روايهـ الوعود
"حـقيـقيـه مـمـزوجه بالخيال" 💛
الكاتبه:ريمي الحسناوي🎶
الحلقهـ الأولـي💙
يـوم الثـلاتاء السـاعـهـ 5الفـجـر
فتحت عيوني وأشـبـحـت السـاعـهـ ونضـت مخنوقه مـش قادره نـتـنـفـس من الغبره يلي في الدار
صـليت الفجر وقعمـزت فتحت المصحف وبديت نقرأ في القراءن أصلا ماعنديش غير ربي نشكيله همي
ورديت غفيت أشوي وسمعت صوت العصافير وطلعت
أنــا:ياربي محلاهم عايشين زي مايبو ياريتني زيهم ونزلت لحـوش عمـي
مـاتستغربوش عادي أصلا متعوده ومتعوده نرقد بروحي في دار مهجوره حتي الكافر مايرقد فيها
خشيت للمطبخ وقعدت نوتي في الفطور
خشت عليا مني
أنــا:صباح الخير -
مني:من وين بيجي الخير والواحد يتصبح في وجهك
أنــا:أهو الفطور واتي وهادي قهوه سند وهذا فطور مروه أمتع المدرسه
مني:باه أقلبي وجهك
طلعت من المطبخ وأنا نبكي من تصرفات مني بس تعودت عليهم
وطلعت ضميت الحوش وللجنان وبديت نسيق فيه
طلعت مروه وتلبس في سبيدروها
أنــا:أهلا مروه ماشيه المدرسه صح
مروه:شن دخلك وطلعت
أنــا كنت حاسده مروه هيا تقرا بس أنــا لالا
حتي المدرسه ممنوعه عليا أقل حاجه نبيها مش مخيلني نقرا عايشه زي الخدامه
وكملت تسيق لـجنان وأنــا خاشه وقفت جنب الباب وقعدت نسمع
مقعمزات مني وبنتها ريان ع الطاوله ويشربو في القهوه
ريان:أي ع شنو بتحكيلي
مني:بتتزوج ميس ونفتكو من وجهها
ريان:كيف?ومن هوا
مني: شيباني بس مليونير وحـ يدفع لبوك حقهـا ويوم الخميس بيقرا فاتحتها
أنــا حطيت يدي ع فمي من الصدمه يلي نسمع فيها
مني:أي وأصلا تحمد ربها أنه لولانا نحنا راه توا هيا في الشارع*
أنــا وخرت وطاحت الطاوله وحطيت يدي ع قلبي ومش قادره نستوعب الفكره عديت نجري لداري وشديت الصوره
أنــا:وينكم ماما وبابا ليش سيبتوني بروحي معاهم بنتكم تبيكم ليش تعالو أسمعو يبو يزوجني لشيباني خرفان عشان الفلوس
أشوي خشت مني وشدتني من شعري
أنــا:خيرك شعري أطلقيني
مني:ليـش واقفه وراء الباب شن تبي
أنــا:لـا لـا كنت بنخش
مني:توا كل يلي سمعتيه تنسيه وتجهزي روحك يوم الخميس
أنــا طحت!
