حبيبتي المسترجلة

part 12

نازلي. اممم الكيك يخبل عاشت ايدج خالتي الحلوة
ام سمر. الف عافية
سمر. اي اني متكوليلي الف عافية مدللة نازلي اكثر مني ليش يمة مو اني بنتج
ام سمر. دهر صابج ولج ثنينجن بنياتي ونفس المعزة
سمر. اي مبين
نازلي. هههههه تغارين عود هنيالي هو كل هاللواكة اللي تلوكتهة علمودج مو صوجج والله 😂
سمر. ها هم صدك بس امي تسمع كلامج اكثر مني 😂😂
نازلي. اي عادي من تريدين شي جيبيني واسطة ... يلا اني حروح ومو تنسين اخابرج قبل ساعة من طلعتنة اذكرج حتة تحضرين نفسج
سمر. تمام
نازلي. رحت للبيت سئلتني امي ع دروسي وكذا جاوبتهة تمام ... ماما ترا ع وعدج اليوم احمد يطلعنة وعزمت سمر ومريم وياية
وجدان. تمام
نازلي. صار المغرب واجة احمد بديت اتحضر للطلعة اجاني علي
علي. احمم أ نازلي سمعت حتجي سمر ومريم وياج صدك
نازلي. اي ليش هالسؤال
علي. هاا لا ماكو شي بس كلت اجي وياكم ضايج عادي لو عيب من صديقاتج
نازلي. والله امرك غريب امشي منو لازمك
علي. تمام
نازلي. تحضرنة وطلعنة احمد يسوق وعلي بالصدر واني ليورة كاعدة رحنة نجيب مريم .... هففف عود كتلهة بس اخابرج تطلعين هياتهة اجت خرا بيج وين صرتي
مريم. بصدمة اي اجيت اجيت .. كعدت ليورة يم نازلي علي ما كايلي رح اجي انصدمت بجيتة رحنة نجيب سمر اخذناهة وطلعنة
علي. احمد فونك يدك
احمد. فتحت الفون وفتحت حاكية يعني الكل سمع الحجي
علي. اكلك احمد وينك جيتك للبيت وملكيتك كالو طالعين
احمد. اي علاوي طالعين احنه والبنات اذا تحب تعال انضم النه نتونس
علي. تمام وين انتو
احمد. احنه حنروح بمطعم........
علي. تمام هناك نلتقي سديته وكمت اكمز هلللله يابه راح اشوف الحب يبوووو شلبس شخلي عطر كمت سبحت وبدلت لبست بدي ماروني وفوكا جاكيت اسود وبنطرون اسود وحذاء ماروني وعطري وصل الراس الفرع وشعري سويته كفشه وساعه سوده نزلت شفت امي وجانت خالتي وبتها يمنه سلمت عليهم وطلعت رأسا وصلت لكيتهم كاعدين سلمت وكعدت يابه شطالع اموري يكطع 😂اول مره احس بيها انثى جانت لابسة بنطرون ثلجي وبدي احمر وجاكيت ثلجي وحذاء احمر وجنطة سودة فصلتهة بثواني 😂😻
احمد. هلا هلا نورت تعال اكعد يلا طلبو اكل
نازلي. اني اريد بيتزا بالجبن وببسي
علي اخو نازلي. وانتي مريومة شتطلبين
نازلي. 😲😲
مريم بتلعثم. هاا اني اممم مادري همبركر وببسي
علياخو نازلي. تمام وانتي سمر
سمر. اني اريد مثل اموري بيتزا وببسي
علي اخو نازلي. وانت علي
علي. من اليوم صارت اكلتي النفضلة بيتزا اذا الكل طلب بيتزا وغمزت النازلي
احمد. تمام اني اريد كرسبي وانت علي عزمت الدنيا كلهة ومعرفنة شتريد
علي اخو نازلي. باوعت ع مريم وابتسمت همبركر وببسي
مريم. اوكف لتخلي بيهة جبن ميحبهة 😲 عزا اني شحجيت خليت ايدي ع حلكي يعني قصدي بما انو احنة العائلتين اصدقاء ف اعرفة لتباوعولي هيج
نازلي بهمس. مريم سالفتكم سالفة اني اعلمج خلي نرجع .....
