لعنه العمر

البداية(الفصل الاول)

عاوز تستمتع خلي الواقع علي جمب او أقولك خرجه خالص من المكان الي انت قاعد بتقرأ فيه عشان تستمتع.
معظم مخاوفنا متعلقه بحاجه احنا مش شايفنها من مستقبل او عمرك او خوف من حاجات خرافيه و و و بس في امريكا اكتشفو اشخاص بيخافو من حاجه غريبه انت ممكن تستغربها لو مكنتش قرأت عنها او حصلت ليك الخوف من اشياء غريبه صح طب ركز معايا الشعور دا بيبدا من سن ٦٠ سنه فيما فوق بيخافو من القعده من غير مايعملو حاجه او يكون في حاجه شغلاهم وبسبب الخوف دا حصل ٢٠ حاله انتحار وكانت اغلبها في المناطق الريفيه الي بتكون هاديه بسبب انهم مش لاقيين حاجه يعملوها ف بيستسلمو ل تفكيرهم الي بيهئ ليهم اشياء وهميه واكترها الانتحار طب انا مين انا مايكل عندي٦٥ سنه
عايش في منطقه ريفيه في امريكا وبالظبط فيه كولورادو بلد صغيره عايش فيها مجموعه لا تتعدي ال١٠٠٠ شخص ودا كان سبب اني انتقلت ليها بعد ماطلعت علي المعاش .
اعرفكوا شويه عنها منطيه شبه مهجوره بسبب الكلام الي بيتقال عليها انها مسكونه بسبب حالات القتل الي حصل فيها واشهرها مقتل ٢٠ شخص منهم اطفال و نساء وعمال مناجم لما طالبوا بحقوقهم ناس بتقول تاني يوم لقوا الاشخاص دول مقتولين و اطفالهم طب ماتوا ازاي لحد دلوقتي مافيش حد عارف ومعروفه ب"موقع مذبحة كولورادو" تقدر تبحث عليها وهتعرف ان كلامي بجد حكايتي بدات لما اتنقلت ل العيش في المنطقه دي كان عندي٦٣ سنه كنت انا و مراتي الي كان عندها ٦٠ سنه اسمها ماريا اول شهر كان عادي مافيش اي حاجه بتحصل في البيت بس بدات حياتي تتغير لما سكن في البيت الي جمبي وحده في الاول مكنتش بشوفها بتخرج وقاعده علي طول في البيت ف يوم زوجتي قالتلي نروح نتعرف عليها روحنا ف بخبطت علي الباب مافيش حد بيرد خبطت تاني برضو مافيش حد قولتلها شكلها نايمه ولما جينا نمشي سمعت حركه في البيت رجعنا لبيتنا وعدا اليوم عادي وفضلنا اسبوع مبنشوفهاش مراتي قلقت و قالت ممكن يكون حصل ليها حاجه انا هتصل ب الشرطه وفعلا اتصلت ب الشرطه جات ودخلت البيت و كنت معاهم البيت نضيف بس مافيش حد في الدور الاول طلعنا الدور التاني شمينا ريحه غريبه مكنتش قادر اتنفس من الريحه دخلنا الغرفه لقينا الست مقتوله راسها مفصوله عن جسمها انا واقف مش عارف اتحرك سكوووت تاام ببص حواليا مافيش حد ولا فيه جثه ولا الشرطي الي كان معايا ، لسه جاي اخرج لقيت الباب اتقفل قلبي بيدق بسرعه لمحت الست دي قاعده ورايا علي السرير بنادي عليها مبتردش مشيت نحيتها ولسه هلمسها لفت راسها ليا تخيل المنظر رجعت ل ورا بسرعه وهيا بدات تيجي عندي وانا ارجع لحد ما قربت عندي طالع منها حراره شديده فضلت واقفه مبتعملش حاجه وفي لحظه بدات تتكلم انت السبب انت الي قتلتلي انا جتلك عشان تساعدني انت موافقتش انا هقتلك انت ملعون طول حياتك مش هتلاقي راحه وبدون مقدمات خبطه شديده علي راسي وقعت علي الارض خلاص بيغمي عليا سامع ناس بتتكلم والي بيقول الحقوه اطلبوا الاسعاف لما فقت لقيت نفسي