أنــا:لـا لـا ياخالتي أرجوك ماتزوجني ليه مستعده نخدمكم طول العمر ولا تزوجوني ليه
مني:ههههه لا تتزوجي أحسن
وطلعت وأنا نبكي ع أيام وكيف يصير فيها
ونفكر كيف حنقدر نوقف من الزواج حتي خوالي مانعرفش عنهم حاجه"
أنــا:يـارب كون معاي ودلني ع الطريق الصح ومسحت دموعي ونزلت
مرو الأيام عادي بدون أحداث بس أنــا كل يوم نتعدب ونرجا فـ اليوم يلي حـ يكون نهايه حياتي
"يـوم الخـمـيـس💔"
السـاعهـ9
مقعمزه في المطبخ وأنــا في عالم ثاني
سند:أنتي يافرخه تعالي
أنــا:شن تبي
سند:معاي راجل ديريلي قهوه
أنــا عرفته من يلي معاه
أنــا:عندك خوات صح قوللهم يديرولك
سند:بلاش طولت لسان ويلي بديريله القهوه حـ يگون راجلك ديريها وجهزي روحك عشان بيسألك الشيخ وبعدها بتروحي معاه وطلع
بدون مايسمع مني حتي جواب
أنــا مشيت لـداري وخديت شوي دبش يلي عندي وحطيته في صاكو
أنــا:حتي تلفون ماعنديش ياربي كيف ندير
قعدت نراقب مني وبناتها جوا
وسند وعمي في المربوعه
أنــا:هادي فرصتي الوحيده نهرب منهم ومن جحيمهم وعذابهم وفتحت الباب وطلعت نجري
وصلت للطريق نبي تاكسي توقف بس مافيش
أنــا:عليك حظ ياربي شن بندير توا
وقفت قدامي سياره ونزل المرش
أنــا:بالله عليك خوي ساعدني
عمر:تفضلي
ركبت معاه بس كان مش طبيعي وريحت السياره غريبه هوا كان سكران بس أنــا ماكنتش عارفه لانه ماعمريش نعرفه
طول الطريق وأحني ساكتين وهوا يسوق بسرعه لطريق غريبه
عمر:هي أنزلي
أنــا:خوي أنــا وين
عمر:....شدني من مرفق يدي
أنــا:لو سمحت وقف شن ادير
عمر:جبدني ودخلني للشقه
أنــا:أنفك في يده مني أطلقني أتوجع فيا
عمر:ضمي فمك نسمع صوتك ح تشوفي شي مش حيعجبك
أنــا:الله يربحك خليني نطلع وراس أمك مااديرلي شي
عمر مش بوعيه وحط يده ع العبايه وحولها ليها
أنــا:لالا بالله عليك وندف فيه بس عمر كان أكبر مني وماقدرتش نحوله
عمر:شركلها حوايجها كلهم وصار شي ثاني
الساعه4 الفجر
نضت وأنــا مش قادره نتحرك جسمي من كل مكان يوجع فيا وجسمي عريان
أنــا:نسترجع شن صار معاي
وأشبحت جنبي ألقيته هوا
أنــا:قعدت نضرب ليش درت فيا هكي الله لاتسامحك ونبكي بالعبره
بس هوا راقد في سبات عميق
نضت خشيت للحمام ودموعي ماوقفوش وفتحت عليا الدوش و أنــا مش متحمله روحي وبديت نعيط في الحمام ونحك في جسمي مش قادره نتحمل القرف يلي داره ليا
وسكرت لميه وطلعت من الحمام مالقيتش حتي شي نستر بيه روحي وفتحت دولابه وخديت منه دبش ولبستهم
وقعدت نشبحله
أنــا:حسبي الله ونعم الوكيل فيك
وطلعت للصاله
أنــا:قعمزت ع الصالون ونلمس في وجهي يلي خربه ليا شرفي يلي ضاع كيف بنقدر نرجع لعمي ماعنديش حد في الدنيا غيرهم
ياربي ليش أنــا من الأساس طلعت من حوش عمي كان أزوجت الشيباني ولاصار فيا هكي قداش بنتعذب ياربي ساعدني
وأتكيت ع الصالون وقلبي مغموم بس ماقدرتش نرقد
وقعدت نتقلب ونبكي
ونسمع في صوت الفجر ياأذن نضت توضيت وصليت وقعمزت ع الصلايه وندعي والدموع ينزلو لا أراديا
ومن التعب رقدت
الساعه6صباحا
ناض عمر وهوا مش مركز وبدي يصحصح
ألقي روحه عريان من فوق ولابس سروال بس
عمر:وأشبح جنبه دبش بنت ودم
ححي شن درت أنــا وناض بسرعه وطلع للصاله
أشبح ميس راقده ع الصلايه قدملها وقعمز قدامها ويتكلم في سره
عمر:شن درت ياعمر في البنت كله منك ياأحمد أنــا ليش سمعت كلامك وشربت بس شن ذنب البريئه يصير فيها هكي
أنــا كنت راقده ومش حاسه بيه رفعني عمر ودخلني للدار حطني ع السرير وهوا طلع يفكر
يـتـبـع.........
____________
وزعما شن بيصير لميس وعمر شن بيفكر مـزال الحاجات الحلوةة مابدوش +تفـاعلـو وتابعونـي
