مذكرات عاشقه

الحلقه الثالته 💋

وفجأة وكيف جايه منرد عليك الضي هرب
اتكيت وحضنت مخدتي وقعدت نفكر شن بيصير في الجاي، زعما تصير معجزة وتحبني وتكون نصيبي والا خلاص الموضوع انتهي زعما انقولك اني مني ولالا
قعدت فكرة ترفعني وفكرة ادجيبني لحد ماخداني نوم عميق ...
نضت الصبح وكان جمعه القيتك باعتلي صباح الورد من الفرحة نضت انقز علي السرير و32 سن بانو قعدت نهدرز معاك شويه.... ويافرحتي وياحسرتي وياأوجاعي ولو كنت نعرف باللي بيصير فيا ، ياريتني ماعرفتك يارريت .....
وسألتني انتي مني وشديت عليا هلبا وياريتك ماشديت ياسامي ياريتك خليتني نمشي في حالي ياسامي ياريتك ماكنت ضغطت عليا وياريت وياريت وياريت لكن اااااااخ ....
بكل براءة قتلك علي اسمي وعرفتك بيا وانت كنت طاير من الفرحة ، لو يرجع الزمن كنا غيرنا حاجات هلبا في حياتنا كنا اختصرنا طرق وتعب واوجاع والالام مايتحملهاش جبل
قعمزت نكتب في خواطري

الادمان.....!!!
ليس فقط ادمان المخدرات او ادمان السيجار ....فهناك نوع آخر ارقي بكثير لكنه اشد ألما. ...........!!!
يجري في العروق وكأنه سم قاتل يجيد الاختباء في القلب لينفجر وكأنه بركان ثائر............
مثل الخلايا السرطانية الموجودة في كل انسان ان تملكت جزءا منه دمرته .............
جرعة فقط منه............
كافية لجعلكي تتنفسينه .....ليصبح جزء لايتجزء من احشائك الداخلية ......!!!
تقشعر له الابدان........ تفقدين شهيتكي....حتي من الحياة نفسها ....!!!
يستطيع اسعادك في يوم ....... واتعاسكي في لحظة !!!
يتدخل في كل قرارتكي وبدون صفة رسمية .....!!
لكنه وبالرغم من قسوته توجد فيه عذوبة جميلة ولمسات ساحرة تشعركي بالجمال الداخلي ........
انه (العشق) ياسيدتي ..........!!
المسمي #بالعسل المسموم. #

فعلا حبك ماكانش شيء عادي ياسامي حبيتك حب عذري حب طاهر انت حبي البكري حب مراهقتي فترة جنوني وطيشي حب هرموني حب مولود من أحشاء قلبي --- دقات قلبي الاولي كانت ليك لاسمك لطيفك لروحك ......

تتفكر لما سألتني سؤال صريح وكان في اول ليله من تعارفنا وقتلي تحبيني ؟؟
اني بكل خجل قتلك انت شن رايك قتلي لا نبيك ادقولاها واني بكل حب قتلك ايه انحبك
وكأنك كنت محتاج لحاجة ملموسه حاجة معترف ومصرح بها باش تقدر ادير اي شيء تحت مسمي الحب وكأنك خليتني نقولها باش يبرللك اي شيء درته فيا وكأنه هادي الكلمه اللي طلعتها من قلبي في هذيكا الدقيقه سجنتني مدي العمر وذلتني وهانتني ، ايه ماتنصدمش وماتشبحليش هكي ، حبي ليك ماكانش الا اهانه ليا ....
وياريته ماكان ....
اول ماقتلك انحبك قتلي وبكل حب تقبلي تكوني زوجه ليا تستنيني نين نكمل حوشي وتكوني ام صغاري
ويادموع الفرحة ادرفي وياقلبي انبض انبض حبيبك يبيك ورايدك وياشوقي ويالهيبي حبيبي يبغيني حلاله وانزفله بالابيض وياأحبتي غنو وانشدو وياروح ارقصي حبيبك صار ملكك ...❤
تابعوني ...