#ذات_انتفاضهه18
سكتت مساااافهه حتى قلته ليهو صهيب انا بس كنت عايزة اقول ليك انو انا بحبك شديد وم بيدي والله العظيم...
بعد مسااااااافهه سمعتو بقول لي شههههههد قولي في شنو حاصله معاك حاجه انتي قبيل في العربيه عملتي نفس الحركه وبرضو م اتكلمتي،قولي في شنو م تسكتي ولا عايزاني اجيك راجع تاني؟
بعد سرحه طويله مع نفسي وانا على طرف لساني اقول جمله "صهيب انا بس عايزة اقول ليك انو انا بحبك شديد وم بيدي والله"حتى إتخيلت اني قلتها في لحظه ضعف بس الحمدلله وعيت ولقيت انو انا سرحت واتوهمت بس م اكتر
قلته ليهو احم ماف شي مهم
قال لي لا قولي ي زوله بطلي حركاتك دي
قلته ليهو انا بس كنت عايزة اقول ليك خلي بالك من نفسك لانو الكيزان ديل غدارين واحتمال يحاولو يفضو الاعتصام ويغدرو بيكم وكدة علشان م تفضلو معتصمين في رمضان انت عارف قذارتهم
سكتت مسافهه بعدها قال لي لا م في مصلحتهم انو يعملو كدة في حين انو ماف شي بعيد عليهم طبعاً بس ي زوله نحن وصلنا لي هنا اكيد م بنخليها ليهم بالساهل م تخافي م بجيني شي،
قلته ليهو انا م خايفه على فكره قلته ليك كدة علشان انت قلت انو امك وضعها الصحي شويه في تدهور ف م تزيدها عليها كمان فهمت
ضحك ضحكهه خفيفه بعدها قال لي طيب !!!
غاظتني الضحكه ووترتني على طول قفلته الخط في وشو
انا ضعيفه قدامو؟دي حقيقه م بقدر انكرها ابداً،بس كمان م بقدر انسى انو وجعي منو اكتر ،انا بس نفسي مرة واحدة يتنازل ويبطل البرود الفيهو دة،مرة واحدة يتعامل معي على اساس انو انا مرتو والمفروض انو كل حاجه نتشاركها مع بعض مش يعاملني معامله الطفله وبعدين يجي يراضيني،على قدر م هو بحاول يبين لي انو قادر يخلي العلاقه دي كامله وم يقصر مني في شي ،على قدر م بحسسني بالنقص ،3علاقات زواج كانت كفيله بي انو تخليني ناضجه حتى وانا في العمر الصغير دة،طموحي بقى اكبر من انو اعيش في بيت اكل واشرب واللبس حلو وراجل يكون حنين ورومانسي ويعاملني معامله كويسه،لو جيت اتكلم عن الحجات دي بلقى انو دي م حجات تبهر ابداً،لانو دة الطبيعي المفروض يكون بتاع اي بيت،والحنيه والتعامل بلطافه مفروض تكون طالعه من اي راجل،نحن بس اللي بنتبهر بالحجات دي علشان فكرنا انو الزواج كلو بتمثل فيها وبس وبعد الزواج بفترة بنلقاهو روتين ممل ليس الا...
اليوم التاني الصباح اتكلمته مع حبوبه في الموضوع الطرحو لي صهيب،قالت لي هي لكن هم لسه قاعدين في رمضان الحار دة برضو؟قلته ليها ايوة ي حبوبه،قالت لي غايتو ي بتي ربنا يغطي عليهم ويحفظهم بعينه التي لا تنام،الاجر تلاقيط ي بتي وفي شهر كريم زي دة في زول بابى يعمل حاجه زي دي؟الا كان مسخوط ،نجهز ليهم طوالي بمشي بشوف بسمه تكلم نسوان الحي يجو يساعدونا ولحسن حظنا ناس الحي ديل خدومين وبقيفو ان شاءالله ربنا يسهل،قلته ليها انا اغلب الوقت احتمال اكون في الدوام لكن بطلع بدري وبجي بساعدكم ولو في شغل بالليل بشتغلو معاكم
قالت لي لالا اصلو م تشيلي هم ،انا اتفقته مع المرة تجي تنضف لي يومي م وراي شي ،زمان جدك الله يرحمو في رمضان بخليني اعووووس حله كبيييييرة عصيدة وحله كبيرة ملاح ا والعصير الا بالجرادل والحفاظات الكبيرة الحله كلها بتاكل في ضرانا العندو والما عندو'الشغل اصلو م كتل زول شوفتي نسوان الحله ديل بفرش ليهم العريشه دي تماااام وافتح ليهم المكيف بس،
قلته ليها طيب ي حبوبه
المساء بعد مشيت البيت صهيب جا قعد واتكلم مع حبوبه في الموضوع من باب الاحترام وكدة قال ليها انا عارف ي حبوبه انها مسؤليه صعبه شديد لكن ...حبوبه قاطعتو وقالت ليهو ي ولدي هو دة كمان موضوع تشاورني فيهو ؟طوالي كمان وربنا يلطف بيكم ويغطي عليكم ويعظم اجركم وينصركم على من عاداكم ان شاءالله ي رب وقفتكم م هينه ي ولدي نهااائي والله،
