الـحب الأعـمـى

الـبـارت 61

{ الحب الأعمي }

الحلقه 61

هدي: ايمن
ايمن: نعم
هدي: كنك نحكي انا ليش اديرلي هكي حرام عليك
ايمن: انا الي حرام عليك انا هذا
هدي: سكتت
ايمن: ها كنك سكتي
هدي: انا عارفا روحي زعلتك وقتلك كلام جرحك بس يا ايمن قلتا عشان ملييت انا من وضع هذا خلاص بنقعد معاك بنعيش معاك تحت سقف واحد نبي نصبح فيك وانتمسا عليك نبي انشوفك ديما وجهاً لوجه نبي انكون مراتك جنبك قريبا منك مش مراتك وحلالي وبعيد عليا
ايمن: باهي تو انا شن في يدي علي اساس انا مانبيش هكي يعني ماهو اتحقي فيا نطلع ونجري من صبح لليل ونشتغل عشان انوتي الشقه ونكملها بسرعه
ونتعب ونحرم في روحي من مليون حاجه عشان انجيبك جنبي هنا وبعد هذا كلا اتجي تقعدي اتقوليلي في كلام ماعجبنيش منك بجد وجعتني منك للمليون
هدي: باهي عارفا روحي غلطت وعارفا روحي كلبه وحماره اخره الي قتلك الكلام هذا وماكنش المفروض انقولا ومعاك الحق . بس انا يا ايمن خايفه والله خايفه . وخنقتها العبره
ايمن: تنهد . وحس هدي تبكي . باهي تو ليش لبكا ومن شن خايفا شن الي مخوفك
هدي: النصيب
ايمن : استغرب . كيف يعني
هدي: خايفا من نصيب واااجد الكلاما هذي ماتعرفش كيف اتخوف فيا
خايفا يجي يوم معش نسمع صوتك فيه خايفا يجي يوم نقعد انا وياك غريبين ع بعضنا خايفا ايجي يوم نقعد نذكر فيك ونذكر في ايامنا ونقول كان .  خايفا يجي يوم وتقعد ماضي
خايفا يجي يوم وكل كلمه انقولها عليك ولا نحكيها تسبقها كلمة كان
خايفا كل حلم حلمتا معاك وكل شي بنيتا معاك في احلامي يجي يوم وتعيشا مع غيري خايفا كلمنا بين بعضنا وجونا يقعد ذكرا خايفا يجي يوم لما نسمع فيه اسمك قلبي يوجعني خايفا يجي يوم ويسألوني عليك نقوللهم كل شي نصييب خايفا واااجد وماتصورش خوفي كييف يا ايمن . وقعدت هدي تبكي
ايمن: وعليش هذا كلا لييش كنك تفاولي انتي علينا . عليش ياعمري كنك
هدي: قتلك كني كلمة نصيب اتخوف فيا . نسمع في عرم حكايات وانشوف بعيني عرم قصص
علي اثنين كانو يحبو بعضهم فرقهم النصيب وكل واحد مشا في حال وعاش احلاما وكل شي مع شخص غير الي حبا
خايفا يجي يوم نقعد حتي انا من ظمن القصص هذينا
هذا عليش انقولك طلع العرس بسرعه وخلينا نزوجو خليني انعيش معاك ونحقق الي حلمتا معاك
خايفا حياه الي بنيتها في حلمي معاك ماتحققش وتمشي اتحققها مع غيري
ايمن: لاحول ولاقوة الا بالله عليك تفكير عندك بدل ماتفكري بأيجابيه ديما عقلك جايب الحاجه السلبيه ونكديه . تو عليش فكرتي هكي ياهبلا باهي . تي انا مستحيل انسيبك وشن الحاجه الي تمنعني اني انسيبك حتي لو تعاركنا وزعلت منك يوم اثنين شهر بس انردلك ونرد نحكي معاك لاني انحبك ونبيك
هدي: عارفا والله عارفا. عارفا انك اتحبني وانا انحبك بس خايفا . ماهو قتلك ماملي حبو بعضهم وعاشو اسنين مع بعضهم ونصيب فرقهم
انا خايفا منها الحاجه هذي وديما انفكر فيها هذا عليش ديما نزن عليك ونقولك نزوجو لاني بنعيش وبنكون معاك انت ونبيك ماضي وحاظر ومستقبل
ايمن: غير استهدي باللة توا قبل كل شي
هدي: لا اله الا الله
ايمن: وامسحي دموعك . وفكيني من نكد ومن تفكيرك هذا الي ودرك يامجنونه
وان شاء الله ياروحي انعيشو مع بعضنا ونزوجك ونضربك طريحه سمحا ع كلام هذا
هدي: هههههه
ايمن: ايوا اضحكي ومش حيصير الا كل خيير وحنزوجو ونعيشو مع بعضنا ونحققو كل شي حلمنا بيه كلا
وانجيبو عشرين عيل . ونديرو فريق
وانتي الحرس امتاعنا
هدي: ههههههه عنجد عشرين شن اتحق فيا ارنب
ايمن: ها امالا عابيا اتجيبلي عيل واحد
هدي: اه عيال اثنين عليش عشرين . تي انت قلت الرقم رعش جسمي منا مش انعدي انجيبهم
ايمن: غير اتجي هنا ونحوزك في تركينا حتجيبي عشرين ومرات حتي 25
هدي: ههههههههههه بطل ياسامط
ايمن: رايفت عليك ياانعن شكلك
هدي: حتي انت والله رايفت عليك موووت
عارف الاسبوع الي فات كلا ماسمعتش فيه صوتك حسيت بفارغ كبيير وعرفت روحي نقدرش بلاك انحس في يومي ناقص
ايمن: يعني سيبت فارغ
هدي: ايوا مش غير سيبت فارغ .
ايمن:  حتي انتي والله . بس قلت لازم انعقابها عشان معش اتعودها مع اني نضعف مرات نقعد بنكلمك
هدي: خزيه هنت عليك
ايمن: وراسك ماتهوني ولا اتهوني
هدي: معش تباعد عليا خليك ديما قريب مني معش نبي انحس بالفارغ الي حسيت بيه الاسبوع الي فات احساس شين بكل
ايمن:  حاظر بس انتي امسكي لسانك وبطلي تفكير سلبي الي عندك
هدي: انحبك
ايمن: وانا انموت فيك .اسف ياعيوني اني سببتلك الحزن هذا كلا
هدي: انا الي اسفه مش انت . لان غلطت فيك ووجعتك بس قتلك عليش
ايمن: عارف وفاهم خوفك وان شاء الله مايصير الا كل خير وربي يجمعنا قريب
هدي: ان شاء الله يارب