روايه/عشقتك ايتها العنيده
بقلم/شهد هشام(شوشو)
دخل جاسر لسالي المكتب بكل غرور وقال
جاسر: ازيك يا سالي عامله ايه
سالي باستغراب في نفسها:ايه ده هو كلب البحر بيكلمني انا
ثم نظرت سالي حواليها و قالت
سالي باستغراب: هو انت بتكلمني انا
جاسر : اه
سالي في نفسها: اكيد كلب البحر ده استغني عن غروره و جاي يقولي عامله ايه
سالي: الحمد الله كنت عاوز حاجه
جاسر في نفسه بغيظ : يارب صبرني علي الشبر و نص ديه
جاسر بابتسامه مصطنعه: بصي يا سالي احنا مع بعض في مهمه واحده و الغلطه بموته فا ياريت حضرتك تعملي هدنه معايا لحد ما نغور من وش بعض
سالي بغضب: اه تقصد انت اللي تغور من وشي
جاسر: يا مثبت العقل و الدين المهم ها رايك ايه
سالي بتأمر : عندي كام شرط
جاسر بغرور: انا محدش بيتشرط عليا يا ماما اسمها طلبات
سالي باستفزاز: اه ماما في البيت و لم نفسك يا محترم
جاسر: اتنيلي قولي يلا طلباتك
سالي باستفزاز و برود: بعيدا عن اتنيلي بص اولا تتنيل تتخلي عن غرورك و برودك اللي انشاء الله هيوديك في داهيه علي ايدي ثانيا تتكلم معايا عدل و بلاش اسلوبك اللي بيستفز ده غير كده مش هيبقي فيه هدنه ثالثا هنبدا الهدنه هنصفي النيه من نحيه بعض و نفتح صفحه جديده
جاسر بغيظ: تمام و انا موافق و انا يا ستي فتحت صفحه جديده
و مد يده ليصافحها ثم قالت
سالي بطفوله : اصحاب
جاسر باستغراب: اصحاب
سالي : مالك مستغرب ليه
جاسر باستغراب: احنا من دقيقتين مكوناش طايقين بعض و دلوقتي انتي نسيتي مره واحده كل ده و عادي و قولتي اصحاب
سالي بابتسامه: بص يا سيدي انا اه مكنتش طايقاك
نظر لها جاسر نظره شرير
سالي بضحك: ماشيها يا عم المهم انت جيت و قولت نبدا هدنه وانا وافقت ادام انت كنت غلطان وانا غلطانه ليه منعترفشي بغلطنا المهم سالي : انا خلاص صفيت نيتي من ناحيتك ديل
جاسر: ديل يا ستي المهم جاهزه للمهمه ده فاضلها 5 ايام
سالي بضحك: متقلقش جاهزت كل حاجه يا معلم المهم انا جمعت كام معلومه كده و عرفت انهم فعلا في فرنسا و فيه ناس هنا في مصر
جاسر بجديه: اه انا عرفت ان البوص الكبير مش عاوز يظهر وواحد هو اللي بياخد الاوامر و بيوصلها للعيلين كده بيشتغلوا معاه و نازلين مصر بس لسه مش عارفين هويتهم
سالي بجديه : تمام نقعد يا سيدي نشتغل بقا
جاسر: ماشي ثم جلسوا يعملوا علي ملف القضيه
******************************
نذهب لبيت هاشم البحيري
هاشم بغضب: يا ايناس يا ايناس
ايناس: في ايه بتعلي صوتك ليه
هاشم: بنتك فين كل يوم تروح تسهر و مش واخده بالها انها مخطوبه افرضي حد شافها من صحاب خطيبها ده يقول ايه و احنا محتاجينه
ايناس: اعمل ايه يعني و بعدين ما تسيبها براحتها
هاشم بقلق: طيب
ايناس: مالك يا هاشم قلقان ايه
هاشم: علشان بنتك ديه لازم تروح و تدلع علي جاسر و تعمل انها خايفه عليه من المهمه و تعرف هو رايح امتي
علشان ديه اول عمليه هنزل فيها و هتبقا برا مصر و مش عارف جاسر رايح امتي
ايناس بخوف: بس انا لما هايدي تيجي هاشوفها و اخليها تكلمه انهارده تقابله في النادي هي كده كده في النادي
هاشم : ماشي
******************************
نذهب لبيت احمد الكيلاني عند مليكه استيقظت بنشاط لان هذا اليوم كانت تنتظره بفارغ الصبر و متحمسه ارتدت (بنطلون جينز ضيق يبرز جمال ساقيها وتيشرت بينك يوجد به بعض الخطوط السوداء و كوتشي اسود اطلقت لشعرها القصير العنان و رشت عطرها ) نزلت للاسفل لتتفاجاء سحر بطلتها هذه
مليكه :صباح الخير يا ماما
سحر : صباح النور يا حبيبتي انتي رايحه النادي
مليكه: لا رايحه المقابله
أنت تقرأ
عشقتك ايتها العنيدة
Romanceهي فتاه عنيده بشده و قويه و تعشق التحدي و لا تحب ان يتدخل في شخصيتها احد فهي مثلما قولنا عنيده و بشده و تعمل ضابط شرطه اما هو فهو قاسي و شديد الطباع و حازم و صارم و لا يقبل النقاش و يكره الجنس الناعم لسبب ما سوف نعرفه في الروايه و يعمل ضابط شرطه هل...