بعدها قام طالع لما وصل جمب الباب قال لي م تنومي حامشي اجيب المواد هي جاهزة انا بس كنت منتظر اتكلم مع حبوبه بعدها اجيبها،قلته ليهو طيب ماشي،قال لي لو في حاجه تانيه اضافه للسته الكتبتيها قولي لي عشان م تحتاجوها تاني،هزيت ليهو راسي بمعنى لا وانا متنحهه في تفاصيلو،هو بقى نحيف وملامحو زي م هي بس وشو هزيل وشعر راسو ولحيتو بقى كتير،بتزكر مرة في بيتنا كان برضو مع الشغل والجري اهمل نفسو لدرجه انو لحيتو بقت كتييييييرهه شديدة ،وشعر راسو برضوو،في يوم وهو طالع الشغل بعد م لبس ووصل جمب الباب وشايل كريم قلته ليهو حبيبي،قال لي روح حبيبك عايزة حاجه؟قلته ليهو لا بس انت م ملاحظ انو..طيب خلاص لما تجي بعدين،قال لي طيب ماشي باسني في خدي واداني كريم وطلع،بعد م هو طلع انا شلت كريم وطلعته مشيت محل بتاع مستلزمات رجاليه م بعيد مننا شديد،اشتريت ليهو طقم كامل بتاع حلاقه فيهو كل شي،وجبته معاهو كم بشكير ،وعطر،ومجموعه بتاعه شاور جل ،جيت ختيتهم بطريقه ظريفه في الحمام بحيث انو لما يجي نهايه اليوم يلاحظ او يفهم انا عايزة اقول ليهو شنو بالفعل هو جا دخل الحمام وانا قعدته اجهز في الغداء اثناء م انا في المطبخ وشغاله جا داخل قال لي حبيبي،اتلفته عليهو بسرعه علشان اشوفو،وكانت الصدمه انو وشو زي م هو ،فضلته اعاين ليهو جا باسني في راسي،وبقى يعاين لي ،قلته ليهو عايز حاجه؟قال لي هو العندو مرة زيك تاني بكون عايز حاجه من الدنيا دي؟بقيت اعاين ليه وبضحك لانو غياظ متاكدة انو فهمني بس عامل غبي،وبعدين صهيب واحد من نوع الرجال البهتمو بمظهرهم الخارجي شديد وانا اتعودته علييييييه كدة،بعد م اتغدينا وقعد يلعب كريم بتلفونو وانا قاعدة بعاين ليهم من سكات ،بعد م كريم نام قعد يشاهد ليهو في فيلم،دخلته الحمام بعدها قلته ليهو صهيب،قال لي ايوة،قلته ليهو ناولني جلباب من الدولاب،قال لي مالك م شلتيهو معاك انتي،قلته ليهو يااااااخي اختصر،شويه كدة دق لي الباب فتحته اول م شافني بقى يعاين لي باستغراب وبعدها ضحك،كنت ماسحه الشي الزي الصابون البمسحوهو بحلقو بيهو داك في وشي، وماسكه شفرة الحلاقه في يدي والمقص في يدي التانيه،
قلته ليهو ي ثقيل،وهو لسه بضحك ،قلته ليهو بصرة وش م تضحك يعني شفته الحجات دي وم فهمت انو شكلك بقى يخيييييييييييييييييي بس انا م قادرة اقول ليك؟ضحك وبقى يحك في لحيتو وقال لي فااااهم وعارف على فكرة بس منتظر مرتي تجي تمسكني من يدي وتقول لي االكلام دة وتدخل معي الحمام وتساعدني ،صريت ليهو وشي قلته ليهو غياظ شال الصابون من وشي ومسحو في راسي،قلته ليهو لا ي غياظ لا،ايوااااا داير تتعاور صح ؟طيب ،مشيت شلته من لوشن البتاع دة وجيت مسحتو ليهو في لحيتو ووشو،قال لي طيب طيب بلاش عوارة وتعالي ساعديني،قلته ليهو اساعدك في شنو؟احلق ليك يعني؟جداً طيب،شلته الشفرة مسكها مني وضحك وقال لي لا طبعا م قنعان منها للدرجه دي بس خليك واقفه وانتي ساكته وبدون اي حركه او كلمه عشان بسببك حتضيع هيبه ام اللحيه،بقيت اضحك جريت جبته التلفون وبقيت اصورو واشاغل فيهو وهو واقف وعامل مركز وم شغال بي ،بعد م حلق قلته ليهو طيب م اهو انت بتعرف تظبط نفسك م محتاج اللمح ليك ي ثقيل بكرة انت وولدك على الحلاق ،،قال لي ي هبله واحد متزوج اهمل نفسو اكيد م حيكون عميان من خلقتو الما بتتقابل بس متعمد عشان عايز يحس بالاهتمام من مرتو المفروض تبين ليهو انها مركزة مع اقل تفاصيلو،لفيت يدي حوالين رقبتو وقلته ليهو اممممممممممممممممم افهم من كدة انو انت عايز تقول انو انا اهملتك الفترة دي؟قال لي لا بس عايز اقول انو انا طماع شديد واهملته في نفسي عشان عايز احس باهتمام زيادة ،قلته ليهو والنتيجه؟قال لي اممممممممممم اقول ليك وم تزعلي؟صريت ليهو وشي،قال لي لسسسه طمعان اكتر انا مبتلي وبحبك بهبل اعمل شنو ي سجم....
