كل الطرق تؤدي الي قلبه💎

chap2

فضلت بفكر لغاية بعد الفجر مش عارفه انام من كتر التفكير و الصداع بس في النهايه غلبني النوم و صحيت تاني يوم ع نفس الكابوس بتاع النتيجه و انا ناسيه اصلا ان النتيجه طلعت و ان كل الي حصل ده حصل فضلت خمس دقايق كدا لغاية ما استوعبت الي حصل و بعدين قولت انا لازم اكلم داليدا بقا هكلمها و الي يحصل يحصل لازم اطمن عليها
جبت التيلفون و اتصلت و التيلفون بدأ يرنن عارفين لما بتتصلوا بحد عشان عايزين تكلموه و في نفس الوقت بتدعوا انه ميردش ع التيلفون هو ده كان احساسي بالظبط😂💔
و مردتش عادي جدااا بس ده العادي بتاع داليدا لو متصلتش خمسين الف مرهه مبتردش عادي جدا😂💔
بس مرضتش اتصل تاني قولت انا لازم انزل اروحلها انا مش هعرف اقعد كدا و اسيبها
نزلت و روحت و اول ما دخلت لقيتها قاعده زي مانا كنت متخيله زي الكتكوت المبلول في جنب و عينها منفخه و خدودها و مناخيرها لونهم احمر جدا
روحت جريت و حضنتها و فضلت تعيط و انا قعدت اعيط ع عياطها و بعدين قولت لا انا مش جايه اخليها تعيط انا هستعمل حسي الفكاهي عشان اضحكهاا 😂
زعقت مره واحده وقولتلها انا مش قولت ميت مره متعيطيش و عينكي تورم كدا عشان انا بخاف🙅
لقيتها بصتلي بقرف  و مضحكتش
ف حاولت انقذ الموقف قولتلهاا الجمله الي ع طول بنقولها بعض لما حد فينا بيعيط و كل مره بتجيب نتيجه
قولتلها هو حد بيبقا قمر لما بيعيط كدا🤔
لقيتها ضحكتت ي جماعههه
فقولتلها ايوه كدا خلي الشمس تطلع و قعدت اغنيي اضحكيي خليني اضحكك ضحكتك بترد روووووحيي
داليدا : اخرسيي اخرسييي هعيط تاني من صوتك ده
ليلي : كدا ي وحشه هتفضلي طول عمرك مش مقدره موهبتيي كدا انتي اصلا عديمة الذوق الفني ايش فهمك انتي و بعدين مكنوش ٢٠ ٣٠ في الميه الي مموته نفسك عليهم يعني عادي يعني *كنت بهزر و بعدين استوعبت انا قولت ايه هعيش و اموت بهيمه زي ما بقولكو كدا والله*😂😂
لقيتها قامت معيطه تانييي و بتزننن
ليلي: آسفه آسفه مخدتشش بالييي انتي عارفه اننا بحدف دبش و بعدين يستي انتي مش كدا كدا كنتي عايزه تدخلي فنون تطبيقيه و هتبقي احلي و اجمل و اقمر باشمنهندسه ف الدنيا هااا
داليدا بشحتفه : ا..اه بس ان..انتي عارفه اني مج..مجبش كدا و انن...انا تعبتت اويي
ليلي *بحاول اهديها بس هي عندها حق* :  انتي عارفه انا ربنا مش بيكتب لينا حاجه وحشه و ان الحمدلله الحمدلله جت ع اد كدا و الحمدلله هتلحقي فنون تطبيقيه وهتعملي الي انتي كنتي عايزاه وربنا هيراضيكي و كل حاجه و كل الي انتي فيه هينتهي بمجرد ما تدخلي الكليه ي حبيبي و هتبقي احسن واحده ف الدنيا 💜
*داليدا ابتسمت و حضنت ليلي*
ليلي : يلا يبت بقااا روحي امسحيي وشك ده  كتك نيله و انتي بقيتي شبهه انابيلا كدا😂😂 و البسي احلي طقم عندك و يلا ننزل نخرج نحتفل اننا خرجنا من سجن الثانويه اخيرااا
داليدا قامت تلبس
و ليلي فضلت قاعده بتفكر في حاجه تانيه خالص هل هيفضلوا صحاب و لا الكليه و الدراسه هتخليهم ميشوفوش بعض كتير  دول متعودين ميعديش يوم واحد غير لما يكونوا شايفين بعض هل ده هيفضل زي ما هو و لا هيتغير!
ليلي فضلت سرحانه و باصه للسقف لغايه ما داليدا جتت
داليدا :ليلي....ليلااااه
