ابتليت بحبك

المقدمةة

#قصة_واقعية "منقولةة"
ايميل الڪاتبـــــةة ۶ـلى الإنستجرام
@shahoody_14_

ابتليت بحبك❤
تبدي القصة بي تلات بنات وتلات اولاد
حلا:19عام
عليا:17عام
شهد:15عام
عماد:22عام
علاء:19عام
معاد:19عام
وعليابنت عمتها حلا وشهد بنت خالت بوها لي عليا.
المهم القصة تبدا من تلات سنين وهيا عليا تحب عماد وتموت فيه بس هوا مايعلمش وديمة حلا تقوللها عدي قوليلا علي مشاعرك يايحبك حتى هوا يايسيبك وفات هالتلات السنين وهيا عليا مافي في قلبها غير عماد وخلاص وحلا تحب خو عليا يلي هوا علاء وشهد تحب معاد يلي هوا خو عماد
وفي يوم من الايام ناضت عليا الصبح لقت حلا متصلة بيها امشي اتصلت بيها قالتلها:
عليا:اهلين شن اخبارك ياحلا
حلا:والله تماام متصلة بيك من قولك تعالي اليوم هدرزي احدايا امكسدة في الحوش وامي بتطلع
عليا:خلاص تم تو انكلم بابا كان نقلني ليك
حلا:تمااام سلام امالا نتلاقو
عليا:سلاااااام
سكرت عليا وعدت لي امها.
عليا:ماما قتلي حلا تعالي هدرزي احدايا بعدين العشية من عديلها
ام عليا:لالا ماتمشيلهاش قاعد الحوش مقلوب يبي ضم
عليا:وااااو ياماما كانك عالحوش تو انضمة وانعدي لي حلا
ام عليا :عدي اجري راك تقعدي في الحوش
عليا :خلاص امالا من عدي انكلم بابا
عدت تكلم في بوها.
عليا :ايوة بابا
اتجيني تقلني لي حلا
ابو عليا:خلاص راهو وتي روحك عندي خدمة بعد العصر تو انجي نرفعك
عليا :تم يابابا
ام عليا : علياااااااا تعااالي بسرعة مش تبي تعدي لي حلا عدي ضمي الحوش
عليا: تيي واااك ياماما تي باهي تو انضمة الحوش
وبعد ماضمت عليا وكملت حوستها خشت لي دارها وبدلت دبشها وجي بوها ونقلها لي حلا وين قريب توصل لي حوش حلا اتصلت بيها قالتلها راهو قريب نوصل وبعد وصلت نزلت من السيارة وكان في سيارة قدام حوش عمتها امشي لاقتها حلا.
عليا:اهلين شن جوك حلا
حلا:والله ماشية هي خشي تي وين خالي خيرا ماخشش
عليا:والله ياحلا مستعجل ومش فاضي حطني وبعدي يكمل خدمتة
حلا:اهااا صار هكي امالا هيا خشي امي تراجي فيك
عليا:اسمعي ياحلا لي من السيارة هدي السمحة
حلا:اهاا هدي ياحنة سيارة صاحب احمد خويا تخيلي كان نحيلك عليه يهببببل طرف من الاخير
عليا: هيا خلينا انخشو وكلمي امنة بنت عمك اتجي حتى هيا وانهدرزو احني التلاتة وخبريني عليه.
خشت عليا وحلا للحوش وسلمت علي عمتها.
عمتها اسمها رقية.
عليا :اهلين كيف حالك ياعمتي
عمتها رقية: والله تماااام امالا بعد ماجيتي ياعليا عندي مشية لي حوش جيرانا من عدي انهدرز احد
خلاص عدي ياعمتي وهدرزي احداهم
حلا:تو ياامي كان اني قتلك من نطلع راك ماتخليني
عليا :ههههههه كلا انتي ياحلا خليها امك تطلع مالك ومالها انتي
رقية:شن من ديرلها ياعليا ديمة هكي ماتقولش بنتي بكل كأنها عزوزي واني خاشة طالعة تسأل فيا
عليا: ههههه عدي عدي ياعمتي مالدوريهاش
حلا:امالا من كلم امنة بنت عمي اتجي تهدرز
عليا :قوليلها اتجي خلينا انقرمو
حلا:هلااا شن جوك ننوشتي اسمعي تعالي هدرزي عليا بنت خالي جايتني
امنة خلاص تو انجي امالا هي وتي القهوة بين مانجيكم
حلا: غير تعالي تو انديروها القهوة
خشت عليا للحوش ودارت القهوة هيا وعليا بين ماجتهم امنة وبعد ماجت امتة سلم علي بعضهن وجن قمعزن في دار حلا.
عليا : حقة هيا خبريني علي صاحب احمد هاتكوة امتع السيارة السمحة
حلا:حييي عليك يهبببل امتع عضلات وقريب كل اسبوع بسيارة واهل اغنياء وااجد
عليا:باهي شن اسمهة
حلا: اسمهة محمد بس ينادو فيه ويكا
امنة :حقة ياعليا شن صار فيك انتي وعماد
عليا: بالله خليني ساكتة كل يوم انموت الف موتة
حلا:عاد ياعلبا وين قتلك عدي ادويلا وقوليلى اني انحبك قلتيلي لا بلكي يصيرن مشاكل ولا شي بين العيلة والله ياخايبة تدويلا خيرلك
عليا:لالا مش داويتلا
حلا:امالا كيف تبيه يعرف انك تحبيه وهوا مايعلمش
عليا :حلا ساد فكينا من سيرتة خلاص ماعاد تجيبيلي سيرتة
حلا:اي باهي
امنة:هيا سادكن انتن الاتنين من جو الخب هلينا انعيشو يومين هكي سمحات
عليا:والله حقة.
وفاتت العشية وهنا يهدرزن وضحك وطلعن يتمشن برا في الجنينة وفات اليوم وروحت عليا لي حوشها وتاني يوم قعدت حلا وعليا وشهد يهدرزن عالواتس لانهن امدايرات قروب هنا التلاتة بس
امشي عليا وحلا قعدن يخبرن في شهد عاليوم يلي قبلا ولما عليا مشت لي حلا امشي قالتلهن.
شهد :والله ياريتني مهاكن ليا فترة ماعاش شفتكن عاد كنا امتحانات احني التلاتة
عليا:خلاص عاد كملنا توا ونتلاقو طول الصيف لين نزهقو من بعضنا.
امشي خشت حتى حلا تهدرز معاهن عالقروب.
حلا: حقة يابنات سمعتن
عليا:شنو صاير
شهد :شن فيه
حلا:عرس خالي يونس حددوه يوم 19/8 ياعليا افرحي تو تتلاقي انتي وعماد واخيرا بعد كم شهر
عليا:ايه والله حقة واخيرا
شهد :يا حلا العشاق بيتلاقو وتبدا قصة الحب
عليا:فرقت قصة حبنا كنهادا هوا يعرف اصلا اني انحبة
شهد:معناتة كم مزال عليه اسبوع هوا العرس
حلا:مزال عليه اسبوعين
قعدن البنات يخططن شن بيلبسن وشن بيديرن.
يتبع......