فصليه لعشك

البارت 15
كامت ورد اسوي نسكافه وراها طلعت ريم من الحمام
كلتله ريم صيحي جميله كاعده بغرفتي خلي نطلع بالحديقه الجو طيب سويت نسكافه وهاي نمنميات وكيكه بالفرن من تطلع ناكله
اي ماشي
جميله ..تونست حيل ..
ورد تعاي شوكت متردين نتونس وياج ..
ريم😏وجع بكلبج جميله ما ادري ليش ممرتاحتلج وجع  هلشوفه👊🏻
للمغرب اجه ابوها اخذه وراحت
وراها التهينه عادي مصار شي مهم بس فيصل من رج صعد يريد يسبح  و ورد دتحضر عشه
كلها حسبح حضري هدومي
صعدت وراه
ورد ... اول مدخلت كلتله بلعافيه
شكراً شو بعدج ممحضره الهدوم
جنت اسوي عشه
من اجي اني تعوفين كلشي وتجين اشوفين شناقصني ماكو شي اهم مني
اي صار ليش هيج عصبي ولا يهمك الي تريده يصير بس لاتعصب
فيصل...😠😒
مشه اليوم عادي بس فيصل اكو شي مضوجه.
فيصل ...من جنت العب خلصت لكيت تلفوني جايته رساله من رقم غريب مكتوب بيه (شتعرف عن ماضي مرتك الغرامي) رجعت دكيت على الرقم مغلق كم مره وهم مغلق
اني اعرف ورد فقيره وكدامي باكثر من موقف بس اني رجال وشيخ وعربي حتى لو عايش بغداد ومثقف بس يبقه دمي حامي مو بيدي كمت افور
طبيت ردت حجه على ورد حتى اتعارك وافتح الموضوع وياها بس هي مثل كل مره تمتص الغضب وتسكت وتسوي الي اريده بقيت ساكت حتى بالعشه كلهم افتهمو اني ضايج
ورد ..عفته براحته لان عصبي يهده وراها نحجي مبين اكو شي...
يمكن لان كل ما يجيني اكله لا من نعقد اصبر  اويمكن صايره مشكله بالشغل ..
ميت فكره اجتي ابالي
كلت بعدين تبين وسكتت..
كل واحد راح الغرفته دزيت مسج على الوتساب لفيصل مجاوبني كلته لعد نايم اني هم نمت
فيصل اجاني مسج من ورد حبيبي كاعد؟؟
مجاوبته لان مردت اسرع وبقيت صافن اني ما اعرف اي شي عن ورد قبل الزواج
فيصل الصبح راح للشغل
ورد وريم وره مشبعو نوم كعدو للعصر اجتي جميله
كالت تونست حيل البارحه وعجبني اجي اليوم 
هله بيج باي وكت..
ريم ...اكولج ورد اني هاي البنيه ممرتاحه لجياتها كثرانه هاي الفتره
ورد ..عوفيها يمعوده بلكي الله هداها
للمغرب اجه ابوها اخذها
مر اسبوع وفيصل عصبي كله ميجي فاير ومحد يعرف شبي...
فيصل.. بقت تجيني رسائل من هذا الرقم وادك عليه مغلق  مره مكتوب بيه بلعافيه عليك شيخ
ومره هي عده حبيب بس انجبرت عليك اني بهاي الرساله صفنت كلت صدك انجبرت عليه ومتقبلتني بس هذا مبين ملعوب وجاي يلعبونه يردون يوكعون بينه اني ورد بس منو اله مصلحه ال اذا صدك عده حبيب قبلي ويريد يخرب بينه..
ورجع دزلي رساله طوله جسمه شعره خصره كله الي ..
اني هنا اسودنت بس مردت اضلم ورد بقيت مبتعد عنها...
ورد.فيصل متغير وصاير عصبي حتى اكل مياكل بالبيت وميطي مجال احد يحجي وياه
الحجيه سألتني اذا متعاركين
كتله لا والله خاله بس هو ما ادري شبي صار فتره متغير وعصبي خاف عده مشاكل بشغله
حسين لا ماكو مشاكل كلشي تمام ال اذا اكو بضاعه اني ما ادري بيها وعليها مشاكل.
مشت الايام عادي وفيصل يوم عن يوم يصير اكثر عصبي ورد متلهيه بالامتحانات ..
ورد كملت الامتحانات المهمه بعد ماعدي شي مهم من يجي فيصل اكوله علمود نروح نعقد ...
طب فيصل صعدت وراه
ورد..فيصل اني كملت امتحانات مهمه شوكت ميصيرلك مجال نروح نعقد ..
فيصل الله كريم روحي اريد انام ..
ورد بقت صافنه مو عوايده ..
بس عفته براحته لحد ما اجه اليوم الاغبر
اجه اليوم الي ورد ممحسبه حسابه
نرجع قبل يوم
فيصل الرسائل بقت تجيني بس كلت ورد صار سنه عدنه مطلعت منها العيبه اني رجلها تستحي مني معقوله تمثل عليه لا مستحيل ..
مبينه حبابه وخوش بنيه وهذا ملعوب علينه خلي احدد موعد العقد
ورد.. اجه فيصل كلي نروح نعقد اريد الجنسيه والهويه مالتج علموداطيهن يحضروها ومن نروح احنه منبقه ننتضر ونفتر.. اطيتهن اله وطلع ..
اجه كلي عكب باجر لداومين نروح للمحكمه
كتله ان شاء الله بس ما احجي وياه هواي احس اذا حجيت ينفجر بوجهي وما اريد احد يخرب فرحتنه علينه ..
بقيت ساكته بس فيصل بس يصفن ...
فيصل اجتني رساله من نفس الرقم كاتب بيه نايم ورجليك بالشمس ...
ونفس الحاله ادك وماكو
ثاني يوم رحت لورد وريم للكليله ما ادري شك ما ادري غيره ما ادري شحسيت بس ردت اروح للكليله بلكي اشوف شي .
ورد ..جنه اني وريم بالكافتريه
كالت راح اجيب نسكافه بعدني مكاعده اجه ولد ويانه بالقاعه كلي اريد المحاضرات مالتج استنسخه لان جانت عدي فاتحه ومجاز وكلها كالت انتي محاضراتج كامله
كتله اي بسيطه بس باجر لازم ترجعهن لان محتاجتها  ،بعدني احجي ما اشوف ال فيصل فوك راسي
اني تفاجئت
الولد ترخص وراح
اني هله والله بشيخ نورت الجامعه بيك
فيصل بدون سلام اذا خلصتي محاضرات امشي
اجتي ريم لكتنه واكفين
كالت هلو شعجب جاي 
صعدوا بالسياره
صعدنه بس فيصل وجه يخوف بركان وعلى ساعه ينفجر..
نزلنه جرني من ايدي ودخلني لغرفتي
كلي منو هذا التحجين وياه
كتله طالب ويايه وعلمودمحاضرات
ضل يصيح اكو ميت طالب ليش الا منج ياخذه
كتله اني  محاضراتي كامله وهو اجه طلبها مني مابيه شي. بقه يصيح...