممكن افهم احنا مشينا ليه لسه شويه
فهد بعصبيه و غيره : هو كده كفايه كده
مليكه : يعنى ايه ادينى سبب مقنع
فهد بغيره : هو كده ما انتِ اللى حلوه و كله عمال يبص عليكى و لو كنا استنينا هناك  شويه كمان مكنش هيبقى فرح كانت هتبقى مشرحه
مليكه ضحكت و حضنت دراعه : هههههه كل ده علشان غيران يا حبيبى سيبك منهم انا اهم حد عندى حبيبى و بس
فهد ابتسم : ماشى .....بس برده مكنش ينفع تفضلى ترقصى كده
مليكه : يعنى يا حبيبى مكنتش اقف جنب صحبتى يوم  فرحها
فهد بغيظ : تقفى جنبها مش شرط ترقصى
مليكه : هههههه حاضر وعد المره اللى جيه مش هرقص
فهد : ده لو روحتى الفرح اصلا
مليكه : يا سلام هتحبسنى
فهد اتنهد : حبيبتى انا لو اطول اخبيكى جوه قلبى عن عيون الناس كنت عملت كده
مليكه باسته من خده : بموت فيك يا فهد
فهد حاوطها بيد واحده و التانيه بيسوق بيها : بموت فيكى يا ملكت الفهد
و راحوا للقصر و طلعوا ناموا لانهم كانوا تعبانين من الفرح
___________________________________
فى عربيه سليم ...
كارما : مالك يا سولى
سليم بغضب : اسكتى احسنلك .....
ياتري كارما عملت ايه علشان سليم يبقي مضايق منها كده و غضبه ده هيوصله لايه ؟
و هل كريم فعلاً هيلحق رنا و يعترفلها بحبه ولا خلاص كده ؟
و ياتري ايه اللي هيحصل مع الباقي هل حياتهم هتبقي مستقره زي ما انتوا شايفين ولا حتصل حاجه تكسر كل التوقعات دي ؟