في مستشفي و مافيش حد معايا دخل دكتور وقالي الف سلامه قولتلوا حصل ايه قال اغمي عليك و جابوك هنا ضربات قلبك كانت سريعه و جالك تشنجات بس متقلقش انت دلوقتي كويس و هتقدر تخرج خرجت و وصلت ل البيت ملقتش مراتي فيه بتصل عليها تلفونها مغلق قولت اكيد خرجت تشتري حاجه مكنتش قادر نمت صحيت الساعه ٧ ملقتهاش جمبي نزلت اشوفها ملقتهاش برضو بتصل عليها برضو تلفونها مغلق اتصلت علي بنتي بسئلها عليها قالتلي ماما ماتت من٣ سنين يابابا انفعلت عليها ازاي وهيا كانت معايا لما روحت البيت وفضلت معايا شهر ازاي لا لا قالتلي انا قولتلك مينفعش تروح البيت لوحدك انا جايه اخدك هتقعد معايا رفضت وقفلت السكه طلعت فوق فتحت الدولاب لقيت هدومها موجوده وكل حاجه موجوده ازااي ماتت سمعت صوت الباب بيخبط نزلت اشوف مين لقيت جاري بيقولي عامل ايه وفي الاخر قالي ايه الي دخلك البيت الي جمبك دا انت متعرفش ان مافيش حد دخل البيت دا من ساعت الحادثه الي حصلت فيه انت تشكر ربنا ان انا شوفتك وانت بتدخل وإلا مكنتش لحقتك و كنت هاتموت وقفته قولتلوا بيت ايه الي مسكون قالي البيت الي جمبك قولتلوا مسكون ازاي و فيه وحدا جات قعدت فيه من اسبوعين خدني من غير ما يتكلم و خرجت لقيت البيت شبابيكه متكسره و مهجور و مافيش حد فيه لا لا فيه حاجه غلط سبته و دخلت البيت و حاسس الي انا هتجنن ازاي دا وايه دا سمعت صوت جاي من المطبخ دخلت اشوف فيه ايه و انا خايف لقيت ماريا بتعمل الاكل و بصتلي و ابتسمت وبتقولي بعملك الاكله الي بتحبها مش عارف اتكلم سئلتها انتي لسه عايشه ردت بمنتهي البرود امال مين الي قدامك دي قولتلها اصل مكملتش الكلمه لقتها بتقولي شكلك تعبان روح ارتاح شويا لحد ما الاكل يخلص زعقت فيها انتي ازاي عايشه وبنتك قالتلي انك موتي من ٣ سنين ولا انتوا بتستهبلو عليا في الوقت دا الباب خبط لقيت جاري بيقولي انت بتزعق ليه خير فيه حاجه قولتلوا لا قالي مالك قولتلوا مراتي قالي مراتك ايه انت عايش لوحدك يووه انتوا هتشتغلوني شديته من ايده ودخلته المطبخ لقتها واقفه بتعمل الاكل و هوا لما شفها متكلمش جري وفضل يقول مش معقول انا اتجننت طلعت اجري وراه لقيته دخل البيت وقفل فضلت اخبط عليه مبيردش سبته ومشيت دخلت البيت لقيت مراتي بتقولي الاكل جهز كلت ونمت من غير ما اتكلم معاها صحيت باليل ملقتهاش في البيت دورت عليها ملقتهاش لا فيه حاجه غلط صداع رهيب حد ضربني جامد علي راسي فقد توازني و وقعت علي الارض واغمي عليا صحيت لقيت نفسي علي السرير ومراتي نايمه جمبي يعني ايه دا كنت بحلم !! طب والضربه بحط ايدي علي راسي لقتها وارمه انا مبقتش فاهم حاجه نزلت الدور الاول مش عارف انا مالي بفكر في كلام بنتي وكلام الراجل دا يعني ايه انا كنت عايش في وهم اخر ٣سنين طب انا مش فاكر حاجه قبل ما اجي البيت دا حسيت ب حركه ورايا لفيت ملقتش حاجه ببص قدامي تاني لقيت مراتي واقفه و مبتتكلمش سئلتها مالك قالتلي متصدقش كلام اي حد يقولك ان انا ميته انا عايشه معاك وكان صوتها بيتغير