جيت و جبت ليكم معايا قصة اقل ما يقال عنها رائعة نسجت بها خيوط حب💚 و عشق ملفوفين بكراهية و حقد😈 .... اذن في وسط هاذ الصراعات شكون غادي يربح واش الكره 😈و لا الحب💚
هو : الرجل الشامخ المتكبر القوي مكيحشم مكيرمش سافل بمعنى الكلمة😂😂
هي : امرأة هدف...
من بين حضور الحفل كانت مقنتة في الجردة كتشوف فيهم و هما فرحانين و هي مغددة و مفقصة و في نفس الوقت كتصور بالكاميرا اسراء : اووووف شو كي عايشين حياتهم و حنا مطلعين معانا اكبر صبع (شافت في يازيد اللي كان كيتعنب على البنات ) الله يلقيها ليه بحالو بحال باه تريكة العنب... بقات اسراء شادة الكاميرة كتصور حتا كتشوف ختها كتعيط ليها و هي تجاوب في التيليفون و هي باقا شادة الكاميرا اسراء : اش بغيتي ... علاش كتغوتي ... دابا نجي ... باقي كنصور ... و صافي وخا ( قطعات عليها اسراء قوداتها دابا تعرفو علاش ) سدات اسراء الكاميرا بعدما سجلات كلشي حطاتها في شكاراتها و هي تسلت في الجردة حتا نقزات الحيط و هي تسوس ايديها بفرحة حيتاش قدات دير مهمتها بنجاح.. حتى كتسمع واحد الصوت و كي ضارت بان ليها شي غارد تابعها كيجري .... غار شافتو و هي ضربها بواحد الجرية فاعلة تاركة الغارد كيجري : وقفي اسراء كتجري : وااااااع هي كتجري و هو كيجري حتا شافت واحد الدورة في حيط عامر بالحجر و هي تخشا فيها و كتحاول تاخد نفس ... جبدات الكاميرا و هي تبقى تشوف في التصاور بشر حتى سمعات الغارد : اهاااااا هانا شديتك اسراء غوتات حيتاش خلعها و هي ضربوا براسها للراسو حتى طاح داك الغارد و هي تعلق للقات ديك الساعة الطوبيس ركبات فيه و داها للحي فين ساكنين ... نزلات اسراء و هي كتحاول تقاد حالتها حيتاش كاملها مشنتفة كي وصلات للقات مها واقفة كتسناها بالشطبة زهرة : هاي هاي تبارك الله على لالة البنات اسراء : واااا ماما منيتك الله يهديك مالك مغاديريش مع اوار بحال هاكا زهرة : هاديك بنتي وعارفاها حارة و قاد بشغالها بحالي انا شبهاتني ( عوجات اسراء فمهاا ) ونتي طلعتي بحال باك دمادم اللي جى يديرها بيكم اسراء : ادكرو امواتكم بالخير داك السيد موحالش هاني في قبرو ضوري ضوري و تعايريه و الله حتا حشومة عليك زهرة : هاي هاي هاي على بنت المدودة تحليك الفم دوزي ترغدي ( ضرباتها بالشطابة و هي تهرب اسراء من حداها ) تريكة القنب بحالكم بحال باكم """" زهرة مثال الاعلى للمراة المغربية توفى راجلها مخلي ليها جوج بنات على مزيناتهم و كبرات و قاسات حتى كبراتهم و وخا تبان ليكم قاصحة و لكن راها ضريفة و حنينة """"" تمات طالعة اسراء في الدروج حتى وصلات للسطح و كلما كتطلع كتسمع صوت الانفاس كيتزاد كيدخلات بان ليها جسم انتوي منحوت بدقة كاملو عرقان بسباب ضربو المستمر للبوكس اللي كانت قدامو كانت ديك البنت ضافراه و لكن باين شعرها طويل اللي كان في اللون القهوي حتى وقفات عليها اسراء متوترة اسراء : ختي درت داكشي اللي قلتي لي اوار باقا كضرب في البوكس : قطعتي في كمارتي يااك اسراء كتفتف : كنت كنصور مكنتش مسالية اوار شافت في ختها بنضرة قاسية و حيدات ليغات تاع البوكس و تكات على ديك قرعة الماء كتشرب : جيبي ليا الكاميرا للهنا و براكة من الهضرة جابتها للها اسراء و هي محاملاهاش بسباب المعاملة القاسية بحالة ماشي ختها اوار كتشوف في التصاور ببتسامة شيطانية : صدمتيني فيك و الله اممم برافوو عليك اسراء بتفاخر : مالني بنت ليك ساهلة اوار زواتها للكرشها : تجمعي شوية مشات اوار كتعنغر في حين اسراء شادة في كرشها حيتاش زوتها اسراء : اححح للمك ضريتيني """ اسراء جمال طبيعي بعيون خضراء سمرة و طويلة كتموت على التصوير عندها شويكيكة تاع البراءة اما تاباقي شيطانة صافي كرامتها فوق كلشي انتوية بزاف الشيء اللي كيخليها في صراع كبير مع ختها اوار عمرها 17 سنة يلاه شدات الباك """"" اسراء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نازلة اوار في الدروج و هي كتشوف في التصاور و كتخمم في نفس الوقت في خطتها """ اوار بطلة القصة .. قسات عليها الدنيا و هي باقا صغيرة بموت باها اللي كانت مرتابطة بيه فولات هي الراجل تاع الدار كدير البوكس و فازت بعدة جوائز عليه ... كتقرى دابا الطب في سنتها الثالتة عمرها 20 سنة .. جاع اللي في الجامعة معاها طايحين فيها حيتاش تيتيزة عينيها خضرين مخلطين بالعسلي ملامحها بريئة و طفولية على عكس شخصيتها شعرها حريري بني واصل للخصرها مع جسم منحوت و لكن كتخلي هادشي مغطي بسباب السورفيتات اللي كتلبس و مكيعجبهاش تطلق شعرها بسباب مها هي طولاتو اما هي مكيعجبهاش تطولوا ... """"" اوار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