ليلي : ليلاااه ايه بس كرهتيني في الاسم حرام عليكي و بعدين قامت و بصت عليها كدا و مسكت ايدها و خليتها تلف بروته
ليلي: ما احنا حلوين و بنعرف نلبس و نبقي زي القمر اهو مالك بقا فيه ايه ما احنا هنتجوز و نقعد في البيت ي بنتيي الدراسه ديه ملهااش اي لازمهههه
داليدا: هتموتي انتي و تتجوزي
ليلي : لا لو سمحت جواز ايه و مسئوليه ايه انا عايزه ارتبط بس
داليدا : تتخطبي يعنيي؟
ليلي : لا مش عايزه  اتخطب طبعا مش عاوزه انا يبقي خطيبي يقعد يقولي اعملي و متعمليش و ابقي مربوطه بيه وكدا
داليدا : اومال ايه عايزه تبقي فتاة ليل؟
ليلي : بنت عيب انا علمتك كدا انا عايزه اصاحب بس يعني وقت ما يعجبني واحد تاني افركش و ارتبط بيه عادي جدا جدااا انتي عارفه انا مذبذبه مش هعرف اتخطب و اتجوز لواحد بس لاا😂😂😂😂😂😂
داليدا: مانتي متربتيش اقولك ايع بس و مسمعتكش امك والله لأقولها😂😂😂💔
ليلي بنبره طفله : مش هتصدقك ي حبيبتي مامي واثقه فياا و بتطلعها لسانهاا
داليدا : اه يا عيني ما هي نايمه ع دماغها متعرفش ان بنتها كدا
ليلي : اسمها نايمه ع ودانها ع فكره اتعلموها بقا😂😂
داليدا  :  whatever يعني كلهم زي بعض
ليلي : خليكي كدا انتي كل ما تتزنقي تقولي واتيڤر كداا يلا ياختي نخرج قبل ما اغير رأيي انا ايه الي جابني يارب هنا
داليدا و راحت مسكت ايد ليلي : جيتي عشان متبتعرفيش تعيشي كدا ولا تتنفسي من غيري😎
ليلي : عندك حق انتي مبتكدبيش😂😂😂😂💜💜💜
بس والله لو ممشيناش حالا مش هنخرج
داليدا: خلاص خلاصص ده انا الخروجه ديه مستنياها من السنه الي فاتت اساسا😂😂😂😂
ليلي : ياههه الوقت بيعدي بسرعه اوي اويي احنا كنا لسه داخلين السنهه و خلاص خلصنا و النتيجه طلعت و هندخل كليه!!!!🙄
داليدا وقامت راميه ايد ليلي: هو انتي مصممه تنكدي عليا ي صحبتي و كل شويه تفكريني ب ام النتيجه انا خارجه عشان اتنساهاا حرام عليكي😫😫😫
ليلي مسكت ايد داليدا تانيي : خلاص سوري سوري هعزمك ع اكل يلااا متزعليش
داليدا و عينها بتطلع قلوب : اكللل !!!
خلاص مش زعلانه مش زعلانه يلا قبل ما تغيرىي رأيكك لاا اقولك استني كدا *داليدا طلعت تيلفونها و فتحت البرنامج الي بيسجل ريكوردس*
داليدا : بصي انا هسجلك اضمن عشان متضحكيش عليا
ليلي بضحك : اد كدا سمعتي وحشه😂
داليدا : اه وحشه اوي بصراحه يلا احلفي انك هتعزميني ع الاكل
ليلي : والله يبنتيي
داليدا : لا ياحبيبتي انتي فكراني هبله قولي والله الجمله كامله
ليلي بضحك: والله هعزمك يا داليدا ع اكل انهارده
ليلي : ها حلو كداا ؟
داليدا: اه ياختي حلو معلش اصل القانون لا يحمي المغفلين😂😂😂
ليلي : مغفلينن!!!
امشي يا داليدا امشي انا غلطانه
داليدا : طيبب متزوقيشش ماشيه اهوو
خرجوا و دخلوا سينما و اتفرجوا ع اللبس و كلووا و ليلي اضطرت تعزم داليدا عشان داليدا راحت سمعت الريكورد للكاشير😂😂😂 عشان تخلي ليلي تدفع و قضوا وقت حلو اوي اوي
بس ليلي كان ع اد ما الوقت ده مفرحها جدا ع اد ما كانت خايفه جدا انهم ميعرفوش يقضوه تاني ولا يشوفوا بعض زي الاول
يا تري ايه الي هيحصل!
************************************
يا صديقتي ..
انتِ قصبة السكر وسط مرارة هذا العالم💞

My cupcakess
ارائكمم تهمني💜💜