فصليه لعشك

فصليه لعشق

البارت 2
ورد:نزلت سمعت ابويه يحجي ومكسور وامي تبجي اباوع عليه مغطي وجها بايده والكل حالهم مينوصف ويباوعون عليه
كتلهم شكو حيدر بي شي احجو صاير شي
كلهم ساكتين وامي تبجي هي ومرت اخويه ضليت اعيط حيدر بي شي خفت لا يسوون لحيدر شي.
اخوتي كولش احبهم اكثر من روحي من عيطت كال بابا تعاي اكعدي وحجالي الي اتفقو عليه بالفصل.
هنا توقف عندي الزمن وانصدمت
صدمه عمري كتله والي مطلوب
كال ابويه ماكو مطلوب محد يكدر ياخذج وحيدر يبقى مسجون من يطلع يحلها ربج هاي اذا طلع .
بقيت صافنه افكر حسبه توديني وحسبه تجيبني
باليل ايه بنت خالي حبيبه حيدرخابرتني تبجي وكسرت خاطري خاف عايزه
نزلت كتله بابا اذا اخذوني فصليه حيدر شنو وضعه؟؟؟
كال هم يكولون فصله مره وفلوس ويتنازلون على حيدر وره مننطيهم المره
ومقبلوا الا اخت الولد ياخذها الشيخ اخو الولد المات حتى يسكت الدم .
صفنت بدراستي وحياتي وين جنت احلم بجامعه ودا انتضر النتائج واريد معدل يعني تعب السنين يروح ومن جهى ثانيه فكرت اذا مرحت حيدر يبقى مسجون واذا طلع ينكتل واذا نكتل امي وابويه يصير بيهم شي
معناها الدم راح يبقى نكتل منهم ويكتلون منه
خفت على محمد وعلي كلت لازم اضحي بحياتي هذا اخويه روحي انطيه اله اول والتالي
كتله بابا اني موافقه اروح فصليه
تخبل علي كام يصيح لاول مره اسمعه يصيح كال مالج ذنب كتله ما اتحمل يصير بواحد منكم شي واول تالي يجي يوم ازوج واعوفكم بلكي يطلعون خوش ناس اوادم ومحد ياخذ غير المقسوم
بابا كلي طول عمرج تختلفين عندي عن كل اخوتج ما اكدر هيج اعوفج تروحين، اتمنى ازفج وانتي لابسه البدله بس الي كلتيه صح راح يصير بحر مال دم ...
راح ابويه ورجع الهم خبر وكلهم انطونه كم يوم ونجيب البنيه
بقيت ابجي على حيدر واهلي وفراكهم ومستقبلي واياد الي يخابر على امي ويبجي وحياتي الجديده الي ما اعرف شي عنها مضل عقل براسي كلت هاي هيه اروح والي يصير يصير ..
اجه اليوم الموعود حسب اتفاق ابويه وياهم ومن اروح يرحون يتنازلون ويطلعون حيدر كالو موافقين
امي سوده عليه طلعت للسوك وي مرت اخويه اشترولي كم شغله ورجعو اخذوني حفيت يم الصالون لان اني بت بيت ماعدنه وحده تحف لو تحط مكياج اله تدخل كليه
المهم كملنه وحضروا جنطتي وغراضي
البجي بلبيت عبالك عدنه جنازه عمامي وخوالي ومخبوصين وكلها متوتره واعصاب وي الموجودين اياد وعيونه عليه وصايره حمر
كتلهم من رخصتكم اريد احجي وي اياد كله باوعت
ابويه كلي روحي لان يدري بيه معجبه بيه مجنت اضم عليه شي ابد
رحت كتله اياد فتحت عيني عليك من اني وصغيره ومن كلتلي نوره انت تحبني كيفت بس الي صار اكبر من عدنه والقسمه كله بيد ربك
حاول تعيش حياتك وتحب وتزوج وانساني
كلي ورد اني احبج ما اكدر انسه شلون تطلبين مني طلب صعب
كتله لازم تنسه وتعيش حياتك وتزوج الف وحده تتمناك وادعيلي ارتاح وانسه ماكدامنه غير هذا الحل لازم نساير الوضع
كتله وضعي اصعب منك خسرت حبي ودراستي واهلي حياتي كله نكلبت واذا ماروح يصير اكثر من هذا واخسر اكثر لازم اصير قويه واتحمل وانت لازم تصير اقوه مني
سكت جان يكوف على حيله كلي اني اوديج بيدي اريداشوفه منو هذا الي حياخذج مني يستاهلج لو لا اريد اشوفه
راح يحبج اكثر مني نزلت دموعه وغص كلي راح يلزمج واني جنت اخاف عليج من روحي ما اطخج اريد اشوف حياتج الجديده اريد اشوف الحظن الي راح تغفين بي واني جنت كل ليله احلم بليوم التغفين بحظني اريد اشوف الي حيصير سبب ضحكتج ودمعتج سبب فرحج وحزنج هذا الحجي احنه ثنينه دموع تجري كتله الي يريحك
بس لازم تعرف من هاي الحظه انت ابن خالي وبس لان اصير على ذمه رجال
جان يكول وج تكتل هاي حجايتج تموت ويبجي بشهكه
كتله الله يوفقك لاتشلع كلبي البيه مكفيني ...
ابويه واكف على صفحه يبجي كلي يالله بويه مشيت واياد كله لا ابويه اكتل روحي هنا اذا متخلوني اروح وياكم اني اوديه بيدي ....:
صعدنه وي اياد ورحنه اول مشتغلت السياره طلعت الاغنيه
هي قسمه وانت ما مقسوم هذيج دامت حتى هاي ادوم لي.....يال خذوك ادعيلي برويحت حلال ...الله يستر باجر شمضموم لي ..
ورد:وصلنه لبيت جبير ومنطقه حلوه ومرتبه
كال ابويه هذا العنوان
اني ارجف وخايفه وابجي مشاعري شحجي شكول ما اوصفه من خوف وقلق وحيره وحزن تعبت حيل وردت كلشي يصير واخلص لان تعبت حيل ...
نزلت من السياره وابويه و ولد عمي3 وعمامي2 واياد واخوه ويانه طبينه ما اشوف شي من وره البجي دموعي مغوركه مرفعت راسي ابد الدنيا طالعه من عيني..