ناضت سيلين باش تسلم عليهم وكانت المفاجأة ههه
سيلين: ح..ح..حساام!!
بقات تشوف فيه وهو يشوف فيها بنظرة صدمة ههه
سلمت عليه وهي ترجف
منبعد بقات تحكي مع روحها
سيلين: وشبيا انا تقول أول مرة نشوف طفل
بقاو العائلتين يحكيو وقاللهم حسام بلي يعرف سيلين ويقراو في نفس الثانوية
سيلين: ماما المشروع تاعي مزال في الحديقة؟
سامية: وي، علاش!
سيلين: لازم ندخلو كوراه نشف ديجا
و خرجت سيلين للحديقة
حسام: معليش نخرج نشم شوي هوا ومن ثم نشوف مشروع سيلين هههه
سامية: وي وليدي الدار دارك
خرج حسام لقى سيلين فوق شجرة
حسام: واش نتي قرد؟
سيلين: يا يما منين جيت
حسام: خرجت نشم شوي هوا ونتي واش راكي ديري ثم
سيلين: طلعت نجرب في مشروعي
حسام: واشمن مشروع هذا؟
سيلين: بففف شحال تسقسي،، طلبو منا نخدمو دار للطيور
حسام: نقدر نطلع نشوف؟
سيلين: لالا روح تعود تخلعهم مايجيوش
حسام: علاش غول انا
سيلين: لالا ثور
طلع حسام للشجرة وقعد مع سيلين
سيلين: ماتفهمش نتا؟ يخي حالة يخي
حسام: وي مانفهمش، هاتي نشوف ترا
سيلين: هاك
حسام: اوو خدمتيه هايل
سيلين: ماطلبتش رأيك
حسام: نتي زعمة قوية؟!
سيلين: هكا يقولولي وهكا نشوف روحي
حسام: وعلاش كي نهدر معاك ماتشوفيش فيا وتبقاي مهبطة راسك
طلعت سيلين راسها وشافت في عينين حسام،، حتان باسها
من الخلعة دزاتو سيلين جا طايح في الأرض وسيلين هبطت تجري ليه
سيلين: حسام راك تسمع فيا!! حساام، حسااام،،،ياربي واش درت انا تهردت عليا
منبعد راحت سيلين للصالة
زهرة(أم حسام): وين راه حسام يا بنتي
سيلين: عجبو الحال برا
زهرة: خليه هههه
راحت سيلين لختها هدى وهمستلها
سيلين: اسمعي ارواحي معايا درت هزبة
هدى: بففف ضك نجي
خرجو في زوج هدى غير شافت حسام مرمي في الأرض عيطت شدتها سيلين من فمها
سيلين: جبتك تعاونيني ماشي تفضحيني
هدى: وهذا شكون دارلو هك. ضربتي الطفل؟!!
سيلين: رميتو من الشجرة
هدى: ياخاااه، علاه!
سيلين: تعدى على حقوقي
هدى: واشمن حقوق؟
سيلين: صاي منبعد نحكيلك كيفاش نوضو ضك ياك راكي استاذة علوم ولا غير هدرة
هدى: اسكتي ضك نشوف
فاتت نص ساعة حتى ناض حسام
هدى: شفتي العلم واش يدير
حسام: صدقتو واقيل بلي راني كنت دايخ
سيلين: علاش وش كاين
حسام: ااواه لازم نكون ممثل بما أنني قنعتكم لهاذي الدرجة بلي دخت
ناضت سيلين وقتلاتو بالضرب وهو ميت بالضحك خخخ
منبعد روح حسام مع عايلتو وطلعت سيلين لشمبرتها وحكات لصحباتها كامل واش صرا ورقدت....