جابو الاكل كعدنة ناكل ونسولف وجانت اكو امسية واغاني الجو جان كلش حلو كلش تونسنة خلصنة اكل
نازلي. احمد بعدنة ممخلصين حبيبي التحلاية وين
احمد. خرب صادتني تمام شتريدين
نازلي. اريد كريب وقطعة كيك ومن اخلصهن ترجع تجيبلي موطة بالكاكاو
علي. لك اموري هاي شنو شكد تاكل لعد شو ميبين بيك
نازلي. اي طبعا متشوفني زرافة ماخذتة بطولي 🤦‍♀️😂
احمد. يلا بسرعة طلباتكم
الكل اختارو موطة بس بنكهات مختلفة بس ام كرش اختارت ٣ انواع حلا متشبع
احمد. كوم علي انت جيب طلبات اموري واني حجيب الموطات
علي. تمام
احمد. جبت الموطات واجيت كلهن خالهن بصينية وجان اسمع نفس الضحكة اخخخ نخمط كلبي دا امشي وجان اسبح بالموطة خربببب
احمد. ضليت صافن ومفهي نفس البنية اللي كلبت علية العصير هناك انتي يعني ناوية علية نية كل لقاء النة مغركتني بشي ذاك اليوم عصير واليوم موطة الله اليستر من الثالثة يمكن بالبانزين
باري. لزمتني نوبة ضحك صرت اضحك بهستيريا ع منضرة جنت اركض صديقتي تركض وراية تريد تنكعني بالمي لان نكعتهة واضحك جان انصدم بالولد نفسة الصينية اللي بايدة انرفعت ليفوك وصار وجهة كلة موطة والوان ونكهات مختلفة همزين متدمرن ملابسة يعني بس وجهة يكدر يغسلة بس صرت اضحك علية اعترف هالمرة اني الغلطانة
احمد. شبيج تضحكين
باري. اسفة والله مو بقصدي جانت هههههههه جانت صديقتي تركض وراي بالمي
احمد. ضحكت ع ضحكتهة ونسيت شكلي اقبل اعتذارج بس بشرط
باري. شنو
احمد. تجين وياي الطاولتنة اشوفج شبيهتج
باري. شبيهتي منو
احمد. اول شي امشي وياي خلي اغسل الخريطة اللي بوجهي واحجيلج عن شبيهتج
باري. شنو شنو وليش دا اروح وياك عيني كتلك اسفة وخلص
احمد. شبيج حتاكليني عائلتي وياي اختي وصديقاتهة واخوية وصديقي مراح ناكلج انضمي النة شوي واعرفج عليهم وع شبيهتج
باري. هو اني عرفتك حتة تعرفني عليهم
احمد. تمام هسة نتعرف عادي مديت ايدي اصافحهة
اسمي احمد وياج بالكلية طب اسنان
باري. اباوعلة ايدة كلهة موطة ههههه تمام بعدين نتعرف امشي غسل
احمد. امشي بس مكتيلي اسمج
باري. اسمي باري شوقتني اشوف شبيهتي
احمد. رحت غسلت ورحنة الطاولتنة
نازلي. هاي شنو وين صرت ووين الموطات وعلي الهسة ما اجة وين حلوياتي ومنو هاي
احمد. صبري وحدة وحدة شبيج ...
باري هاي اختي نازلي وهذا علي اخوية وهاي مريم وهاي سمر صديقات نازلي وعلي صديقي هسة يجي
شباب هاي باري تعرفت عليهة عن جديد وجبتهة اشوفهة شبيهتهة
نازلي. اي ومنو شبيهتهة
احمد. انتي
باري. شنوو 😂😂 بشنو تشبهني
احمد. ثنينجن مسترجلات
باري. اني اعترف اني مسترجلة بس اختك ما اعتقد  لك باع الانوثة والرقة وين الرجولة بالموضوع
علي من بعيد. ليغرج المضهر هي ك مضهر عبارة عن كتلة تصرخ بالانوثة بس الداخل اخخخ الداخل رجل يصرخ اخرجوني
نازلي. اكلك انت اسكت اخر من يتكلم وجيب طلبي يلا شكو شايلة بايدك
علي. مو صوجج صوجي جبتلج طلباتج هاج ام كرش
اكلك احمد شنو الموضوع دزيناك ع موطات جبتلنة بنية 😹😹 وين طلباتنة
احمد. دسكت ياعلي الاخت انصدمت بية وغركتني بالموطة ذاك اليوم بالعصير واليوم بالموطة وكتلهة اني الله اليستر من الثالثة يجوز ببانزين ...
روح علي انتة جيبلنة روح
باري. اهووو مو كتلك اسفة لتعلق بعد واني تأخرت يلا حروح
احمد. هههه تعاي وين بس لا زعلتي دا اشاقة 
باري. لا مزعلت ولك بس تأخرت 😂 داروح البنات ينتضرني
احمد. خليت ايدي ورة شعري وبعثرتة من اتوتر هيج اسوي امممم يعني النة لقاء بعد لو لا
باري. اي احنة مو صرنة اصدقاء وبنفس الكلية نلتقي هتاك
احمد. اوكفي انتي يامرحلة
باري. مرحلة اولى
احمد. تمام اني مرحلة ثانية يلا روحي هسة باي
باري. هههه اوك بايات
رجعت للطاولة واشوف الكل يضحك ونازلي تاكل ولا مهتمتلهم باوعت لكيت حلكهة مليان نوتيلا مال كريب ومدتلحك ع روحهة تاكل من الكريب ومن الكيكة
علي. لك اموري حتغص وتموت علكيفك وراك شرطة تركض
نازلي. بحلك منفوخ من الاكل لا مو اريد الحك عالموطة قبل لتموع
علي. 😂😂 اكل علكيفك اموري وعوفهة خل تموع قبل لنطلع اجيبلك وحدة غيرهة
نازلي. صدككك
علي. اي والله
نازلي. تمام
احمد. رجعت كعدت واكلنة الموطات واموري خلص اكل الوليمة مالتة وطلعنة للسيارة ........يتبع
اعرف مقصرة ومو منتضمة بس روتيني شوي مخربط ومدا اعرف اخلي وقت محدد للبارت ان شاء الله اعوضكم بعد لتنسون تصويت ومتابعة وتعليق يحفزني 🖤